¹ .-Te fariseos sok saduseos talik ta stojol yu'un la sk'an yilbeyik yot'an jich la sk'anbeyik te ya yak' ta ilel senya te ch'ulchane. ² .-Jaukmeto la sujt, jich la yal: "teme malix ate k'a-ale, te jaexe ya awalik: k'epel nax te k'inale, ja' yu'un te tsajnax te ch'ulchane. ³ .-Te k'alal sakubixa te k'inale ya awalik: "ya xtal ja'al yotik, tsajubel awil te ch'ulchane sok ay tokal". Te jaexe ya anaik stsajtayel te bi yilel te ch'ulchane jaukmeto ma anaik stsajteyel te senyail te yak k'o-el ta pasel ta ora to. ⁴ .-Te jaex kuxulek ta k'inal ma lekukatik sok mulawilex ya ak'anik senya awilik, jaukmeto ma x-ak'botex awilik janax senya ya xk'ot te Jonas. Jich ijteyotik jilel yu'un te Jesus k'esela bajt''. ⁵ .-Te nopojeletik talik ta yan k'inal Jaukmetina la snaik be'el te kaxlan waje. ⁶ .-Te Jesus la yal: "ayawayik stojol to sok ich'a me abijilik yu'un te slevadura te fariseos sok saduseos. ⁷ .-Te nopojeletik la stsob sbaik snopel jich la yalik: "ja yu'un te ma' la jk'ichtik tel te kaxlan waje". ⁸ .-Te Jesus la sna stojol te beluk la yalbel sbaike jich la yal: "Te jaexe mayuk lek xch'unjel awot'anik, ¿Bin yu'un te ja' atu-untesik te snopibal awu-unike sok te ya awalik te ja' yu'un te ma la awichik tel te kaxlan waje? ⁹ .-¿Yu'unbal ma la awilik sok yu'un ba ch'ayik ta awot'anik te jo' pejch' kaxlan waj te la swe jo' mil (5000) ta tul winik sok te jayeb moch la tsobikxa nabi-e. ¹⁰ .-¿Te juk pejch' kaxlan waj la swe chan mil (4000) ta tul, sok te jayeb pasch moch la tsobik. ¹¹ .-¿Binut'il te ma xk'ojt ta awot'anik te jo'one ma jauk yakon yalbel sk'oplal te kaxlan waje? Ayawayik stojol sok tsajteyabaik yu'un te slevadura te fariseos sok saduceos". ¹² .-Jich k'ot ta yot'anik ma jauk la yichik albel yu'un te ya xk'uxteybaik yu'un te slevadura t'e kaxlan waje, ja yu,un te ya sk'an stsajtay te beluk ya yak ta nopel te fariseos sok saduseos. ¹³ .-Jich te Jesus tal ta bay sk'inal cesarea ta filipo, la sjak'bey yaiy te nopoje letik yu'un: "¿bi ya yalik awaiy te ants- winike mach'a ta sk'opik te nich'anile?" ¹⁴ .-Jich la yalik: "Ay mach'a ya yal te ja'at te Juan ak' ich' ja'e te yane ya yal te Elias sok te yantike ya yalik Jeremias, sok ja'at alwanejat ta namey k'inal." jich sutbotik: ¹⁵ .-"Jaukmeto, ¿a-xan te ja-exe mach'a ya kuyoniku -uk?" ¹⁶ .-Jich la sujt te Simon Pedro: "ja-at-te Cristo, te snich'an te kuxul Dios". ¹⁷ .-Jesus la sujt jich la yalbey: "Binax awutsilal ta ja'at Simon te snich'anat te Jonas, melel ma ch' ich' bak'etuk la yak'bat ja' na stojol to, ja' te stat te ay ta ch'ulchane. ¹⁸ .-Jo'on ya jkal te jo'at Pedroat, sok ta sba te ch'en to ya jpas wol naj yu'un le ya tsob sbaika te ch'unjeletik; ja' jich te st'inail te yawil lajel ma jamaluk ay ta stojolik. ¹⁹ .-Jo'on ya jk'akbat syabeal yu'un te ajwalinel ta bay ch'ulchan. Teme ay bina ya achuk ta balumilal janix jich chukul ay ta ch'ulchan, sok teme atil ta banumilale janix jich tilbilme ya xk'ot ta ch'ulchan. ²⁰ .-Jich te Jesus la yalbey mantal te noposeletik yu'un te ma me mach'a ya yalbeyik jtutuk te ja' te Cristo. ²¹ .-Jich la sta yorail te Jesus jach yalbey te nopojeletik yu'un te ya xbast' ta Jerusalen, ya xk'ax bayal swokol ta sk'abik te ansianoetik sok te wolwanejetik yu'un sacerdotes soknix te sts'ibojometik, le' ya yich' milelo sok te ya yich' ch'akusesel ta yoxebal k'a-al. ²² .-Jich te Pedro la yik' ta ts'e-el sok tulan la yalbey, jich to: "jaito k'ejeluk tome ay ta atojol, kajwal manchuk me ya xk'ot ta pasel". ²³ .-Te Jesus la sujt sba sok jich la yalbey te Pedro: "¡k'ejaba ta stojol, pucuj! jichat bit'il wol chen te ya stak' smakone, bin yu'un te ma awichbey ta muk' te beluk ya sk'an yot'an te ants-winike. ²⁴ .-Jich te Jesus la yalbey te nopojeletik: "Teme ay mach'a ya sk'an st'unone ya me skoltay sba ta yot'an, ya xkuch te skurus jich ak st'unon. ²⁵ .-Te mach'a ya sk'an skoltey te xkuxinele yame xch'ay, yan te mach'a ya xchay te xkuxinel ta jwenta ya me sta kolel. ²⁶ .-Bin yu'un ¿Beluk ya xlok' yu'una te ants-winik te ya yu'unin spisil te balumilal teme ch'ayel bajt'' sok te skuxlejale? ¿Beluk ya stak yak te tul ants-winik sjelolin te skuxlejale? ²⁷ .-Melel te nich'anil ya xtal yutsilal ta stat sok te ch'ul abatetik yu'une JICH YA STOJ TA TULULTUL TE BI YILEL SPASO TE YAT'ELE. ²⁸ .-Smelelil me ya kalbeyex, ay mach'atik tek'elik le-to te maba ya xlajik ja'to teme la yilik ya xtal ajwalinel te Nich'anile.