¹ La jkil te Alal chij te k'alal ta sjam te sbabial sello, sok la jkaistojol te k'opoj kojt' te bitik kuxatike jich k'opoj te bit'il hawuke: ¡ La' ilawil ! ² "Jich la jkil kojt' sakil caballo. Te mach'a kajal ta sba yich'oj t'im te' ta sk'ab sok ak'bot skorona ta sjol. Yaiyojix tsalaw te lok'tel sok ba yaiy xan tsalaw. ³ Te K'alal la sjam te xchebal sello te alal chije, la jkaiybey stojol te sk'op te xchebal (2) te bit'il kuxatike te jich la yal: "¡La'!" Jich yu'un lok'tel yan caballo te tsaj nax jich bitik ⁴ k'ajk'e. Te mach'a kajal ta sba ak'bot yat'el te ya sk'ejbel te lamal k'inal ta balumilal, swenta yu'un jich ya xjach' smil sbaik te ants-winiketike. Sok ak'bot muk'ul espada. ⁵ Te k'alal la sjam te yoxebal sello te alal chije, la jkaiybey stojol te sk'op te yoxebal (3) te bitik kuxatike te jich la yal: "¡La'!" Jich la kil kojt' ijk'al caballo, te mach'a kajal ta sba slikoj ta sk'ab te slikjibal yalal (balanza). ⁶ Laj kaiy stojol te ay mach'a k'opoj ta yolilal te chan kojt' te bitik kuxatike te jich la yal: "Jun nax kilo trigo aka yich' chonel ta jun k'aal at'el, sok oxeb kilo cebada ta jun k'aal at'el. Yan te aceite sok te vinoe ma me x-awixlanik." ⁷ Te k'alal la sjam te xchanebal sello te alal chije, la jkaiybey stojol te sk'op te xchanebal (4) te bitik kuxajtike: "¡La'!" ⁸ Jich la jkil kojt' caballo te sak pojch'anaxe. Te mach'a kajal ta sbae Lajel xi' te sbiile, sok nutsbil yu'un te stsobjibal ailmeletike. La yich' ak'beyel jun ta xchan xejt'el te balumilale te ya smil ta kerajel, ta winal, ta chamel, sok ta ti'el ta ti'wal chambalametik te ants-winiketike. ⁹ Te k'alal ya sjam te yo'ebal (5) sello te Alal chije, la jkil ta bay yanil te schik'jibal milbil smajt'an Dios te xch'ulelik te jayeb mach'atik yich'ojik milel ta skaj te la yalik te sk'op te Dios sok te la yalik te smelil te beluk xch'uunojike. ¹⁰ Kajik ta tulan aw: "¿ Ajwalil yu'un spisil te beluk aye, te ja-at tojat sok smelelilat, Jayeb xan k'aal ya sk'an, te alikbey smul te mach'atik kuxatik ta balumilal yu'un te la smilotik jich me ya awabey stoj te la smalbotik jch'ich'eltike?" ¹¹ Jich la yich'ik ak'beyel lijk'il-lijk' sakil k'uul pak'al, la yich'ik albeyel te yakuk smaliyik xan teb'uk ja to teme ts'akaj te yajtalul te yermanotak te ayik ta abatinel sok te ch'uunjeletik te la yich'ik taeluke,sok te ya yich'ik milel, Jich te bit'il lajikuke. ¹² Te k'alal la sjam te swakebal (6) sello te Alal chije, la jkil tal tulan nijk'el ta balumilal. Te k'aale ijk'nax bajt' jich te bit'il ijk'al pak'e, sok te ue tsajub jich te bi'til stsajal te ch'ich'e. ¹³ Te ek'etik te ayik ta ch'ulchan ch'ayiktel koel ta balumilal, jich te bit'il ya xch'ay koeltel te sit te higo te' te k'alal ya xtal bayal ik'e. ¹⁴ Te ch'ulchane ch'ay beel ta jsit jich te bit'il te ya yich' balel ora nax te june. Spisil te witsetike sok te sejbelsejb k'inal te juybil ta mare spisil kaj stij sbaik te banti ayike. ¹⁵ Te muk' ajwaliletik te ayik ta balumilal sok te mach'a tulan sk'oplalik, te wolwanej soldadoetik, te k'ulejetik, te mach'a tulan yat'elik, sok spisil te mach'atik, mosoetik, te mach'a kolemik, laj snak' sbaik ta xaabetik sok ta ch'eenetik te ayik ta witstikal. ¹⁶ Sok la yalbeyik ta aw te witstikale sok te ch'enetike: "¡ ch'ayanik tel koel ta jtojoltik! Nak'awotik ta sit yelaw ta stojol te mach'a nakal ta muk'ul naktibal sok te yilimba te Alal chije. ¹⁷ Yu'un k'otix yorail, sok ¿Mach'a ya stak' stejk'an sba ta stojol?"