¹ Nga runi la cue' chu guira guenda nadxaba, guenda rusigui, guenda rinni ne que runi, guenda rudxiba donda ni cadi dxandi. ² Lagaca casi xcuidi ni casi gule, ni candana niidxhi naya xti Espiritu, ti saca laatu ganda guiniisi tu lu guenda rilá, ³ Pa ma biiya lu de que xhaiquenu nachaui. ⁴ Lagueeda ra nuu be ni naca ca guie' nabani, ni binni que niná nicaa, peru ca ni Diuxhi gulíi, ne risaca para laabe. ⁵ Laatu laaca nacatu guie' nabani ni caquiiñe para guza' cabe Yoo' xti Espiritu, ti ma ganda gaca sacerdote ni ganda gudi Sacrificiu de Espiritu ni sanda guica Diuxhi pur Cristu Jesus. ⁶ Naa lu gui'chi', "LAGUUYA, NAA CUGUA NDANI SION TI GUIE NADIPA, LAA NGA NUU GALAHUI NE NI BIBÍI, NE SICARU. NI LA GUNI CRE' LAABE LA? QUE SATUI DI' LÚ." ⁷ Ora ca guenda risaca ca saca ni para laatu ni runi cre' tu. Peru "GUIE' NI BIZAABI CA NI CUCUI YOO' QUE', BEDA GACA GUIE ZANIRU RA HRIEECHU' YO QUE," ⁸ ne "TI GUIE' NI RIRENDA ÑEE CABE NE TI GUIE NGOLA NI GUIRENDA ÑEE CABE." laacabe rirenda ñee cabe, ra que ruzuuba cabe xtidxa diuxhi, ne pur nga la? me bilui' naa ca laacabe. ⁹ Peru laatu naca tu cadxi binni ni ma bibíi, sacerdote ni dxandí, ti guidxi ro' nandxo', binni ni naca xti Diuxhi, nga runi laatu zui' tu ca guendaridxagaya ma binni ni bica ridxi laanu de lu guelacahui para lú biaani sisaru. ¹⁰ laatu dxique' cadi naca tu binni, peru yana ma naca tu binni xti Diuxhi. Laatu que nicaa tu guenda ria', peru yana ma gucua tu guenda ria'. ¹¹ Ni nadxie ca, naa cucaa ridxi latu casi ñaca tu binni de adxe guidxi, ne ni canazaa re'nda, ti ma gucueza tu laatu de gacaladxi tu guni tu guenda ruche', ti purti cadxelazaa ne tu xquenda tu. ¹² Laatu naquiiñe guni tu ni jneza lade ca ni cadi Judiu, ti ma ganda, pa laacabe guini' cabe de laatu casi ñaca biini tu ni cadi jneza, laacave ganda guya cahui cabe ne gusisaca cabe Diuxhi dxi la gueeda. ¹³ laguzuuba didxa xti guira ni runi mandar ndani guidxilayu di, pur xhaiquenu, Rey ni jmá naro'ba, ¹⁴ o gaca ni ca ni runi mandar ni bizeenda cabe para gueda guquixhe ca ni ma biini ca ni cadi jneza, ne la gusisaca ca ni runi ca jneza. ¹⁵ Purti ndi nga ni racaladxi Diuxhi, ora lii guunu jneza guzigani lu ca binni ni que gana ne que ruuna. ¹⁶ Casi binni ni ma bilá, cadi guiquiiñe tu guenda ma biláa xtitu para guchii tu ca guenda nadxaba xtitu, peru lagaca casi ni runi xhiiña Diuxhi. ¹⁷ Lagudxiiba lu na guira binni. laganaxhii guenda biichi. Bidxibi Diuxhi. Bidxiba lu na rey. ¹⁸ Ni rune xhiiña Diuxhi ca', laguzuuba didxa xti xti ca xpixhuana tu ne guira guenda rapa xpia', cadi ca xpixhuana tu ni nachaui si, peru laaca ca ni nadxaba. ¹⁹ Pur naca jneza pa tuuxha cadidi ra nana, laga cadidi ti ra cayuni cabe i cadi jneza ne laa pur ni nana xquendabiani binni neza lú Diuxhi. ²⁰ Pabia' ti sanda guisaca pa lii cuchee lu ne oraca ridiidi lu ra nana pur ni binni lu? pue pa lii biini lu ni jneza ne oraa lii ridiidi lu ra nana pur ni biini lu, ndi Diuxhi ruya dxi ndi. ²¹ Para ndi nga gulidxi cabe lii, ti purti Cristu laaca gudiidi ra nana pur lii, ne bisaana casi ti ejemplu para ganda zaa nanda lu ra bixhata ñee be. ²² laabe que ñuni be nin ti guenda ruche; ne ninca que nidxe la cabe nin ti guenda ruziguii de rua' be. ²³ Ora gulu di cabe laabe, laabe que nibiguetabe ne nigudi be. Ora laabe gudiidi be ra nana, laabe que nibigueta be ne ninii be suquixhe b, peru laabe bidii be laaca laabe ni ruyu bi donda ni runi jneza. ²⁴ Laape be guyua' be ca guend ruche xtinu lu yaga, ti laanu que gapa nu gaxti ne guenda ruche, ne ganda laanu guibani nu lu ni jneza. Pur ca ra gudiñe cabe laabe laatu ma bianda tu. ²⁵ guira tu ma guzarenda tu casi dendxu ni biniti, peru yana ma bigueta ni rapa dendxu ne ni rapa guenda.