¹ Lalh, awencho axni wa puxku takaxtawi nak xchik, awencho akan wa PUCHINÁ xmaxkinita tajaxni xli putum xtalatlawaná ti xchukunankgoy, ² wa puxku wanilh Natán profeta: ¨Kawxilhty, kit anta kwi nak akgtum chiki xla puksnankiwi, wampi wa xpumakin PUCHINÁ Dios anta wilacha nak xpuytat takgtlapayaw. ¨ ³ Wampi Natan wanilh puxku: ¨Kapit, katlawa tu wi nak mi listakná, xpalkata wa PUCHINÁ anta talamán.¨ ⁴ Wampi wa tiyma katsisní xtachiwin PUCHINÁ lakgmilh Natán chu wanilh: ⁵ Kapit chu kawni David, kiskugni, wa uma tu wan PUCHINÁ: ¿Anakintlawniya aktum chiki nikú nak tawilay? ⁶ Wampi AKIT nika agtum kchiki kwi axnita la katamakaxtulh latamani´n xala nak Israel nak Egipto chunakú uma kilhtamaku; xpalakata, Akit ktatsojetlawan nak akgtum takgtlapayaw, chu nak tabernáculo. ⁷ xli putum niku xa klama xak tatsojema kxlagstipan xliputum xkachikin Israel, ¿amakgtum pal tuku kuanilh chatum pulalina xal nak Israel wanty Akit klagsakli ti na mapuswayni kinkachikin Israel, kilhwama: “xpalakata wix nitu akinkaxtlawniya aktum chiki xla puksnankiwi?” ⁸ lanchiyu nchu kawani kiskujni David: “Wanpi wa PUCHINÁ xla makgtakalhnanin wan: ÁKIY ktiyan nakasakgatni, laxkastalanipat takgalhin, xpalakata wix napuxkun´na nak kinkachikin Israel. ⁹ AKIT ktalataman xli putum ninta kila chu kamapanunin putum mintalatlawaná kmilakatin. AKIT tlanka nak tlaway mintakuwiní, xtachuna xtakuwini la tlanka tiyat. ¹⁰ AKIT naklagsaka akgtum pulataman xla kinkachikin Israel anta nak kawaliy, xpalakata wa xla´kan tlan natawilakgoy nak xpulatamankan chu yalh tu napuwankoy. Wa tachixkuwitat ti lixkan xtayatkan yalh kat kamapatinin, laxtlawkgoy xa lipulna, ¹¹ la xlaka´n xtlawmakgolh ama kilhtamakú akan KIT kalimapagsilh xlakaxtlawnanin taglhuwit nakatalatamay kinkachikin Israel. Uma kilhtakú, AKIT nak majaxayan la xliputum tix talatlawamakgon. Chu AKIT PUCHINÁ, kmalaknuniyan AKIT nakaxtlawniyan akgtum chiki. ¹² Akan natakgatsiy minkilhtamakú nakatalhtataya minatlatna, AKIT nak makiy chatum minkilhtsukut awen la wix, chatum tiku lu minkam nawan, KIT nakmatliwekglha na puxkunan. ¹³ Wa nakaxtlawa akgtum chiki xpalakata kintakuwiní, AKIT nakmatliwekglha xlaktawelh nak xpumapagsin xa xlipan. ¹⁴ AKIT xtlat nakwen, chu xla kinkgawasa nawen. Akan xla namaklakgalhinan, AKIT nakli akgastakyaway kgantum xkiwikan lakchixkuwin chu nak snokga la xlakgawasan lakchixkuwin. ¹⁵ Wa kintalagkaxlhan xla xakstitum niktimakgaxtagnilh, lak tiyalh Saúl, wa tiku kmatsojelh nak milkatin. ¹⁶ Wa minchik chu mimpumapagsin natamakgantaxtiy xa xlipan nak milakatin. Wa milaktawelh natamatliwekglha xa xlipan. " ¹⁷ Natán xakgatlilh David chu makatsinilh putum uma tachiwin, wa xla wanilh putun tuku xukxilhnit. ¹⁸ Awenchu David wa puxku, tanulh chu tawi nak xlakatin PUCHINÁ; wa xla tiwa: “¿tiku nchu kit, PUCHINÁ Dios, tinta nchu kintalilakgapasni anta uma kilichitanita? ¹⁹ Wanchu uma ka akgtum lu aktsu ukxila, PUCHINÁ Dios. ¡WIX ay lichiwinanita xpalakata kintalilakgapasni wa kit miskujni ntuku mimacha kilhtamakú, chu kimasiyunita tiku mimakgochaku, PUCHINÁ Dios! ²⁰ ¿Tunta chu tlan nakuaniyan , kit David?Wix kaknipat miskujni, PUCHINÁ Dios. ²¹ Xpalakata mintapaxkit xla mitachiwin, chu nakgantaxtuy tu lakapastaknita, wix tlawa tlanka tamasiy tu masiyuni miskujni. ²² Xpalakata , Wix lu tlanka, PUCHINÁ Dios. Xpalakata nity achatum la wix, na nitu Dios wa lantla wix, chuna kinin lantla man klikgaxmatnitaw kintakgankan. ²³ ¿ Tuxtachuna minkachikin Israel, xakstu kachikin nak tiyat wanty Wix, Dios wix kalakgmaxtu mila tlawa? Wix tlawa pi wa xlakan nalakminkoyan minkachikin nawankoy mimpalakata, chu agtum natlawkgoy takuwini mimpalakata chu natlawkgoy tu lak tlanka chu tuku makgaglhanan xpalakata mimtiyat. Wix katamakaxtu kachikinin chu xtamakanitlaw kan nak xlakatinkan minkachikin, wacha tiku kalakgmaxtu nak Egipto, ²⁴ Wix kaxwali Israel minkachikin tlawa xa xlipan, Wix PUCHINÁ, X Dios kan wanty. ²⁵ Wanchu lanchiyu, PUCHINÁ Dios, wa tamalaknun tuku tlawaní mi lakskujni chu kilitalakgapasni anta kakaxwali xa xlipan. Chuna katlawa la chuwinanti. ²⁶ Wa mintakuni tlanka kawa xa xlipan, xpalakata wa tachixkuwitat nawannkgoy, ´wa PUCHINÁ xla makgtakgalhnin wa Dios xala nak Israel,´ xlimakgwa wa chinkik, xla David, miskujni takaxwalinit nak milakatin. ²⁷ Xpalakata Wix, PUCHINÁ xla makgtakgalhnanin, wa Dios xala nak Israel, masiyuni miskujni pi wix nakaxtlawniya akgtum chiki. Wa chanu nchu akit , miskujni, ktajsnit litliwakga nak xakgatliyan. ²⁸ Lanchiyu, PUCHINÁ Dios, wix Dios, wa mintachiwin xaxlikana, Wix tlawani uma tamalaknun miskujni. ²⁹ Lanchiyu nchu, wix lakgchanan naskulnatlawaya xchik miskujni, chu akgtsi nastalaniyan. Xpalakata Wix, PUCHINÁ Dios, wix chuwinanty, wix skulnatlawa xchik miskujni chu xa taskulnatlawan nawan xa xlipan.”