¹ ¿Beluk yas stak jkalyik? ¿ja bal snubil yael ta ayukotik to ta mulil ja yuuna te yutsil yot'an kawualtik yakuk xmuk'ub ta jtojaltik? ² manchuk la me skot skalelal te jich spasta bie. Te jootike te mach'atik lajemotikix ta stojol mulile, ¿binti katik stak xkuxinotik xan ta mulil? ³ ¿yuun bal maa naik te jpisiltik te mach'atik kich'otikix ja ta stojol Cristo Jesus, janix jich kich'otikix jaa yuun te slajeluke? ⁴ Te jootik pajal la kich'tik mukel sok, te kalal la kich'tik jaa lajotikuk. Ja jich yuun te bit'il Cristo chaa kuxtel ta bay animaeletik yuun te smukul yutsil te tatil, janix jichotikuk yakuk stak xbenotik ta yach'il kuxlejaltik. ⁵ Te me jootik joinotikix te Cristo pajal lajotik soke. janix me jich te jootike pajal ya xchaa kuxotik sok. ⁶ jnaotik to', te pokol kuxineltik ya yich'ix jibanel ta cruz sok. jich yuun te mulawil bak'et la yich'ix milel. ja pasta yuun te jootik ma ba xchukotikxan te mulile. ⁷ Ja te mach laj ta jtojoltik jaa tok stukel mayuk smul. ⁸ Teme jootik lajemotikix sok Cristo. janix jichotikuk, ch'unetik te jootikuke ya xkuxinotikuk sokoke. ⁹ Jnaotik stojol te Cristo jachbiltel jach'el ta bay alimaeletik, sok te ma ba lajemixe. ma ba uuntay bilix yuun te lajele. ¹⁰ Ja te k'alal laj ta stojol te mulile, laj ta sabt'el k'inal. jauk me to te xkuxinele, jai xkuxintay ta stojol Dios. ¹¹ Janix jich te jaatikuke ya skan ya kuyabakix te lajematikix ta stojol te mulile, ja kuxinemex ta stojol Dios yuun Cristo Jesus. ¹² Ja yuun mame xa wakik te mulile ya spasbex mantal te ja bak'talik ya xlaj yuun de yaa ch'uunik pasel te beluk amen snopjibalawunik yuun ja bak'etalik. ¹³ Ma me xa wak'ik te a wok kabik ta stojol mulil, yuun ya yich tuuntesel yun beluk ma toj. Jauk meto ak'abaaik ja tukelik ta stojol Dios, jich bit'il laajatik te oraito kuxulex. Ak'aik te a wok kabik ta stoojol Dios yakuk stuuntexex jich bit'il at'jibal yuun toj bin pasel. ¹⁴ Ma me xa wak'ik te mulil ya spas mantal ta tojolik. Te jaatiek maba ayatikix ta xch'uunel mantalil, ja ayexix ta yutsil ot'anil. ¹⁵ ¿Bin ut'il ay? ¿Ja bal ya skan te yakuk spatik mulil yuun te mabal jch'unotikix te mantalil, ja yuun te jtaotikix te yutsilal ot'anil? ma stakix stukel bi. ¹⁶ ¿Ma bal ja naik te k'alal jaatik ya ja wak'abait ta stojol abatinel yuun ay mach'a ja ch'uunbeyik smantal, jich ya xkoex te bit'il mosoinex yuun te mach'a ja ch'unejik. jich ya xkoex te me jaa wak'abaik abatinel yuun te mulile te ya yikexbel ta lajel. janix jich teme ja la wak'abaik abatinel yuun te xch'unel te ya yikeybel ta toj. ¹⁷ Wok'ol yal te Dios! te jaatike ja yabatijinexa te mulil, jauk meto la ch'unik sok spisil ja wot'anik te beluk lla wich'ik bijtesela. ¹⁸ Te jaatike la taikix kolel ta stojol mulil, ja ta oraito ja yakatik ta abatinel yuun te beluk toj. ¹⁹ Ya jkoponex jich bit'il xk'opjex ja yun te xk'unatik ta tael yuun te a bak'etalik. jich bit'il te jaexe ya jwak tea jwok kabik ch'ukbilex yun te mulil sok te sbolil ot'anil, janix me jich ta oraito ya jwakik te ja wok-kabib yuun ya xchukex te beluk toj yuun ya xkoatik ta santoil. ²⁰ Ja te k'alal jaex xchukojexa te mulil, kolematik yuun te beluk toje. ²¹ Ja te skalelala ¿ay bal sit'in ja wunik te beluk la pastilayik te ya xk'exawatix yuun ta oraito? te lajel jame stojol te beluk la jpatilayik. ²² Jai orato, te jaatik kolatikix yuun te mulil sok la awak'abaikix ta abatinel yuun te Dios, te jaatik sitinatikix yuun ya jtaik te santoinel, ja jich ya jtaik te sbat'el kuxinel. ²³ Te stojo te mulil ja te lajel, ja te mat'anil ya yak te Dios ja te sbat'el kinal kuxinel te stojol Cristo Jesus ajwalil kuuntik