¹ Jich pajsta te Jesús laj yot'an ta k'op lok'be-el ta galilea, tal ta bay sk'inal Judea, kaxto ba-ela ta bay muk'ul ja Jordán. ² Bayal te ants-winik t'unbil yu'un sok la skoltay le-a te chameletik. ³ Te fariseoetik talik ta stojol swenta yu'un ya yilbey yot'an jich la yalbeyik: "¿Ya bal spas te ya y'utey sba sok yinam te jtul winik te biluk nax swentail?" ⁴ La yal te Jesús: ¿Te jaexe yu'unbal ma ak'opanojik te ja ne-elto te DIOS LA SPAS TE ANTS WINIK? ⁵ ¿Sok jich la yal te cajwaltik: "JA SWENTAIL TE WINIK YA YIJKITAY TE STAT SOK TE SME-E SOK JUNAX YA XK'OT SOK TE YINAME, SOK TA XCHEBALIK JUNAX SBAK'ETAL YA XK'OTIK?" ⁶ Jich ma chebukixa-a, junax sbak'etalik. Jich yu'un te mach'a junax la yak te Dios, ma awak'ik te mach'a ya x- atatike. ⁷ Jich la yolik: "¿Bin yu'un de Moisés LA YALBOTIK MANTAL TE JO'OTIK TE YA XNAK'A TA JUN TE BIN SWENTAIL TE YA YIKTAY JILEL YINAN TE JTUL WINIK TA PATIL K'EJEL YA STIKUM BA-EL K'EJEL? ⁸ Jich albotik: "Ja yu'un te stulanil awat'anik te Moisés la yakbatik te ya awuteya baik sok te awinamik, jaukmeto ta xjajch'ibal ma jichuk ay ta pasel. ⁹ Ya kalbeyex chikan mach'a ya yijk'itay sba sok te yinam, teme ma ta jka mulwej abi sok teme ay jtul winik ya yik' yinamin jtul ants te ijtebilixe janix jich ayix ta mulweju-uk." ¹⁰ Te nopojeletik la yalbeyik te Jesús: "Teme jich ay sk'oplal jtul winik sok yinam, ja lek ma xnup'inabi." ¹¹ Jaukmeto Jesús la yal: "Ma spisiluk ya xk'ot ta yot'anik te bijup'tesel to janax te mach'atik ya xak'botik ta yot'an yu'une." ¹² Ay winiketik eunucos te jich bek'ajik k'ala ta chujt' te sme-e. Sok ay yantik eunucos te jich ak'otik te bit'il ya sk'an te winike. Sok ay eunucos te stukel ya spas sbaik ta eunucos ta swenta te ajwalinel ta ch'ulchane. Teme ay mach'a ya sys'ak te p'ijubteselto akame yich." ¹³ Jich ik'botel alaletik ta stojol yu'un jich ya sk'ajan skáb ta sjo sok ya sk'oponbey kajwaltik; jaukmeto te nopojeletik ma la sk'anik. ¹⁴ Te Jesús la yal: "Ak'aiktel te altetik ta jtojol, na me xakamik ja te ajwalinel ta ch'ulchan ja yu'unik stukel." ¹⁵ Jich la skajan sk'ab ta sjal te alaletik, patil lok'ba-el le-a. ¹⁶ Jich ay jtul winik tal ta stojol te Jesús sok la yalbey: "Maestro, ¿Beluk lek ya sk'an jpas yu'una te ya xkuxinon sbat'el k'inal?" ¹⁷ Jesús la yal: ¿Bin yu'un te ajak'ibon te beluk lejke? Janax jtul te mach'a lejke, teme ja-at ya ak'an te ya xkuxinate, k'eja te mantalliletike." ¹⁸ Te winik la yal: "Beluk mantaliluk?" Jesús la yal: "MA ME AWAY MILAW; MA AWAY MULWEJ SOK ANTS TE MA AWINAMUK; MA AWAY ELEK; MA XLEWANAT TA KOP; ¹⁹ ICH'A TA MUK' JA TAT SOK JA ME'; SOK NIX K'UX ME AWAY TA WOT'AN TE APAT-AXUK'E JICH BIT'IL TE K'UN AWAYABA ATUKEL TE JA-ATE." ²⁰ Te kerem la yalbey: "Spisil te beluk la awale jch'une ta spasel; ¿beluk xan ya sk'an jpas? ²¹ Jesús la yal: Teme ya ak'an te mero tojate, ba-an chana te beluk ay awu'une sok ak'beya te mach'atik mebaje, jich me ay ak'ulejol ta ch'ulchan ya xk'aat. Ta patil la' sok t'unawan." ²² Jaukmeto te k'alal la yaiy stojol te kerem te beluk la yal te Jesús, la smel ba-el yot'an, ja' yu'un te bayal te sk'ulejale. ²³ Jesús la yalbey te nopojeletik yu'une: "Ta smelelil ya jkalbeyex, te k'ulej winik wokol ya x-och ta bay ajwalinel yu'un te ch'ulchane. ²⁴ Ta yan buelta ya jkalbeyex te ya xk'ax ta ilel te jk'ot camello ta yit ts'isnejebal te bit'il te tul k'ulej wokol ya xba ochok ta bay ajwalinel yu'un te Diose. ²⁵ Te k'alal la ya-ayik stojol into te nopojeletik chajp'nax kinal la ya-ayik yu'un sok la yalix: "Mach'a k'an koluk jiche? ²⁶ Italik yu'un te Jesús sok albotik: "Te ants-winike ma xu' yu'un spasel in to, jaukmeto te Dios spisil ya xu'yu'un." ²⁷ Jich te Pedro la sut: "Ilawi, te ja'otike spisil la kijtaytik yu'un te la jointikatixe, jich yu'un ¿B.eluk ya jtatikixa-a te jo'otike? ²⁸ Jesús la sut: "Ta smelelil ya jkalbeyex, te jaexe te ja' t'unajonike, ta yach'il bejk'ajel, te k'alal te snich'an te winike ya xnak'a ta muk'ul snaktije ta bay uts'ilal, te jaexe yame xnak'aj xu'uk ta lajcheyeb muk'ikal naktibal, ta bay ya alik beyik smul te lajcheyeb ts'umbal te Israele. ²⁹ Spisil te mach'atik snaik yermanotak winik, yermanatak ants, stat, sme', yal snich'an sok slum k'inal t swenta jbiil, yame yich'ik ak'beyel jo'winik xan-a te bek la yijteye sok ya yichiik ak'bel te kuxinel sbat'el k'inal. ³⁰ Jaukmeto bayal te machá neel aye ya xjilik ta patil, sok bayal te mach'atik patil aye ja'neel ya xk'ot.