¹ La sta yorail tal te Juan ak' Ich' ja' jach xcholel te sk'op Dios ta takin jochol k'inal yu'un Judea, jich la yal: ² "Sujt'esa awot'anik, melel te ajwalil yu'un te ch'ulchane nopol ayix. ³ Janix te mach'a albot sk'oplal yu'un te alwanej Isaias, k'alal la yal: "TE SK'OP TE MACH'A YAK TA IK'AW TA TAKIN JOCHOL K'INAL, CHAP´ANAIK TE SBE TE KAJWALTIKE, TOJTESAIK TE ABEIKE´´. Te xi´e. ⁴ Jich yu´un te Juan sk´uinej stsotsil camello, sok jun nujk´ul te xchukoj xch´ujta-e. te swe´el ja k´ulub sok te chap´ ay ta te´eltik. ⁵ jich yu´un Jerusalen, spisil Judea, sok spisil te mach´a nainemik ta suyubal te muk´ul ja´ Jordan lok´iktel le-a. ⁶ Jamal la yalik te smulike, jich yu´un la yich´ik ja´ ta muk´ul ja´ Jordan ⁷ k´alal la yil te Juan te bayal te Fariseoetik sok Saduseoetik tal ta stojol yu´un ich´ ja´ jich la yalbey ta stojolik: jaex te sts´umbalex tiawal chan ¿mach´a la yalbeyex te ja´atik ya xlok´exbael anel ta stojol te ilimba yak ta taele? ⁸ Aka chiknajuk ta ilel sit te asutojix awot´anik. ⁹ Ma anopik ta awot´anik te jaex: te jo´otik ja tatik te Abrahame. Jich ya jkalbeyex te Dios ya xu yu´un ya sk'atbun ta yal snich´an Abraham in tonetik to. ¹⁰ Te echej chapalix yu´un sbojel ta yisim te te-etike. Jich yu´un te te-etik te ma lekuk ya sitinaje ya yich´ lok´el bojel sok ya yich´ ochel ch´ojel ta k´ajk'. ¹¹ Jo´on janax ya kak´beyex awich´ik ja´ yu´un sujt´esel ot´anil. Yan te mach´a patil ya xtal ku´une, ja bayal yu'el stukel te bit´il jo´one, te maba xtunon yu´un te ya kich´bey ba-el te xanabe. Ja´me ya yabeyex awich´ik ja´ ta ch´ul Espiritu sok k´ajk´. ¹² Stsakojix ta sk´ab te ech-te´ tak´in, yu´un ya sajbubey lok´el sk´ablel te strigo ta ba yawil yu'un. Te sk'ablel ya yich chik'el ta k'ajk' te ma bi ora ya xtub." ¹³ Jich yu'un te Jesús jach tel ta sk'inal Galilea jul ta muk'ul ja' Jordán yu'un jich ya x-ak'bot ja' yu'un te Juane. ¹⁴ Te Juan k'anuk skom, jich la yalbey: "Jo'on ya sk'an awak'bon jkich' ja', ¿Bit'il ay te ja'ate ja talat ta jtojol?" ¹⁵ Jesus la sut sok jich la yalbey ta stojol: "Jich k'otuk ta pasel ta ora in to, melel ja stojil ta jtojoltik te ya jk'otestik ta pasel te bina toje." Jich yu'un te Juane la yak'bey yich' ja'. ¹⁶ K'alal la yich' ja', te Jesús lok'tel ta ora nax ta ba ja', jich jam te ch'ulchan ta stojol. La yil te Espiritú yu'un te Diose te yak ta koel-tel jich bit'il k'ojt tsumut sok lujch'aj ta stojol. ¹⁷ Ay mach'a k'opoj ta ch'ulchan te jich la yal: "Ja me jnich'an te k'ux ta jkot'an. Te bayal yutsil jkot'an ta stojol."