¹ Tilhalh nchu awen, David kalakatawakalh Filisteos chu kamakgatlajalh. Chuna nchu David tiyalh Gat chu kxa kaxtum pulataman chu kalakgmaxtulh laxkamapagsikgoy Filisteos. ² Awenchu na kamakgatlajalh Moab chu lakata katlamilh nak katiyatna lakimpi nakalhilhkay tasiw. Kilhaktuy tasiw lhkalh wanty nakamakgniy, chu kilhaktuy tasiw wanty nikatikgamakgnilh. Chuna nchu amakgolh moabitas xtasakua David wankgolh chu tsukukgolh lakgxokgonanikgoy. ³ Wanchu David tlajalh Hadad Ezer xkgawasa Rehob, chu puxku xala nak Soba, xlimakgwa wa Adad-Ezer x anita lakan laku nalakgmaxtuy tu xlitay xlimapegsit chu xtatagsa kgalgtuchokgo nak Eufrates. ⁴ David kachipalh akgtun milh akgtujun ciento putlaw tu klhkankalinkgo kawayu chu akgpuxam milh lakchixkuwin ti xkatsikgo xtalatlawanankgoy. David, katantutukxli putum kawayu tu xlinkgoy putlaw, wampi kamakgataxtilh lhuwaku, kitsispuxum putlaw tuku klhtankalinkgoy kawayu. ⁵ Chu arameos xala nak Damasco minkgolg makgtayakgoy Hadad-Ezer puxku xala nak Soba, David kamakgnilh puxumatuy milh lakchixkuwin arameos. ⁶ Wanchu David walhih xa lagtliwkgan makgtakgalhnanin nak Aram xla Damasco, chu arameos xlakskugnin tiwankolh, na kilakgxokgonnikgocha. WA PUCHINÁ xmaxkima tatlajan David ka xa nikawa xkilama. ⁷ David tiyalh kskudo xla oro wantu xmapaksikgoy xlakskugni Hadad-Ezer anta kalimilh nak Jeruzalén. ⁸ Anta limimcha nak Beta ,lilakapalhli nak Berotai, kachikinin tu xmapakgsiy Hadad-Ezer, wa ama puxku David lhuwa tikgalhilh bronce. ⁹ wa Toi, puxku xala nak Hamat, tikgaxmatli pi wa David xkamakgatlajanit putum magtakgalhnanin xala nak Hadad-Ezer, ¹⁰ Wa Toi malakgachalh Joram xkgawasa, niku xwi puxku David. Xla kilakgaxakgatlilh kisikulnatlawalh, xpalaka wa David katalatlawalh xal nak Hadad-Ezer chu kamakgatlajalh, Xpalakata wa Hadad-Ezer malakatansanilh tatalatlaw, Toi. Joram kalimilh plata, oro chu bronce. ¹¹ Wa puxku David mapapitsilh plata chu oro tu makamaxkilh PUCHINÁ, xliputum tu kachikin tu wa xkamakgatlajanit. ¹² Anta nak Aram, Moab, xa kachikin Amón, wa filisteos, chu amalecitas, xli putum tuku xkgalhi xtapalh xla Hadad-Ezer xkgawasa Rehob, wa puxku xala nak Soba. ¹³ Wa xtakuwini David luwa talakgapasli axni kitaspitli niku kakitlajalh arameos nak xa kaxtum xa skgokgo, chu akgkutsayan milh xlakchixkuwin. ¹⁴ wa kawalih lakgtliwakgan makgtakgalhnanin amagtum xliputum Edom, chu xputumkan edomitas xlakskujnin tiwankgolh. WA PUCHINÁ maxkilh tatlajan David xliputum niku xkilama. ¹⁵ David puxkunalh xli putum nak Israel, wa xla napakgsinan xa akgstitum xli putum xkachikin. ¹⁶ Joab xkgawasa Sarvia xkalakapuxkunaniy makgtakgalhnanin, chu Josafat xkgawasa Ahilud xlataxtu cronista. ¹⁷ Sadoc xkgawasa Ahitob, chu Ahimelec xkgawasa Abiatar xlitaxtukgoy palakachuwinanin, chu Seraía xli taxtuy lakgtsojkina. ¹⁸ Benaía xkgawasa Joiada wa xkakuentaglanit (a cargo) cereteos chu peleteos, chu xlakgawasan David, xa lak napuxkun xwankgoy xla stakyawananin xla puxku.