¹ David tiwa: “¿Wiku achatum xlitalilakgapasni Saúl nti kit xak masiyunilh xatlan, lantla xak paxkiy Jonatán? ² Xwi chatum xlitalakgapasni Saúl, chatum skujni xwanikan Siba, wa tiku tasanika na an ukxilha David. Wa puxku tikgalhskilh: “¿ Wix Siba?” Wa xla kgalhtinalh, kit xla, miskujni”. ³ Wanchu puxku kgalskilh: “¿Yalhtiktsu akgataxtuy xlitalakgapasni Saúl wa tiku akit tlan nak masiyuniy xatlan xla Dios? “Siba kgalhtilh puxku: “ akgataxtumaku chatum xkgawasa Jonatán wa tima kgawasa nilay litlawan xtuwan”. ⁴ Wa puxku wanilh:” ¿Ninta xla wi¿” Siba kgalhtilh puxku: “Kawxilhty, wa xla anta wi nak xchik Maquir xkgawasa Amiel nak Lodebar”. ⁵ Wanchu puxku, David kimatiyaninalh nak xchik Maquir xkgawasa Amiel xala nak Lodebar. ⁶ chuna nchu, Mefiboset xkgawasa Jonatán, xkgawasa Saúl, tilajmilh David, lakgtakilhputalh na lakgtatsokgostalh nak tiyat, tu limasiyunilh takgajni David. David wanilh:”Mefiboset”. Wa xla kgalhtinalh: “¡kawkxilhty, akit miskujni! ⁷ David wanilh: “Ni kamakpuwanty, xpalakata xlikana nak masiyuniyan tuku lu xatlan, xpalakata lu xakgalhini tapaxkit mintlat Jonatán, chu putum nak mapuspitniyan tu xla xwan mimtata Saúl, chu ankgalhin anta na wayana nak ki mesa”. ⁸ Mefiboset takilhputalh chu chuwinalh: “¿ Tu kilakgasi a kit miskugni nakilakgalhama xpalakgata kani tantum chichi xanin kit? ⁹ Chuna nchu puxku tasanilh Siba, kskujni Saúl, chu tiwanilh : “putum tuku xmapaksiy Saúl chu xlitalakgapasni, Akit nak mapuspitniy xtanat mi malaná. ¹⁰ Wix, chu minkgaman nachuna milakskujnin nachanananiya nak tiyat chu namakiyatit tuku na lananan, xpalakata wa xtanat mi malaná nakgalhiy xliwat tuku naway. Chu Mefiboset, wa xtanat mi malaná, xa liankgalhin anta nawayan nak ki mesa”. Wanchu Siba xkgalhi kgalhkukitsis xkgaman chu kgalhpuxum kskujnin. ¹¹ Wanchu Siba kgalhtinalh puxku : “ Wa miskujni putum natlawa tuku nalimapajsiy ki malaná chu puxku.” Amagtum chuwinalh puxku wa: “ na wanchu Mefiboset na anta nawayan nak ki mesa xtachuna la chatum xkgawasa puxku.” ¹² Mefiboset xkgalhi chatum xkgawasa wanty xlitapakuwi Micaía. Chu putum nty xwilakgolh nak xchit Siba putum xlakskujni xwan Mefiboset. ¹³ Wanchu, Mefiboset anta tilatamalh nak Jerusalén chu xli ankgalhin anta wayalh nak x mesa puxku maski nilay xtlawen kgalhtu xtuwen.