¹ Jich ay fariseos sok ts'ibojometik talik ta stojol Jesús te talemik ta k álal Jerusalén jich la yalbeyik, ² "¿Bi yu'un te nopojeletik awu'un ma xchu'nik spasel te beluk stalel kuxlejalik te me-el mamaletike? Meel jaik te ma spok skabik te k'alal ya xwe-ik." ³ Jich te Jesús la sutbey: än te jaexe, ¿Bistuk te ya ak'axintebeyik smantal te dios ta swenta te bit'il at stalel te akuklejalik? ⁴ Melel te dios la yal: ICH'A TA MUK' TE TAT SOK TE AME", TE MACH'A YA SBOLK'OPTEY TE SME-STATE, YAME XLAJ." ⁵ Yan te jaexe jich ya awalik: "te bina ay k'u'une la jk'akbey smat'anin te Diose jich ma xju te xa jkuxteyexe, te ya yalbeye." Ja te ants-winik to ma yakuk yich'el ta muk'te sme-state. ⁶ Jich te jaexe mayukix sk'oplal k'ot awu'unik te smantal te dios ta ska te ma xyana te st'alel te akuxlejalik. ⁷ Te jaexe ch'alam awat'anik, jich te bit'il la yal te alwanej Isaías yu'un te bit'il ayatike. ⁸ JAI ANTS-WINIK TO YA YICH'ONIK T AMUK TA SBA STI-IK, YAN TE YOT'ANIKE K'EJEL TO AY TA JTOJOL. ⁹ TE YA SLAJIN SBAIK TA JTOJOLE JONTOL NANIXA, MELEL TE BELUK YA YAKIK TA NOPELE, JA TE MANTALIL YU'UN TE ANTS-WINIKE. ¹⁰ Jich yu'un, jach yik'tel te ants-winike, la yalbey: "Ayawayik stojol sok k'otok ta awot'anik, ¹¹ ma jauk ya xbolteswan te beluk ya xoch to ye-e te ants-winike. Jauk meto, te beluk ya xlok ta ye-e, ja ya xboltesot yu'un te ants-winike." ¹² Jich te nopojeletik oxtaliktel ta stojol Jesús sok la yalbeyik: ¿La bal awil te fariseoetik ma lekuk la yaiyik stojol te ak'ope? ¹³ Jesús la sut jich la yal: "Spisil awal ts'unubil te jtat te ay ta ch'ulchane teme ma jauk sts'unaje, ya me yich' lok'el bulel. ¹⁴ Lok'anik tel ta stojolik, melel jaik ya stojtesik ta be-el te machá masite. Teme ay tul masit ya stojtes ta be-el te mach'a pajal masit soke pajal me xch'ayik ko-el ta bay lomen lum." ¹⁵ Pedro la sut, la yalbey te Jesús: "Cholbotik kaytik bit'il ayi senyail k'op to te la awabotike." ¹⁶ Jesús la yal: ¿yu'unbal ma to sk'ot ta awot'aniku-uk? ¹⁷ ¿Yu'un ba ma anaik te beluk ya awotsesik ts weik ya xk'ax ta ch'ujtik ta patil ya xbat alok'esik ta ban tsansibal? ¹⁸ Yan te beluk ya awaltel lok'el t aawe ya xlok'tel ta awot'an.Jai to ja ta smenta te ya xbolob te ants-winike. ¹⁹ Ta ot'anil ya xtal te bilik maba leke, jich te bit'il milwanej, sok yan ants te ma yinamuke, chijiljol, elek, le k'op sok utwanej. ²⁰ Ta spisil into ja'ma lekuk sk'oplal yu'un te ants-winik. Yan teme ma spok sk'ab te k'alal ya xwe, ma jauk ya sboltesbot sk'oplal yu'un te ants-winike." ²¹ jich te Jesús lokba-el ta stojolik bajt' ta slum k'inal Tiro sok ta lum Sidón. ²² Jich ay jtul ants Cananeo lok'tel ta bay slumal. Jach ta aw ta yalbel: "Nabon koliba, kajwal, snich'anat David te kantsaile yak ta uts'inel yu'un te pukuje." ²³ Jaukmeto te Jesús ma la sjak'bey te sk'ope. Te nopojeletik tal yalbeyik wokolok "albeya te yakuk xbajt'e, melel yak'ta aw ta patik." ²⁴ Te Jesús la sut jich la yalbey: "ma jauk tikunbilontel ta awenta jaukmeto ja ta swenta te chin chuetik te ch'ayemik lok'el ta snaj te Israel." ²⁵ Jaukmeto te antse oxtatel la skejansba ta yakan jich la yalbey "kajwal koltayawon." ²⁶ Jich la sutbey "Ma lekuk tsak beytik skaxlan waj te alnich'an teme ja ya ch'obeytik te ch'in ts'ietike. ²⁷ Te ants la yal: "Melel kajwal, jauk meto te chin ts'i'etik ya sweik te sts'ubil te we-elil te ya xchay ka-el ta swbalte te yajwale." ²⁸ Te Jesús la sutbey jich to: "Ants, muk' te xchunjel awot'ane. Jich ya xk'ot ta pasel te beluk ya ak'ane." Jich te yantsiale kol ta ora. ²⁹ Te Jesús lok'be le-a, bajt' ta nopol muk'ul ja' yu'un te Galilea. Jich mobe-el ta wits sok kot' snak'an sba le-a. ³⁰ Oxtatel ta stojol bayal ants-winik; yik'ojik tel koxo-etik, masitetik, uma-etik, tunko-etik, sok yantik xan chameletik. Tal yak'beyik ta stojol te Jesús, sok spisil la skoltay. ³¹ Jich k'ot ta pasel ta stojol te ants-winike tik binax yot'anik yu'un te la yilik te umaetike k'opojik, te mach'atik ay yantik chamele kolik, te mach'a koxae tik be-enik sok te masitetike la yilik k'inal. Jich ka yalbeyik yutsilal te dios yu'un te Israel. ³² Te Jesús la yik'tel te nopojeletik yu'une jich la yalbey yolisbo te ants-winiketik sok te yoxebalix k'a-al te ma we-emik. Ma jk'an ya jtikun ba-el teme ma ne-eluk ya xwe-ike ayukbe xkom k'inal yaiyik ta be. ³³ Te nopojeletik la sujtik:'¿Banti ya jtatik bayal kaxlan waj swe te balinto ants-winiketik jich bit'il te ayotik ta takin jochol k'inal to? ³⁴ Jesús jich la yal: ¿Jayeb pejch' kaxlan waj awich'ojik te jaexe? la suttik: "Jukeb sok ay cha-ox jk'ot chin chayetik." ³⁵ Jich te Jesús la yalbey te ants-winiketik te ya snak'an sbaik ta lum. ³⁶ La stsak te juk jpech kaxlan waj sok te chin chayetik, la yalbey wokol te kajwaltik, la xet sok la yak'bey te nopojeletik. Ja jichiku-uk ba spukbeyik te ants-winiketik. ³⁷ Jich we-ik ta spisil ja to te chikan naj xch'ujt'ike. Ta patil la stsobik te banti xet'atik jilel sobraile, jich nojxan jukeb pajch' mach yu'unik. ³⁸ Te mach'atik we-ik ja chaneb mil (4000) ta jtul winketik, te ma' ajtebila te antsetik sok aletik. ³⁹ Jich te Jesús la stikun be-el te ants-winiketik jich mobe-el ta barka ta bay sk'inal Magdala.