¹ Akan, Isboset, xkgawsa Saul, kgaxmatli ampi wa Abner tinilh nak Hebrón, taxlagwanilh, cho pogtu Israel ti makgakwankgolh. ² Lawku cho, xkgawsa Saul xkgalhiy chatuy lakchixkuin ti xlakapul´linkgoy akglhuwa ti xkatsikgoy talatlawnakgoy. Wa chatum xwanikan Baana cho chatum Recab, xlakgawasan Rimón wa beerotita xlitalakgapasni Benjamin (wa Berot na anat xmagtapaksiy nak xla Benjamin, ³ Cho beerotitas tisalkgolh cho lakapalhkgolh nak Gitaím cho anta ku lamkgolh lanchiyu kilhtamaku). ⁴ Jonatán, xkgawsa Saúl, xkgalhiy chatum xkgawsa ti nilay xtlawan. Akan xakgkitsis xwan cho tamakatsinin xpalkata Saúl cho Jonatán timinkgocha nak Jezreel, wa xmagtakgalhna ti tiyal laku namatsaliy, cho xlimagwa xkgosnamakgolh wa xkgawasa Jonatán tamakgosli cho yalh lay tatsogelh. Wa xwanikan Mefiboset. ⁵ Wancho xlakgawasan Rimón wa beerotita, Recab cho Baana, ti tlawankgolh nak xakalhkakni kilhtamaku anta xmakgolh nak xchik Isboset, xlimagwa wa xla xgaxma la kakgotnun. ⁶ Wa puskat ti kskgalay malakcha ti aklhtat´tawi la akan xlaksakwi trigo, cho Recab cho Baana stseg tanukgolh cho lagtsa tilakgatlawkgolh. ⁷ Awancho la tanukgolh nak chiki, lakatawkakgocha cho magnikgolh xlimagwa xma nak xputma ninta klhtatay. Wancho, pixkaktekgolh cho linkgolh, tatlawankgolh nak tiji tu xlinan nak Arabá pogtu katsisni. ⁸ Linkgolh David xakgxekga Isboset, nak Hebrón, cho xlakan wankgolh puxku: “kaukxilgti, wa uyma xakgxekga Isboset xkgawsa Saúl, mi talatlawna, wanti xmaglhtiptunan mi latamat. Lanchiyu wa PUCHINA malagxokgonlha xpalakata ki malanakan wa puxku, malagxokgeka saul cho pogtu xlitalilakgapasni. ⁹ David kgalhtilh recab cho Baana xtala, xlakgawasan Rimon wa beerotita; wa kawanilh: “wi PUCHINA ti lagmaxtulh ki latamat nak akgatnu taglhuwit, ¹⁰ Akan wintinta kiwanilh: “kaukxilhti, Saul nilh”, klakapastakli kit am tlan tamakatsinin xlimin, akit kchipalh cho kmagnilh nak Siclag. Wa uyma klixokgonilh xpalakata xtamakatsinin. ¹¹ A nantla cho lakchixkuin ti nitlan xtayat´kan ti magnekgonit chatum krisyanu anta nak xchik ti nitu xlimaglaglhinit, anta nak xputma, ¿a nichu lay kua kit nak malagxokgenan xpalkata xkgalhnikan nak mimkankan, cho nak kaxapayan nak tiyat. ¹² Wancho David kamaxkilh limapagsin lakgawasan, cho xlakan magnikgolh cho kachukunka xmakankan chp xtuwankan con kachiwkaka nak xpaxtun tapuwaxni xla chuchut nak Hebrón. Ampi tiykgolh cho xakgxekga Isboset cho maknukgolh ninta xaknuy Abner nak Hebrón.