¹ ak´a k´uxul ja wot´an ta stojol te awermanot´ake ta spisil ora. ² Mame xch´ay awu´unik te ya awik´ik ochel ta anaik te mach´atik talemik ta yan lume. na´ameik´me te melel ay mach´atik la yak´ta ilele te la yik´ik och´el ta snaik ch´ul abatetik te ma la sna´beyik sbae. ³ Jna aik´j me te chuk´eletike, te ja´exe jich´uk me k´oem pajal chukulat soke. Na ajme te mach´atik ayi ta ut´sinele, jich´uk me k´oem te bit´il pajal uts´inbilex soke. ⁴ Te nujbinele ich´biluk ta muk´ awu´unik. ma me xakapik ta mulil, Dios yame yak´bey kastigo te mach´a ya xyal ta mulil sok te ya yaiy mulweje. ⁵ Ma me ja´uk ay ta awot´an te tak´ine. Buts´anuk nax me k´inal awayik ju´un te bila ay awu´unike, melel te Diose jich la yal. ''MA BA YA KIJK´ITAYAT, SOK XUJT´ MA BA YA JPIJT´ESAT.'' X´I. ⁶ Lekuk nax me k´inal ya k´aiy ta yalel: ''TE KAJWAL, JA´ JKOLTAYWANEJ KU´UN; MA BA YA XIWON YU´UN JXUT´UK. ¿JAYEBUK BILA YA SK´AN SPASBON TE ANTS-WINIKE?'' ⁷ Ma me xjil awu´unik te jwolwanej awu´unike, te mach´atik la yalbeyex sk´op Dios ta ajtojolike, na´aik me te lekil at´elil la spasike. sok nopbeya te xch´unjel yot´anike. ⁸ Te Jesucristoe stalel ay. Te wojeye, janix jich ta ora to, sok ta sbat´el k´inal. ⁹ Ma me-xa ch´uunik jnoptesel te yantik nax skoplale. ja´ lek yakuk yich´st´ulanil awot´anik ta yuts´il te Diose, ma me ta swenta´uk nax we´lil te mayuk bi la sta´ik aj te mach´atik ay ta spasele. ¹⁰ Ay milbil smajtan Dios, te sacerdoteetik te swentainijike ma xju´ ya sweik jlea ta bay nail pak´ te temploe. ¹¹ Te xch´ich´el chambalametik , te la yich ak´el ta swenta te mulile, och ak´el ta bay te awilal te ch´ultesbile, yan te sbak´etale ya yich´ch´ik´el ta sti´il te ba stsobibal te leme. ¹² Ja nix jich kot´ta swentab te Jesus te k´ax swokolok te la yich lok´esel bael ta sti´il lume, ja swenta te la xch´ultes jilel-a te lume ta swenta te xch´ichele. ¹³ Bokotik jiche, ta stojol, lok´otik bael ta stiil te stobjibal lume, kak´ batik u´uk ta k´exlal, jich bit´il k´ota swenta. ¹⁴ Melel mayuk sbat´el k´inal jlumaltik te yak ta talele. ¹⁵ Jich yu´un ta swenta, jkak´tik milbil majt´anil ta swenta k´ayojil ta stojol Dios, k´ayojil te lok´em tel ta jketik ta ja yalbey ytsilal te sbiile. ¹⁶ Sok ma me xch´ay ta jk´otantik ta spasel te bina leke te jich jkoltaybatik, ja milbil majt´anil te ya smulan bayal te Diose. ¹⁷ Ch´unbeyaik smantal sok ich´aik ta muk te wolwanejetik awu´unike. Melel ja ik´ ya skananteybeyex ach´ulelik, melel ja´ik nix ya xk´o yak´ik ku´enta. Te me ach´uunbetik smantale te wolwanejetik awu´une binax me yot´an ya x-at´ejik ma sok´ok mel ot´an, yan te me sok mel ot´ane ma lekuk ta a-tojolik. ¹⁸ k´oponbotik me kajwaltik, mele jna´otik te mayuk bi ma lekuk te ay ta joltike, sok te ya jk´antik te stojil ya xkuxinotike ta spisil. ¹⁹ Ya kalbeyex te yakuk apasik tulan ta spasel to, ta swenta te yakuk xju sut´ontel ta atojolike. ²⁰ Ta ora to te Dios yu´un te lumal k´inale, te ja la xcha kuxestel ta animetik te muk´ul wolwanej kanan chij, ja bi ja te kajwaltik Jesus ta swenta te ch´ich yu´un te trato sbat´el k´inal, ²¹ Te yakuk yusteses ta spasel te bitik lek ta pasel te jich sk´anjel yot´ane. Yakuk spas yat´el ta jtojoltik te bit´il smulane, ta swenta te Jesucristoe, te ja ay yutsilal spisil ora ta sbat´el k´inal. Jichuk. ²² Ta ora to, pasaik tulan kermanotak, ta stsakel te teb tak´uyel te la kalbeye. ²³ Na aik te jkermanotik Timoteo lok´ix tel ta chukel, te ja ya jokintel te sujtel ta ora. ²⁴ Patbeya´ik yot´an spsilik te wolwanejetik awu´une sok spisik te ch´ul lum yu´un te kajwaltike. Te mach´atik ayik ta Italia ya me spatbeyex awot´anik. ²⁵ Te yutsil ot´anil ja ayuk ta atojolik.