¹ Nga runi, purti Cristu gucana casi binni, zacaca latu lagacana'. Ni gacana ndani guidxilayú di la? ma biza'na de guché. ² Binni di la? ma que nabanidibe ni rului' ladxi binni guidxilayú, sinu que ma modo racaladxi Diuxi, ca dxi ni riana labe ndani guidxilayú ³ Ma biati gudidi xtale dxi para guninu ni runi ca binni ni que runi bia' Diuxi rului' ladxi ca puru guenda ruché: ni ruxhui'luca guiu' neca guna', guenda rixhudxi, guenda rusisaca bido', ne ruyaaca ne racuca lari chu'cu, runi xhihui ca saa ne rapaca bido' ni ribixhi ladxi Diuxi. ⁴ Lacabe ma ridxagaya cabe xhiñe ma que rizá ne tu lacabe lu ca ni runicabe, nga runi rinicabe ni nadxaba de latu. ⁵ Ne lacabe sabidxicabe cuenta ca ni nabani ne cani ma guti. ⁶ Ne pur ndi nga bireche xtiidxa Diuxi ranu ca ni ma guti, ne necape gulidxicabe cuenta laca dxi nabani ca ndani guidxilayú, ti ganda guibanica ne Diuxi lu espiritu. ⁷ Ma zeda guidxiña dxi guiluxe guira xixé ca ndi. Nga runi, la cu xpianitu, ne la guca ique ni jneeza, ti saca guiní ne'tu Diuxi. ⁸ Ne guira xixe ni guiza'catu la?, laganaxhi saa latu, pur ti guendaranaxhi que ruyubi di guchii guendaruche' xti xtobi. ⁹ lagacane lisa' latu sin quiche rua' tu. ¹⁰ Casi ca' cada tobi ma gucua ti guenda, la iqueñe ni ti gacane lisa' tu, casi ti mayordomo nachahui'. ¹¹ Pa nu tu guini, gacani casi tobi ni risaca xti Diuxi, pa nu tu guni ti dxiña, gunini ne guzuhua chahui ti Diuxi zudi ni caquiñebe, ti sicarí gusisacabe Diuxi pur Jesucristu. Xtibe nga guenda nandxo' ne guenda runi mandar dede nagasi ne que ziu' dxi guiluxe. Amén ¹² Ni nadxie' ca , que guidxagayatu ora gueda ti guenda nagana lu guiatu, casi ñaca que ganatu xhi cayacatu. ¹³ Huaxha ora jma gueda guenda nagana luguiatu, laguieche xtale, ti zaca' dxi guihuini be ne guenda nandxo' latu nutu nayeche'. ¹⁴ Pa cu' dii cabe laatu pur laa Cristu la? latu napatu nda'ya pur ti Espíritu ni nandxo' ne Espíritu xti Diuxi nuu luguiatu. ¹⁵ Peru nin tobi de latu que gacanadi casi tobi ni ma biti, casi ti gubana, casi ti ni que runi jneeza, casi tobi ni rugu rua ra tisi. ¹⁶ Huaxa, pa tobi gacana casi ti ni runi cre Cristu la?, que guituidi lu, lagudi lugar gusisaca be Diuxi. ¹⁷ Pur ti ndinga dxi guzulú cuidxi cabe cuenta ndani lidxi Diuxi. Ne pa guzulu ni ne lanu la? ¿Xhigaca de que cani que runi cre ca Diuxi ya?. ¹⁸ Ne pa hombre ni nachahui rilaa ne xtale guenda nagana ¿Xi zeeda de ca binni ni cadi nachahui ne ni ruche ya?. ¹⁹ Pur nga la?, cani racana modo racaladxi Diuxi la gudi guenda xtitu ni bizaa latu, laga cayunicabe ni nachahui'.