¹ Jich yu'un ta ora to, te xch'uunjel ot'anil ja te ya jnatik te ya tatik te bek ya kotik ta smaliyele. Te jnaotik te smelelil te bek ma kilojtike. ² Melel te namey me'el-tatiletike lek k'ot sk'oplalik yu'un te xch'uunjel yot'anik. ³ Ta swenta xch'uunjel ot'anil ya sk'ot ta jkot'antik te ja smantal te Dios te ja pastaj spisil te bek ay ta ch'ulchan sok te bek ay ta balumilal, melel te beluk ya tatik ta ilel pasbil yu'un te beluk ma chicanuk ta ilele ⁴ Ta swenta xch'uunjel yot'an te Abel te k'ax jich la yak milbil majt'anil te bit'il Cain, jich albot sk'oplal te toj stukele. Te Dios lek la yalbey sk'oplal yu'un te majt'aniletik te la yak'e, te Abel lajemix Jauk me to ya to xk'opoj ta swenta xch'uunjel yot'an. ⁵ Ta swenta xch'uunjel yot'an te Enoc te la yich' ik'el bael yu'un ma ba la yil lajel. Ma la yich tael te sbak'etale, melel te Dios ja la yik' bael. Te k'alal ma to yich' ik'el bael, la yich' albeyel sk'oplal te ja la xch'uunbey smatal te Diose. ⁶ Jich yu'un, teme mayuk xch'uunjel ot'anile ma xju te binuk nax yot'an Dios yu'un. Melel te mach'a ya stal ta stojol Dios ya sk'an te yakuk xch'uun te ay te Diose sok te ya yich' smat'anik teme la sleike. ⁷ Swenta xch'uunjel yot'an te Noe, te la yich' albeyeltel koel te beluk mato yiloj-a, sok jich la yich' ta muk te kawaltik te k'alal la spas te jun barco te banti kol te mach'atik junax ayik ta snaj. Te k'alal jich la spas, la ya'bey ilel smulik te mach'atik ayik ta balumilal sok ak'bot smajt'an yu'un te bek toj ta pasel te ja talem ta stojol te xch'uunjel yot'an ⁸ Ta swenta xch'uunjel yot'an te Abraham, te k'alal ik'ot, la xch'uun mantal sok lok'bael ta slumal yu'un le ba yich' smat'an k'inal ta yan lum. Te k'alal lok'baele, ma ba snaoj te banti yak ta baele. ⁹ Ta swenta xchu'unjel yot'an kuxin ta banti ma jauk slumal. La snainik nail pak' sok Isaac sok Jacob, melel janix ak'botik te bek ak'bot te statike. ¹⁰ Te abraham ja yak ta yilel te lum te ay ta sbajt'el k'inal, te ja te lum te buena nop'il sok ja buena pasbil yu'un te Diose. ¹¹ Ta swenta xch'uunjel ot'anil, te Sara te ma stak' yak' yaltak, te Abraham la yich'ik albeyel te yaj sta tul snich'an. Jich k'ot ta pasel te k'alal mamalix-a te Abrahame, melel ja xch'uunoj te Dios te ja la yal te bek ya sk'ot ta pasel ta stojik. ¹² Jich yu'un, ta swenta tul winik, te le nopol ya xlajix-a, te bek'ajik ts'obol al-nixnab yu'un te JICH K'OT TE BIT'IL EK'ETIKE TE AY TA CH'ULCHAN TE BAYAL NAX TA ILEL SOK TE BIT'IL SJI'AL TE STIIL TE MARE, TE MA STAK' TA AJTEYELE. ¹³ Ta spisilik into te ay xch'uunjel yot'anik te k'alal lajikbele te ma la staik te bek la yich'ik albeyel yu'un Dios. Janax la yilik te k'ejelto aye, la yalik te ma ba le ayuk te snaik sok te k'axel nax ayik ta balumilal. ¹⁴ Melel te mach'atik jich' ya yale, ya yalik ta jamal te yakalik sleel yan slumalik. ¹⁵ Te yakukik ta snopel te ya xch'a sut'ik bael te banti lo'kik tel, la stak' sujt'ik bael te jichuke. ¹⁶ Jauk me to, ja la sk'anik jun slumalik te ja lek-xane, te ay ta ch'ulchan. Ja yu'un te Dios te ma sk'exaw te ja Dios yu'unike, melel ja la spasbey jun slum yu'unik. ¹⁷ Ta skaj te xch'uunjel yot'an te Abraham, te k'alal la yich' ilbeyel te xch'uunjel yot'an yu'un te Diose, te la yak' te Isaac. Te ja te jtul snich'an te la yak' ta jt'anil, te janix la yich ak'beyel yu'un te Diose. ¹⁸ Te jich la yich' albeyel te Abraham: "JA TA SWENTA ISAAC YA XCHIKNAJ ATS'UMBAL,TE XI' SK'OPLALE." ¹⁹ Te Abraham xch'uunej yot'an te Dios te ay yu'uel te ya stak' xcha' skusestel te Isaac ta yolil te ailmeletike, melel la yil te abraham te k'alal la yak' te snich'an te jich k'ot te bit'il milbil mat'anil jauk me to ma la yich' milel melel komot yu'un te Diose yu'un jich k'ot te bit'il cha'kuxtele. ²⁰ Ja ta swenta te xch'uunjel ot'anile, te Isaac la yak'bey bendicion te Jacob sok Esaù ta swenta te bek ya x-ak'botik ta patil. ²¹ Ja ta swenta te xch'uunjel yot'an te Jacob, te K'alal ya xlajix-a, la yak'bey bendicion te jujutul te snich'inab te José. Te Jacob la snijan sba ta snab te' jich la yich' ta muk' te Diose. ²² Ta swenta xchu'unjel yot'an te Jose, te le nopol ya xlajix-a, la yal jilel te ya me slok'ik tel te snich'nab Israeletik ta lum Egipto sok la yal jilel te banti ya xjil te sbakele. ²³ Ja ta swenta te xch'uunjel ot'anil te Moisés, te k'alal bek'a, la yich' nak'el oxeb u, melel la yil te sme'-stat te t'ubil nax te alale. Sok te ma la xi'ik te beluk la yal mantal te muk' ajwalile. ²⁴ Ta swenta xch'uunjel ot'anil te Moisés, te k'alal winikix-a, ma la sk'an te la yich' albeyel te ja snich'an te yach'ix te Faraón. ²⁵ Ja ma la sk'an te bek ya smulan te sbak'etale ja te mulile te kaxel nax ay, ja la sk'an te yakuk xk'ax swokol sok te lum yu'un te Diose. ²⁶ Ja k'ot ta yot'an te ja bayal xan sk'oplal te ya xk'ax swokol ta swenta Cristo melel te majt'aniletik te ay ta egipto ma be ya spajbey smuk'ul te bit'il ay ta ch'ulchane. ²⁸ Ta swenta xch'uunjel yot'an te Moisés te bajt' ta egipto.Ma ba la xiik te yilimba te muk' ajwalile melel ja ya k'oj sit ta stojol te Dios te mach'ikanuk ta ilel. ²⁷ Ta swenta xch'uunjel ot'anil te la sk'ej te pascua sok la stsijts'anbey ch'ich' te tinaeletike swenta yu'un ma staotik te ba-alaletik yu'un te Israeletike yu'un te mach'a ya stal smil te ba-alaletike. ²⁹ Ta swenta xch'uunjel ot'anil te k'axik bael ta bay takin yolik slumil te mar rojo. Jich k'anuk spasik-uk te egipcioetike jauk me to ma la stak' k'asik bael melel bik'otik bael yu'un te ja'e. ³⁰ Ta swenta xch'uunjel ot'anil te jim koel te sts'akul te muk'ul lum Jericó, ja to jim koel te k'alal la yich' juyinteyel jukeb aal. ³¹ Ta swenta te xch'uunjel ot'anil te mulawil-ants Rahab ma be laj sok te mach'atik k'axinte mantaletike , melel ay yut'sil yot'an te la yik' ochel ta sna te mach'atik tsajtaywanejetik . ³² ¿Bek xan stak' kalbeyex-abi? ma ya slaj kot'an ta xcholel yu'un te Gedeón, Barac, Sansón, Jefté, David, Samuel, sok te alwanejetike. ³³ Ta swenta xch'uunjel ot'anil te juyunik stsalel bayal lumetik, sok la spasik te bek toj ta pasele sok la yich'ik te beluk albilike. Juyunik smakbeyel yej te león-chojetike, ³⁴ la stubik te yip te k'ajk', sok ma la yich'ik milel ta espada, la yich'ik ch'abtesel yu'un te xch'amelike, juyonik ta kerajel sok la yayik tsalaw ta stojol te mach'atik yan lumetike ³⁵ La yich'ik cha'kusesbel te antsetik te mach'a lajemix yu'unik-a. Sok ay yantik te mach'a k'ax swokolik te ma la sk'anik te ya yich'ik ak'el ta libre melel ja ay ta yot'anik te ya xch'a kuxik. ³⁶ sok ay yantik te te la yich'ik labanel sok la yich'ik majel sok la yich'ik chukel. ³⁷ La yich'ik ch'ojel ta ton. La yich'ik set'el ta serrucho. Lajik ta espada. La slapik snuk'el chijetik sok tentsun, mero me'ba ayik ta k'inal, mayuk bi ayunik-a, sok uts'inbilika. ³⁸ Ma sujb'in te ayik ta balumilal, Beenik ta bay jochol takin k'inal, ta muk'ul wits-tikal, ainik ta bay xabetik sok la spas snaik ta bay lumilal. ³⁹ Ta spisil in to lek' k'otik yu'un te xch'uunjel yot'anike , jauk meto ma to la yilik te beluk albilike. ⁴⁰ Melel te Dios ay bi xchajp'anoj ta tojoltik te ja mero lek xan, yu'un ja ya sk'an te ya jkich'tik lek tesel jich te bit'il la yich' lek tesel