¹ Jich yu´un, te joy tabilotik yu´un te testigietik te la yak´ikix ta ilel te ay xch´unjel yot´anik kijtetik jilel spisil te jkijkatstik sok te mulil te vueltanax ya xchukotik. Animajukotik bael ta banti xk´ootik te jo´otike. ² Ja me ya jtojlintik sitik ta Jesús te ja ne´el sok tojteswane, yu´un te xch´unjel ot´anil. Ta skaj te sbujts´ yot´an te la stik swokol te la yich´milel ta cruz, la sts´ik xh´exlal jich la snajk´anba ta swael sk´ab te Dios ta banti muk´ul natijib. ³ Jich yu´unito na´ameik, te ja ts´ijk yu´un te kontroinot te mulawiletike. Yu´un jich me ma spejk´tsaj awot´anih yu´unjich ma awichik tsalet. ⁴ Te ja´atike ja kontro awilojikix te mulile jauk meto ma to k´oematika te ya xmal ach´ich´elik yu´un. ⁵ Te ja´atike ch´ayix ta wot´anik te ja xnich´anatik te Dios: ''JNICH´AN, MA ME XA KUY TE MAYUK SK´OPLAL TE TAK´UYEL YU´UN TE KAJWALTIKE SOK MA ME XLUJBAT TE K´ALAL AWICH´ TOJTESEL YU´UNE. ⁶ YU´UN TE KAJWALTIKE YA YAK´BEY TAK´UYEL SPISILIK TE MACH´ATIK SK´ANOJE SOK YA ME YAK´BEY SWOKOL TE SNICH´AN TE YA XCH´UNOTE. ⁷ Tsikameik te wokililjich te bit´il ya wich´ tojobtesel yu´un te ame-tatike. Te Diose jich ya skuyatikte bitil yal- xnich´nabe. Jauk meto, ¿Aybal tuluk nich´anil te ma yich´ tojobtesel yu´un te sme-state? ⁸ Jauk meto teme ma awichik tojobtesele, jich k´oem te bit´il mayuk stu´ul awunike, jich te bit´il ma ba yal-nichnabukex abi. ⁹ K´axemtoxan jichotikukabi te ay jme-jtatik ta balumilal te la stak´uyotike, jich te bit´il jo´otik te la jkich´tiletik ta muk´¿Jauk to bal ma jkich tik ta muk´te tatil yu´un te espritue, sok ja ya kuxlejale? ¹⁰ Ta ch´ix sk´ab, te jme-jtatike che oxeb nax k´aal la stojobtesotik, jich te bit´il banti lek la skuyike. Te Diose ja ya spas yu´un te jich ya xlekubotikae yu´un jich ya xk´ootikuka te bit´il chultesbilixe. ¹¹ Mayuk tojobtesel te binax jkot´antik yu´une, k´uxnax ya jkaytik. Jauk me to, ta patilal ya yak lekil sit la swenta te mach´a yich´ojikix bijubtesel yu´une. ¹² Jich yu´un akbeya xan yich yip te ak´abe te saybujemixe sok e sjol awakan te mayukix yipe. ¹³ Leaikme te tojil be yu´un te awakanike yu´un jich me ya xtojob te beluk koxoe sok ya yich´ poxtayel. ¹⁴ Leameik sok te yantik te lamal k´inale, sok te ch´ultesele melel tema ma jichuke mayuk mach´a ya xk´o yilbey sit te kajwaltike. ¹⁵ Tsajtaya me abaik te manchuk ni ayuk tuluk te ma yich´oj te yutisilal Dios sok te ni junuk yisim te beluk ch´ae ya xmuk´ub yu´un jich ma yak´botik jwokoltik, yu´un jich bayal mach´a ma xbolob yot´anik yu´un. ¹⁶ Tsajtaya me abaik te mayuk ni tuluk ya xyal ta mulik jichh te bit´il la spas te Esaú, te yu´un pajch´nax welil la xchon te smajt´an te k´alal bejk´aj. ¹⁷ Yu´un me ya naik ta patilal, te k'alal k´an sk´an sk´an xan yich ak'beyel, yu´un ma la stakix sut yot´an, manchukme ok´to xan. ¹⁸ Ma jauk talatik yu´un ta wits te ya stak´ apikike, jun wits te chajbix ska´lae, ijk´ubenax, sok xlemjanax chawuk´ sok bayal ik´ lea. ¹⁹ Ma jauk talatik yu´un te k´opoj te ok´ese, sok te k´alal la waybeyik stojol te sk´ope la walbeyik wokol te xilik manchuk ya xchol xane. ²⁰ Yu´un ma kujch´yu´unik te mantal te la yichik albeyele:''TEME AY KOJTO´K´ CHAMBALAM TE YA SPIK TE WITSE, YA YI'CH´OJEL TA TON''. ²¹ Kaxemtoxan la xilik te beluk akbotik yilik te jich la yal´ te Moisés: ''YAKON TA XIWEL SOK YAKON TA XIWEL SOK YAKON TA NIJK´KEL''. ²² Yan te jaexe ja talatik ta banti ay te Monte Sión sok ta banti muk´ul lum yu´un te kuxul Diose, te Jerusalén te jich te bit´il ch´ul chan, sok te bay tsobol bayal ta mil te ch´ul abatetik te yakalik ta pas k´in. ²³ Te ja´atike ja´talatik te banti st soboj sbaik te sbabeal anich´anetike te la yich´ix najk´anbelik sbi´ilik ta ch´ukhan. Talik ta stojol Dios te ja chajbanwanej yu´un spisil teants-winiketike, sok te banti ay te ch´ul espirituetik te la yichikix ut stesel. ²⁴ Talatik ta stojol te Jesús, te ja la yichtel yachil tratoe, sok te la yich tsijts´anel te xchich´el te ja lek stukel ma jichuk te bit´il xch´ichel te Abel. ²⁵ Ma me já bajik te mach´a yak ta k´ope. Jich te bit´il yantik te ma la sk´an yayik stojol te k´alal k´oponotik yu´une le ta balumilal ma ju yu´un lok´ik ta anel, jo´okotik to bal ya xu jku´untik xlok´otik ta anel, te me la jk´ejbatik lok´el ta stojol te Diose te yak ta k´op ta jtojoltik k´alal k´alal to ta ch´ulchan. ²⁶ Te k´alal k´opoje nijk´ yu´un te balumilale. Jauk meto jich yaloj jilel te jich ya xk´ol ta pasel: ''JUN XAN VUELTA YA XCHA NIJK´ JKU´UN TE BALUMILALE, SOK TE CH´ULCHANE.'' ^{27 28 29} Jai k´opetik to: ''JUN XAN VUELTA'', jaya sk´an yalbotik spisil te beluk pasbil te ya stak´ ta jinel ya me ych jinel, ja me yu´un, te beluk la yich pasel, jich me yu´un te beluk pasbil te ma stak ya yich tijel jich ya xil. Jauk meto, jkich´ojtikix te ajwalinel yu´un te Dios te ma stak ta jinel, aka me jnatik yalel wokol yu´un sok jkich´tik ta muk te Dios ya me jkejanbati ta stojol sok aka me jxitik. Yu´un te Dios jku´untike jich te bitil k´ajk´te y xchik,ótike.