¹ Te k´alal la chajp´antik te xch´unjel kot´antike, ay lamal k´inal ya kaytik ta stojol te Dios ta swenta te kajwaltik Jesucristo. ² Ta swenta nax te jootike ya jtatik te xch´unjel kot´antike sok yuts´ilal ta jtojoltik. Binax kot´antik yu´un sok toyol kot´antik yu´un te beluk ya yak´botik ta patil te Diose, ja´te beluk ya k´antik te maj nax ya kybetik yutsilal sok te Diose. ³ Ma jauk nax to janix jich binuk nax kot´antik yu´un te wokoltik ya xtale. Melel yu´un ya najtik stojol te wokoltike yame sk´an ts´ik´ ku´untik. ⁴ Te me ts´ik´ ku´untike lek me jk´oplaltik ta stojol te kajwaltike, sok te me lek jk´oplaltike yame jtatik te beluk yakotik ta smaliyele. ⁵ Te beluk malibile jun kot´antik yu´un, te xk´uxul yot´an te Diose pujk´emix ta kot´antik ta swenta te ch´ul espiritu, te ak´bilotikix. ⁶ Te k´alal mayuk kiptika-e, jich la sta k´alel te laj te Cristo yu´un ta swenta te mach'atik ma snaik k'inal. ⁷ Mayuk mach´a ya skán xlaj ta swenta te mach´a toje. ay ni wan mach´a ya sk´an xlaj te me yu´un lek te tul ants-winike. ⁸ Te Diose ya yak´ ilel xk´uxul yot´an ta jtojoltik, te k´alal mulawilotika-e, te Cristo-e laj ta jtojoltik. ⁹ Jauk to bal, ta ora to lekotikix yu´un te xch´ich´el, jich kolotik ta swenta, te yilimba te Diose. ¹⁰ Te k´alal kontroba tika-e, juna jkot´antik sok te Diose ta swenta te laj te Snich´ane, k´axemto-a te k´alal juna te jkot´antike la jtatik te kolel yu´un te Skuxinele. ¹¹ Ma jauk nax to, janix jich binax kot´antik sok te Dios ta swenta te Kajwaltik Jesucristo, yu´un te jootike ta ora to juna jix kot´an batik sok. ¹² Jich yu´un ta swenta tul winik och tel mulil ta balumilal, jich yu´un te lajele och tel ta swenta te mulile. sok te lajele pujk´bael ta spisil ants-winik, melel spisil la staik smulik. ¹³ Jichu-uk te mantalile, te mulile ay ta spamal balumilal, jaukmeto ma muliluk ya xk´ot te me mayuk te mantalile. ¹⁴ Jich yu´un, te lajele ajwalinaj k´alal ta Adán ja to ta Moises, sok nix te mach´atik ma´ la yak´smulik jich bit´il te la xk´axintey mantal te Adane, ja´ slok´ombail te mach´a k´an taluk patile. ¹⁵ Jich yu´un te majt´anile ma pajaluk sok te mulile. Ta swenta te mulile bayal mach´atik laj, k´axemto to ate yuts´il yot´an Dios sok te majt´anil te yutsil tul winik la yak´botike ja bi ja´ te Jesucristo ta swenta te jkutsilaltik ta jpisiltik. ¹⁶ Te majt´anile ma pajaluk sok te stojol te mulile. Jaukmeto, te ya kich´tik likbel jmultike ja ta stojil te tal ta swenta te la xk´axinte mantal te jtul winik. jaukmeto te yan, te majt´anile k´ot ta lok´el te lek jk´oplaltik te tal ta patil yu´un te bayal buelta la k´axintetik mantal. ¹⁷ Ta swenta tul mach´a la xk´axinte mantale, te lajele ajwalinaj ta swenta jtul, jich k´axemto jelawan te yuts´il te jmajt´anil yu´un te bek toj te tal ta jtojoltik ta swenta te Jesucristo ¹⁸ Jich yu´un ta swenta te la yak´smul te ants- winik tal te stojol, janix jich ta swenta te beluk toj la spas te Jesucristo lekix sk´oplal xkuxinel spisil te ants-winik. ¹⁹ Ta swenta te tul winik la xk´axintay mantale jich mulawil k´ot ta spisilik, janix jich ta swenta te bit´il la xch´uun mantal te jtul winike bayal mach´a lekubix te xkuxinele ²⁰ Te mantalile patil tal, jich yu´un esmaj te mulile. Te banti esmaj te mulile, jelaw le-a te yuts´il ot´anile. ²¹ Jich k´ot ta pasel, te mulile ajwalinaj ta lajel, janix jichu-uk ta yuts´il ot´anile ya x-ajwalinaj ta swenta te beluk toj yu´un kuxinel sbajt´el k´inal ta swenta Jesucristo te Kajwaltike.