¹ Ta patil ay bila la jkil xan, te ay jun ti'nail te jamal ta banti ch'ulchan.Te ja sbabial k'op, te la sk'opnon jich b'it'il te jun ok'es, la yal: "moantel le in to, jich te jo'one ya jkabat awil te beluk ya xk'ot ta pasel ta patil. ² Ta ora nax la yunteyon te yuel te Espiritue, la jkil te jun muk'ul naktijibal te ay ta ch'ulchane, te ay mach'a nakal le'a. ³ Te mach'a nakal le'a jich yilel te bit'il te lekil ch'enetik te jaspe sbiile sok te cornalina sbiile. Ay jun sejk'arakub te juy bil yu'un te muk'ul naktijibale.Te sek'arakube jix yilel te bit'il te esmeralda tone. ⁴ Ta suyubal te muk'ul naktijibale ay chaneb-cha'winik (24) muk'ukal naktijibaletik,te banti te muk'ul naktijibaletike nakajtik chaneb-chawinik ta tul mamaletik lea,te slapojik sakikal sk'u-spak'ik',te yich'ojik skoronaik ta sjol te pasbil ta oroe. ⁵ Te banti te muk'ul naktijibale ya xlok' tel tsan-tsewaletik,sok bayal bek yak ta bul sok bayal chawuk le'a. Te jukeb xtuchjibal k'ajk' yakik ta tilel ta ba ay te muk'ul jnaktijibale, te jukeb k'ajk'etik ja Espiritu yu'un te Diose. ⁶ Jich yuún, te banti te mukúl jnattijibale ay pamal mulúl ja'te xlememet, jich te bítíl te jun espejoe (neen). ta banti yolilal te bmukúl naktijibale ay chaneb te machá kuxatik lea nojel sitik la sit yelawik sok ta spatik. ⁷ Te sbabial te chambalume jich yilel te bit'il leon-choje, ta xchebal te bila kuxule jich yilel te b'it'il alal wakaxe, ta yoxebal te bila kuxule jich yich'obey sit yelaw te bit'il te winike te xchanebal te chambalame jich yilel te bit'il xike. ⁸ Ta xchanebal te chambalametik te kuxatike ta jujun kojt' ay wakeb xik'ik, te nojel ta sitiletik ta spat sok ta yutil te xik'ik. Ta k'aal sok ta ajk'ubal ma xkejch'ajik ta yalel in to: ''CH'ULTESBIL, CH'ULTESBIL, CH'ULTESBIL, JA'AT TE KAJWALTIK DIOS, TE SPISIL YA XU' AWU'UNE, ja te ay ta sneelal, ay ta ora in to sok te mach'a ya xtale.'' ⁹ Te bila kuxatik spisil ora ya yalbeyik yutsilal, ya yich'ik ta muk' sok ya yalbeyik wokol te mach'a nakal ta muk'ul naktijibale, te kuxul sbajt'el k'inal, sok sbajt'el k'inal, ¹⁰ te chaneb xcha'winik (24) mamaletik ya me spajk'an sbaik ta stojol te mach'a nakal ta muk'ul snaktijib. La me stinan sbaik ta stojol te mach'a kuxul sbajt'el k'inal sok ta sbajt'el k'inal, sok la me skojt'esik te skoronaike ta stojol te muk'ul naktijibale, la yalik:'' ¹¹ ''Kajwal, ja awu'un te ich'el ta muk'e sok ja'at Diosat, ja awu'un te ich'el ta muk', ya sk'an alel awutsilal sok te awu'el. Ja'at la chiknantes spisil te bila ay, ta swenta sk'anjel awot'an, sok te bit'il la yich chiknantesel awu'une.''