¹ Sicarii la?, laatu cani napa tu xhela tu la? napa xidé uzuuba tu xtiidxa xhela pe tu, ti, pa nuu tu de laaca que uzuba ca xtiidxa Diuxi la?, pur cani biasi ni runi xhela ca cá la? zunibiá ca Diuxi jmá que ne puru diidxa si. ² Ti ma biiya cabe modo xneza runi ca. ³ Cadi gaca di candi ne guendaruzuchahui ti lugiasi casi, gunichahui tu ique tu, gaze tu oro, o gacu tu lari ni jmá risaca. ⁴ Sinuque gaca tu binni ni nadó ladxidó', purti nga nga guenda sicarú ni risaca nezalú Diuxi. ⁵ Pue ca gunaa ni naca ca sicari la?. Laca runi cre ca Diuxi ne laca huazuba ca xtiidxa xhela ca'. ⁶ Sicarí Sarah bizuba xtiidxa Abraham, ne gudxi be la' Señor xtibe. Yanna la? laatu nga xiiñi be, pa laatu guni tu ni xneza ne pa laatu que guidxibi tu ca guendanagaana. ⁷ Ne sicari'ca, hombre ca, napatu xidé guiéne tu xheelatu ne lagapa laacabe, ne lagana de que laacabe nga casi ni que gapa xtipa ne lagana de que laacabe nga zizaane cabe laatu casi ti ni bisagade guendanabani laatu. Laguni ca ndi ti cadi uchiiña gaxti laatu ora iní' né tu Diuxi. ⁸ Ne para guiluxe nu la?, guira xixé tu, lagaca tobi si, laguiá sá, lagaca nadó casi ora bizana tu, la ucudxi ladxidó to, ne la gaca nachahui. ⁹ Neca uchee né binni laatu, cadi uquixe tu ni laaca', ne pa cu' dí ca laatu, cadi cu' dí tu laaca, sinuque, lainaba Diuxi cu' ndaaya laaca'. Purti para ndi nga gucua' tu riidxi, ti ganda gaadetu ndaya xti Diuxi. ¹⁰ "NI RACALADXI GANAXHÍ XQUENDANABANI NE GUUYA DXÍ SICARÚ LA? NAPA XIDÉ GUCUEZA LUDXI' DE INÍ DIIDXA DXABA NE RUAA DE USIGUII. ¹¹ NAPA XIDÉ GUIXELE DE NI NADXABA NE GUNI NI XNEZA. NAPA XIDÉ GUYUBI GUENDARATADXI LADXIDÓ NE SÀ NANDA NI. RUUYADXI SEÑOR NI NUU XNEZA NE RUCÀ DIAGA NI GUINABA CA LAABE. ¹² PERU SEÑOR RUDXII DECHE CANI RUNI NI NADXABA." ¹³ ¿Tu la' zanda guni na' lii, pa lii racaladxi lu ni xneza ya? ¹⁴ peru pa lii cayunu xneza ne gacaná lu la? za cou ndaya. CADI GUIDXIBU NI LAACABE RIDXIBI CABE. CADI GUIDXIBI TU. ¹⁵ Sinuque, gulee chú Cristu xhaiquenu ndani ladxidó lo casi ni risaca. Guiraa dxi chuulu para icabi lu guiraa ni guinabadidxa lii xixa purti lii runi cre lu Diuxi. ¹⁶ Lagapa xpia' de lagaca na do' ora guni tu ndi. La guziaa xpianitu' ti ca binni ni guiní de laaatu pur tisi xpini Cristu laatu guituí lu ca, purti caní ca de laatu de que naca tu casi binni runi xixa dxaba. ¹⁷ Jmá biasi, chúladxi Diuxi ra cayacanálu pur tisi ca'yunu biasi que pur ora gunu ni cadi xneza. ¹⁸ Cristu laca gudidi ra na'gana pur guenda ruché. Laabe ni rube xneza gudiidibe guenda na'gana pur laanu, naca ndanu binni nadxaba', ne zacá guchiñabe laanu ra nu' Diuxi. ¹⁹ Guti cuerpu xtibe, peru bibanibe lu Espíritu. Laabe yegüí be xtiidxa Cristu ra nu ca espíritu ni nagasi deguyó ca. ²⁰ Laaca que nuzuuba ca diidxa ca dxi guleza Diuxi laaca chahuidugá ca dxi xti Noe, ca dxi chi cháa arca que, ne Diuxi bilá' cadxi si binni- xhono guenda- ndani nisa que. ²¹ Zanda gabi nu zeda gacani casi ora guyú nisa nu para bilá nu, cadi casi ora guiari ti cuerpu ni nabiidi, peru casi ñaca guihuini nu de que ma nanna nu' de que ma bia ladxidó' no, ra bibani Cristu de lade guetu. ²² Laabe nuube ladu ndiga xti Diuxi, Laabe zeebe ibá. Ca ángel, cani runi mandar ne cani nandxó la? napaxidé guzuuba ca xtiidxa be.