¹ Xwi tatalatlaw nak xlagstipan xchik Saúl cho xchik David. David liwkga tliwkga xwantilay, ampi wancho xchik Saúl liwka xtaxlagwantilay. ² Tilkachinkgolh xkaman David nak Hebron. Wa xlipulna xkgawsa wanika Amnón, xplalakata Ahinoam xla Jezreel. ³ Xlichtuy xkgawasa, Quileab, wa timalkachinilh Abigail, xtanimkgan Nabal xla Carmel. Xlikgalhtutu, Absalon, xkgawasa Maaca, xtsumat Talmai, puxku xla Gesur. ⁴ Xlikgalhtati xkgawasa David, Adonias, xkgawasa xwan Haguit. Xlikgalhkitsis xkgawasa wa xwan Sefatias xkgawasa Abital, ⁵ Cho xlikgalhchaxan, Itream, wa xkgawasa xwan xpuskat David, Egla.Wancho uyma tu tilkachinkgolh xkaman David nak Hebron. ⁶ Tilalh akan la xwi tatalatlaw nak xlagstipan xchik Saul cho xchik David wa Abner ti xakstu tatliwaglhli nak xchik Saúl. ⁷ Saúl xkgalhiy puskat ti nitu xtatamakgaxtognit tu xwanikan Rizpa, xtsumat Aja. Isobet wanilh Abner: “¿chiwna wix talhtata xpuskat ti nitu tatamkgaxtognit kintlat?” ⁸ Wancho Abner lu xlisitsinit xpalakata tu ti wanilh Isobet cho wanilh: “¿akit xagxekga chichí tu tapagsiniy Judá? Lawku kit kmasiyma miliakgstitum na xchik Saul, mintlat, xnatalan, cho ti talalinkgoy, xpalakata ampi kamamastaptunan nak xmakan David. ¿Ampi lawku cho wix kiliwalipat tagsanit xpalatakata uyma puskat? ⁹ Akit Chuna kakintlawalh Dios, Abner, cho liwka , palpi kit nik titlawnilh David nantla PUCHINA malaknunnit, ¹⁰ Ka tilagtaxtulh xpumapagsin xla xchik Saúl cho kalak´kaxwalilh xlaktawilh David nak Israel cho nak Judá la nak Dan cho lalakaplhli nak Beerseba” ¹¹ Isboset nilay kgalhtilh tunuk tachiwin Abner, xpalakata am xmakgaglhay. ¹² Wancho Abner malakgachalh makatsinina nak xlakatin David xpalakata ampi wa nalkapachuwinankgoy cho wankgolh: “¿tinta cho uyma xla tiyat? kakitatyu tlawa akgtum tamalaknun, cho wix naukxilha ampi wa kimakan anta tata´tagsan, xpalakata pogtu nak limniyan Israel. ¹³ David kgalhtinalh: “tlan, akit naktatyutlawayan akgtum tamalaknun. Ampi wincho tu nakwaniyan, nilay kat ki ukxilhti, akan ku nakilitniya Mical, xtsumat saúl”. ¹⁴ Wancho David kamalkgachalh makatsinina nak xlakatin Isboset, xkgawsa saúl, wankgolh: “kakimxki kimpuskat Mical, ampi kilmagninalh xpalakata, kamagnilh akgtum ciento Filisteos”. ¹⁵ Wancho Isboset matiyninal Mical, cho kilkgatiyal xchixku, Paltiel xkagawsa Lais. ¹⁶ Wa xchixku tatyu alh, xtasatilay lax antilay, cho stalnilh anta ak Behurim. Wancho Abner wa wanilh: “kapimpala nak minchik lawku”, wancho xla tapuspitli. ¹⁷ Abner katakgalhchuwinalh lakgolu xla Israel kawanilh: “laxapulna wixin xkgalhiptunatit David laku mi puxkukan. ¹⁸ Lawku cho katlawatit. Ampi wa PUCHINA wanilh David: ´wa xmakan kiskujni David kit naklilagmaxtuy ki kachikin Israel nak xmakan Filisteos cho xmakan pogtu ti xtalasitsin´”. ¹⁹ Abner lakani takgalhchuwinalh xkachikin Benjamin. Wancho Abner natialh takgalhchuwinalh David nak Hebrom, xwaniputun pogtu tu Israel cho xchik Benjamin xtlawaputunkgoy. ²⁰ Akan wa Abner cho kgakgpuxám xtachixkuitat lakaplhkgolh nak Hebróm laku ankgolh ukxilhkgoy David, David xkakaxtlawninit taway. ²¹ Abner liwna wanilh David: “akit nak tayay cho nak kamamakxtuminyan pogtu Israel, ki PUCHINA wa Puxku, xpalakata ampi wa natlawakgoyan akgtum tamalaknun, xpalakata ampi tlan na puxkun´na xlipogtu tu wix lakaskina”. Wancho David despedirlilh Abner, wancho Abner akgsiya alh. ²² Wancho xmagtakgananin David cho Joab timinkgocha nak pala tatalatlaw cho liminkgolh xlakan paks tu xkgali xtapalh. Ampi wancho Abner nitu anta xtata´tagsa David nak Hebrón. David makgat xmalkgachanit, cho Abner akgtsiyag x´anit. ²³ Akan chilh Joab cho pogtu xmakgtakgalhnanin, wa xlakan wankgolh Joab: “Abner xkgawsa Ner lagmilh puxku, cho puxku makampa cho Abner akgtsiya alh”. ²⁴ Wancho Joab lagmilh puxku cho wanilh: “¿tunta cho wix tlawa? ¡Kaukxilhti , Abner lagmin! ¿chiwna kua wix malkgachata, wancho xla alh? ²⁵ ¿Anikatsiya wixa ampi wa Abner xkgawsa Ner kamilh akgskgawmiyan cho milh katsiy pogtu tu tlawaputuna cho xkatsinputun pogtu tunta tlawapat?” ²⁶ Akan wa Joab makgaxtagli David, wa xla kamalkgachalh xmakatsinina kamakstalilh Abner, cho xlakan mapuspitpalkgolh anta tikitiykgolh nak xatapuwaxni sira, ampi wancho xla David nixkatsiy uyma. ²⁷ Akan wa Abner ti ampa nak Hebrón, Joab lilh nak xpaxtun xpunan tlanka malakcha xpalakata tseg takgalhchuwinputun. Anta wa Joab palhukilh nak xpokgo cho magnilh. Chuna cho noyma, Joab makgaxokgolh xkgalhni Asael xtala. ²⁸ Akan wa David ti kgaxmat´li uyma tiwá: “akit cho ki pumapagsín nitu kliwlaw cuenta nak xlakatin PUCHINA xaxlipan xpalakata xkgalhni Abner xkgawsa Ner. ²⁹ Wanti xkuenta nilh Aber ka aktawkacha Joab. Nikxniku kakintsankgalh nak xlitalilakgapasni Joab wanti ni nakgalhiy xha lagchuwalhni kgalhni, o palh tagatat nak xlakni o palh ti nilay tlawan luka lixtokgo nalitlawan o tinta nalimagnikan spada o wanti ni katkgalhilh xtaway. ³⁰ Wancho Joab cho Abisai xtala magnikgolh Abner, xpalkata ampi wa xmagninit xtala Asael nak tatalatlaw nak Gabaón. ³¹ David wanilh Joab cho pogtu kachikin ti wa xtatataskgoy: “kalakxtit´tit milhakgatkan, kalhakgatit lhakgat wantu lu yalh tlan, cho kalaglipuwntit kxlakatit xtiyat liwat Abner”. Wancho puxku David tlawalh nak xchekgan tiyat liwat la xmaka maknukan. ³² Wa xlakan maknukgolh Abner nak Hebrón. Wa puxku titasalh cho katasalh ninta xtaknunit Abner, cho pogtu kachikin natitasalh . ³³ Wa puxku lu laglipuwa Abner cho tlilh: “¿chuna xlinit xwan Abner la chatum tonto niy? ³⁴ Wa mimkan nitu xtachekgonit. Wa mintuwan nitu xlitachinit likan. Chuna nantla chatum chixku niy nak xlakatin xlakgkawsan ti nitlawakgoy tu ni xha akgstitum, chuna wix nit”. amagtum litum pogtu kachikin lagtasalh. ³⁵ Pogtu kachikin lagmilh David xpalakata ampi xlakaskinkgoy ampi xwayalh xlimagawa kakwiniku xwan, ampi wa David ti malaknulh: “chuna Dios kakintlawalh, cho kakimaklhuwinilh, palpi nak kgalhwanan kaxtilancho o palh tuntlan tunuk xlimagwa ya tsankgay chichiní. ³⁶ Pogtu kachikin ukxilhli xtalipuwan David, cho tlan xlakan ukxilhkgolh, chuna cho pogtu tu xtaway puxku lu tlan xlakan xukxilhkgoy. ³⁷ Chuna cho, pogtu kachikin cho pogtu Israel akgatagsli tiyma kilhtamaku ampi nika chun xkatziy puxku palh xmaniputum Abner xkgawsa Ner. ³⁸ Wa puxku kawanilh xlakskujnin: “¿ani katziyatit wixin´na ampi chatum xkgawsa puxku cho magchiya chixku nilh lanchiyu nak Israel? ³⁹ Lawku cho, kit lukxlagwanan lanchiyu, maski kit puxku xha talaksakni. Wa uyma lakchixkuin, xlakgawsa Sarvia, lu ni tlan likatsikgoy kimpalkata. Wa PUCHINA kamalagxhokgolh ti lu ni tlan xtayatkan kaka´akgstakyawalh xpalakata tu ni tlan xtayatkan, chuna natla kalagchan”.