¹ Awan cho tu uyma, David kgalhskilh PUCHINA cho wanilh: “¿akit kilitawkan nak agtum xkachikin Judá?” Wa PUCHINA kgalhtilh: “ktawka”. David wanilh: “¿ Xani nak kachikin nakan?” Wa PUCHINA kgalhtilh: “anta nak Hebrón”. ² Wancho David katatawkalh chatuy xlakpuskatna, Ahinoham xla Jezreel, cho Abigail xla Carmel, xtanimkgan Nabal. ³ David kalimilh lakchixkuin ti xkatata´tagsa, chatunu xlakan kaliminkgolh la akgatnu xlitalilakgapasni, nak xkachikin Hebrón, anta ninta xlakan titsukokgolh latmakgoy. ⁴ Wancho, tachixkuitan xla Judá minkgolh cho laksak´kgolh David xpuk´ku xchik Judá. Wa xlakan wanikgolh David: “Wa xtachixkuitat xla Jabes Galaad maknukgolh Saúl”. ⁵ Wancho David kamalkgachalh makitsinanin xtachikuitat xla Jabes Galaad cho kawanika xlakan: “wixinin lu kaskulnatlawan PUCHINA, xpalakata wixinin masiytit takaknin mi malanakan Saúl cho maknutit. ⁶ Lawku cho wa PUCHINA kakamasiynin wixinin tu lu lakuan nak nakmilagstipankan cho kamakgantaxtilh. Akit na nak kamasiyniyan wixinin uyma tu lu tlan xpalakta ampi lu tlan tu tlawanintit. ⁷ Lawku cho wa mimkankan lagtliwkgan kawa: nitilkapuwnatit cho ampi wa Saúl mimalana kan ay nilh, cho xchik Juda ki kilaksakli li puxku xpalkatakan”. ⁸ Ampi wa Abner, xkgawsa Ner, xa puxku skgalna xla magtalkgalhnanin xla Saúl, tiyalh Isboret, xkgawsa Saúl, cho limilh nak Mahanaim. ⁹ Wa Isboset puxku titlawka nak Galaad, Gesuri, Jezreel, Efrain, Benjamin, cho xlipogtu Israel. ¹⁰ Isboset, xkgawsa Saúl, xtipuxám xwan akan titsukulh puxkujnan nak Israel, ti puxkunalh akgtuy kata. Ampi wa xchik Judá tistalnilh David. ¹¹ Wa kilhtamku la David puxkunalh nak Hebrón la nak xchik Judá akgtujun kata cho akgchaxan papa. ¹² Abner, xkgawsa Ner, cho xlakskujnin Isboset, xkgawsa Saúl, taxtukgocha nak Mahanaim lakaplhkgolh nak Gabaón. ¹³ Joab, xkgawsa Sarvia, wancho xlakskujnin David taxtukgolh cho katagska xlakan nak xtapuwaxni chuchut xla Gabaón. Anta xlakan ti tawlakgolh, akgtum tamakxtumit xwilakgolh nak xpaxtum tapuwaxni xla chuchut wanccho akgtum xwilakgolh xa alagpatu. ¹⁴ Abner wanilh Joab : “kakalkaskini lakgawsan am kataykgolh cho ka latalatlawakgolh nak kil katin kan”. Wancho Joad chuwinalh: “katayakgolh”. ¹⁵ Wancho lakgawsan taykgolh cho tamakxtumikgolh, akgkutuy xla Benjamin cho Isboset xkgawsa Saúl, cho akgkutuy xlakskujnin David. ¹⁶ Chatunu lakchixkuin chipalh xtalatlawna lichipalh xakgxekga cho lilaglhukilh xspada nak xtapan wanti xtalatlawma, wancho xlakan nikgolh laxtum. Wancho uyma pulatam limapakwika nak Hebreo: “Helcat Hazurim”, nalilakgaskan “katiyaytni xla spadas”, anta tatagsa nak Gabaón. ¹⁷ Wa tatalatlaw tiyma kiltamaku lu snun tiwa cho Abner cho tachixkuitat xla Israel tikatlagaka nak xlakatinkan kskujnin David. ¹⁸ Wa kgalhtutu xlak kgawsan sarvia anta xwilhkgolh: Joab, cho Abisai cho Asael. Asael lu pala xlikgosnan xtuwan xtachuna la tantum juki xaluku, ¹⁹ Asael lakatsu akstalnitilalh Abner cho stalnilh niniktsu patnutilalh. ²⁰ Abner lakalh nak xchekgan cho chuwinalh: “¿Pa wix, Asael?” Wa kgalhtilh: “kit”. ²¹ Abner wanilh: “kalakapi nak mi pakgstakat o anta nak mi pagxuki, cho kalipi chatum kgawsa cho katiya militamagtakgalni”. Ampi wa Asael ni niktsu tipatnuptulh. ²² Abner wanipa amagtum Asael: “ Yalh kati akstalni. ¿chiwna kua kit nak talmiyachan nak katiyatna? ¿Nantla cho kit tlan nak lakukxixla Joab, mimtala?”. ²³ Ampi wancho xla Asael niakgatagsli chuna ku xakstalnima, wancho xla Abner yawnilh xmakglhtsan xkinkan xlilagxtokgon nak xtiyat liwat, wancho uyma lanza tilakgtaxtulh xtiyat liwat. Asael tagpuspitli cho anta nilh. Pogtu cho katiwa ti anta xkilakaplha ninta xmagnikanit Asael, xtitaxkgokgoy cho kas xtaykgoy. ²⁴ Ampi wancho Joab cho Abisai akstalnekgolh Abner. Akan wa chihiní ay tsankgama, wa xlakan minkgolh nak xakaxtum laktsu sipi xla Amma, lakatsu xtata´tagsa Gia xtitlawnit tiji tu xlinan nak xha kaskakni tiyat xla Gabaón. ²⁵ Pogtu lakchixkuin xla Benjamin tamaxtumikgolh nak xchekgan Abner cho taykgolh nak xakpun xakaxtum aktsu sipi. ²⁶ Wancho Abner tasanilh Joab cho wanilh: “¿A xlipan nalalimagnikan spada? ¿A nikatsiya ampi lunitlan kat kilikgalhsputli? ¿a nantla kilhtamku natitaxtuy, akan wix nakawaniya milakchixkuin ampi xalh ti akstalnikgoy xnatalankan?” ²⁷ Joab kgalhtinalh: “Wi Dios, palpini ni chuna xwanti, wa ki magtakgalhnanin ti katsikgoy talatlawnakgoy xkakstalnikgolh xnatalanin chuna xlagchalh puntsisa!”. ²⁸ Wancho, Joab maksanilh trompeta, cho pogtu xlakchixkuin taxkgokgolh cho yalh liwka akstalnikgolh Israel, cho yalh palh liwka talatlawnankgolh. ²⁹ Abner cho xtakchixkuitat tlawkgolh pogtu tiyma katsisni nak Arabá. Wa xlakan titaxtukgolh nak Jordan, tlawkgolh lichali cho lakgaplhkgolh nak Mahanaim. ³⁰ Joab taspitli la xakstalnima Abner. Wa xla kamakgastogli pogtu xtachixkuitat, xkitsankgay Asael cho kgalhkunagatsa magtakgananin ti xkatsikgoy talatlawnakgoy xla David. ³¹ Ampi wancho xtakchixkuin David xmagnikgonit akgtutuciento puxam lakchikuin xla Benjamin cho xla Abner. ³² Wa xlakan tiykgolh Asael cho maknukgolh nak xpaglhat xtlat, wanti xwilacha nak Belén. Joab cho pogtu xtachixkuitat tlawkgolh pogtu katsisni cho lakgaxkgakgocha nak Hebrón.