¹ Tsibubeya te ch´ul abat yu´un te ch´unjeletik ta Éfeso : ''jai k´op to jaisk´op macch´a stsakoj ta swael sk´ab te jukeb ek´etik sok te mach´a yak ta beel sok jukch´ix xtuchtijib k´ajk te pasbil ta oro: ² ''Te jo´one ya jna te beluk apajose te tulan ya ya x-at´ejal sok te awak´ojbey yipal, sok ma sts´ijk´a wu´un te mach´atik amenike, sok te apasojix ta prueba te mach´atik skuyoj sbaik ta puk kopetik, te ma nix ja ukika, ja ta ojbeyik, te ma nix jaukika, ja taojbeyik stolik. ³ Te jo´one ya jna te ya xkujch awun sok ya maliy, sok bayal beluk k´axematixa ta swenta te jbi´il, ma ba lujbenat. ⁴ Juan meto ay bi amen jkilojbat ja te la wijkitay te sbabeal xkuxul awotane. ⁵ Jauk meto na´ame te banti ch´yemate, dutame awot´an sok pasame te beluk la pas nelaltoe. Te me ma la sut awat´an, ya me xtalon ta atojol ya me jk´ej lok´el ta yawil te xtuchtijib k´ajk´e. ⁶ Jauk meto ay bi lek ay awun: ja te amen awil te beluk spas te Nicolaitas, jich te bit´il amen jkilojuke. ⁷ Te mach´a ay xchikine, aka me yaiy stojol te beluk ya yal te Espíritu ta stojol te ch´unjeletike. Te mach´a ya xu yu´un tsalawe ya yak´ kuxinel sbajt´el k´inal. te ay ta banti yawal-stsunub te Dios''. (Paraiso) ⁸ Ts´ibubeya te ch'ul abat yu´un te ch´unjeletik te ay ta Esmirna: 'Jai to ja sk´op te mach´a ay ta xjach´ibale sok te ay ta slajibale-te laje sok te cha kuxtele: ⁹ Te jo´one jkilojbat te awokole sok te amebale jauk me to k´ulejat . Joon jnaoj te ya sleat ta k´op te mach´atik skuyol sba ta judioetike te ma nix jaukika, melel ja nainem ta yot´anik te pukuje. ¹⁰ Ma me xiwat yu´un te wokolil te ya xtal ta atojole. ¡Ilawilik! Te pukuje nopol ya yak´ixbael cha-oxtuluk ta chukel yu´un ya yilbey exawot´anik, ya me xwoklajatik lajuneb k´aal. Ma me spejk´tsaj awot´an ja to te me lajat les, yu´un jich me ya jkak´bat korona swenta kuxlejal. ¹¹ Te mach´a ay xchikine, aka me yaiy stojol te ch´unjeletike.Te mach´a ya xju´yu´un tsalawe ma ba ya yich´ej ch´entesel yu´un te xchebal buelta lajele: ¹² '''Tsibubeya te ch´ul abat yu´un te chunjeletik ta Pérgamo: 'Jai to ja sk´op te macha yich´oj te espada te xcha mej chel ay ye: ¹³ ''Te jo'one ya jna te le nainemal te banti ay muk´ul snaktijib te pukuje. Jauk me to jun awot´an awichojbon ta muk´ te jbiile. Ya jna te ma ba amukoj ta awot´an te ach´unejone, ni jauka te k´alal laj te Antipas te ja testigo jku´une, sok jun yot´an ta jtojol, te la xch´un milel, te banti nainem te pukuj. ¹⁴ Jauk me to ay cha-ox chajp´ te beluk amen jkilojbate: ay ajoinejik te mach´atik xch´unejikto te snopjibal yu´un te Balaam, te ja layak´bey yil te Balac te jich ya xyal koel ta mulil majt´anil te la yak´be yik te lok´ombaetik sok te ochik ta mulwej. ¹⁵ Janix jich, ay to mach´a xch´unejik te snopjibal yu´un te Nicolaitas. ¹⁶ ¡Jich yu´un sujt´esa me awot´an! te me ma la pase, oranax ya xtalon ta atojol, ya me jtsakba sok ja me ya jtuntes te espada te ya xlok´tel ta jkee. ¹⁷ Te mach´a ay xchikine, aka me yaiy stojol te beluk ya yal te Espíritu ta stojol te ch´unjeletike. Te mach´a ya xju´ yu´un tsalawe ya me jkak´bey xujt´uk te maná nak´bile, sok ya jkak´bey wol sakil ch´en te ya jnaj k´ambey lea te yach´il sbiile, jun biil te mayuk mach´a ya sna janax te mach´a ya yich´e: ¹⁸ ''Tsibubeya te ch´ul abat yu´un te ch´unjeletik ta Tiatira: 'Jai to ja sk´op te xnich´an te Dios, te jich sit te bit´il yak ta tilel k´aj lea sok te jich yakan te bit´il bronce te xlemetnax: ¹⁹ ''Te jo´one ya jna te beluk apasoje: te xk´uxul awot´an sok te awat´el sok te ts´jk´em awun te awokole. Ya jna te k´axto jich ya apas, te bit´il nelal to la jpase. ²⁰ Jauk me to ay cha-ox chajp´ te beluk amen jkilojbate: bistuk te mayuk bi ya awalbey te ants te Jezabel sbiile, te skuyol sba ta alwanej. Te ya yak´bey snop te abatetik jku´un te yakuk spasik te mulwej sok te ya slajinik te milbij majt´anil ta stojol te lok´ombaetik. ²¹ Bayal k´aal la jmaliy te yakuk sut yot´an, jauk meto ma sk´an yijkitey ta spasel te mulile. ²² ¡Ilawilik! La jkak´ chawajuk ta waebal yu´un tsakot ta chamel, sok te mach´atik la spasik mulil sok te Jezabel ya jkak´bey bayal swokol, ja to te me la sutik yotanik sok te me ma la spaskix te beluk ya spas te antse. ²³ Te jo´one ya jkak´bey yejch´en te anich´nabe te ya xmilot yu´une, jich spisil te ch´unjeletik ya me snaik stojol te jo´on te mach´a ya snaik stojol te jo´on te mach´a ya sna stojol te beluk anopik sok te beluk ak´akanik. Jich me ya jkak´bey stoj jujutul ja chikan te bi yilel spasoj te yat´el. ²⁴ Ay bi ya jkalbey te mach´atik ayik ta Tiatira, spisil te mach´atik ma spasik to, sok te ma snabeyoj sbaik te ay mach´a yak ojbey sbiilin te tulanp´ijubtesel yu´un te pukuje-ja ya jkalbeyex: 'Ma ba ya jkak´beyex yan awijk´atsik'. ²⁵ Jauk meto, tsikameik spisil ja to te me talone. ²⁶ Te mach´a ya xu yu´un tsalawe sok te mach´a ya xu yu´un tsalawe sok te mach´a ya spas spisiluk te beluk jpasoje ja to ta k´alal slajibal k´alal, ja me ya jkak´bey yich´ yat´el ta stojol te muk´il pam lumetike. ²⁷ Ja me ya spas mantal lea sok baston te pasbil ta tulan tak´in, ya me sjim koel spisil te skontroe jich te bit´il yak ta tobel oxometik te pasbilik ta ajch´al. ²⁸ Jich te bit´il la yak´bon jkat´el te jtate, jich me ya jkak´bey te ek´ te ya xloktel ta buen sab. ²⁹ Te mach´a ay xchikine, aka me yaiy stojol te beluk ya yal te Espíritu ta stojol te ch´un jeletike.