¹ Ti purti laaca tu nana tu, biche ca', cadi que niquiiñe di bedanda du ra nuu tu, ² Laatu nanatu de que niru gudididu guenda naná ne bisitui cabe lú du ndani guidxi Filipo. Huaxa pur Diuxhi gunda laadu guinine' du laatu de xtidxa Diuxhi neca nuu du la ca guenda nagana que'. ³ Cadi cuzidi du laatu pur ti guenda ruche, nin ca pur ni na mucu, ninca pur guenda ruziguii. ⁴ Huaxa, ti purti Diuxhi ma biiya zanda laadu, para ganda gudii laadu xtidxa, ndi runi rini'du. Rini'du cadi para gusieche du binni guidxi layu, huaxa para gusieche du Diuxhi. Laabe nga ruya cha'hui be ndani ladxido' do. ⁵ Ti purti laadu nin ti tiru cadi huaquiiñe du didxa sicaru para ugaa du, casi laatu nana tu, nin ca riguixhedu xhi jñe para gacaladxi du gapa du, Diuxhi nga naca ni ruuya laadu. ⁶ Ninca cadi racaladxi du guidxa guenda naro' xti binni guidxilayu', xtitu nin ca xti xcadxi. Laadu ñanda ninaba du ñaca du ni risaca pur naca du aposto xti cristu. ⁷ Laga nga la? laadu bizihui'ni du laadu lade tu casi ca ti jña rusigani laaca ca xhiiñi. ⁸ Saca laadu gunaxhi tu laatu. Laadu guiza' bidi du xquixhe pe' pur ganda gudi du laatu de ni napadu, cadi xtidxa Diuxhi si', laga guenda nabani pe xtidu. Ti purti nabe' beda ganaxhiidu laatu. ⁹ Laatu rietenaladxi tu, biche ca', dxiiña xtidu ne xtipa cayunidu. Laadu cayuni du dxiiña ridxii ne huaxhini para cadi gaca du ti ni guaa nin tobi de laatu, laga ca cayuii ne du laatu de xtidxa Diuxhi. ¹⁰ Latu huayuuya tu, ne Diuxhi laaca, pabia ne guenda nandxo', jneza, ne sin guenda rugaani donda laadu runi du ne laatu ca ni ma runi cre' . ¹¹ Ne sacaca, laatu nanatu de que laadu cuzienedu laatu, ne cugu' du gana cada tobi de laatu, casi ca ti bixhoze ñuuni ne laaca ca xhiiñi. Cuziidi du laatu, cudii du xtipa laatu ne cului du laatu ni ma biiya du, ¹² de que laatu sáa tu casi ganda gucha tu genda naro' xti Diuxhi, ni cabidxi laatu lu laaca lu guenda runi mandar xti ne lu guenda nandxo' xti. ¹³ Pur ndi nga laadu laaca nabé rudi'du xquixhe pe Diuxhi, ti purti ora laatu gucua' tu ca xtidxa Diuxhi, ni binadiaga tu de laadu, laatu gucua tu ni cadi casi xtida di binni guidxilayu', laga, gucua tu ni casi dxandi pe naca ni', xtidxa Diuxhi, Ndi nga Didxa ni laaca cayuni dxiiña lade tu ca ni ma bini cre'. ¹⁴ Ti purti laatu, biche ca', guca tu ti ni runi casi runi ca Iglesia xti Diuxhi nu nuu ca Judea lú Cristu Jesus. Laatu laca gudii di tu ca ra nagana gudiidi ca binni xquidxi tu, casi laacabe bisaaca cabe cani de ca Judiu. ¹⁵ Ca Judiu nga biiti ca Señor Jesus ne sacaca ca Profeta. Ca Judiu nga guladxi laadu. Laacabe que riuladxi Diuxhi laacabe. Huaxha naduxhu cabe ne guira binni. ¹⁶ Laacabe que riná cabe guinine du ca ni cadi Judiu para guilá ca. Ne modo beda gudii ndi la? laacabe puru ridxa tipa cabe de guenda ruche xti cabe. Huaxa Xhiana xti Diuxhi sugaanda laacabe ra guiluxhe ¹⁷ Laadu, bichidu ca', bixhale du de laatu caadxi, cadi nuu du ra lu tu, huaxha nu' tu ndani ladxido' do. Laadu guizaa gupa du gana guiduuya du lú tu. ¹⁸ Ti purti guiza' gupadu gana chinda du ra nu tu, na pia' Pablu, gupa gana cha' ra nu' tu ti tiru ne xti tiru, huaxa binidxaba bicueza laadu. ¹⁹ Ti purti ¿xhinga cabezanu para huidxe, o ni ruzieche laanu, o la'pa' de guenda naro', ra lú Señor jesucristu xtinu ra la gueda? ¿Cadi naca tu laatu casi xcadxi? ²⁰ Ti purti laatu naca tu guenda naro' xtidu ne guenda rieche xtidu.