¹ Akan cho titaxtulh akan tinilh Saúl David tikitaspitli la tikitalatlawalh amalecitas cho anta titawlalh nak Siclag, akgtuy kilhtamku. ² Akan cho xli akgtutu kilhtamku, tichilh chatum chixku anta xminincha anta ninta makxtum xwilhkgolh Saúl, wa xklhakgat xataxtitni cho xkakwaka tiyat nak xakgxekga. Akan cho lakaplhli ninta xwi David, cho lagtatskgostalh. ³ David wanilh: ¨¿Ninta wix tampi?" wa cho xla kgalhtinalh: “Kit ksalcha anta ninta maxtum xwilakgolh Israel¨. ⁴ David kgalhtilh: “Ka tlawa litlan, kakiwani natla lu lalh” wancho xla kgalhtinalh: “Wa kachikin tsallnilh tatalatlaw. Lu lhuwta tasipanikgolh cho lu lhuwta nikgolh. Saúl cho Jonatán, xkgawsa, nanikgolha”. ⁵ Wa David wanilh uyma kgawsa: “Nantla cho wix katsiya ampi wa Saúl cho Jonatán, xkgawsa, nikgolha?” ⁶ Wancho kgawsa kgalhtinalh: “kachunta xak lamacha kit nak Monte Gilboa, wancho Saúl anta xlakma xlanza wancho putlaw tu klhtankalinkgoy kawayu cho xkatawlan´nin kawallu luta ay xmataxtuk´kgoy. ⁷ Saúl talkgaspitli, kiux´xilhli cho kintasanilh. Kit kgalhtilh: ´Unu kwi´. ⁸ Wancho kiwanilh: ´¿Tinta wix? Kit cho kgalhtilh: “Akit chatum amalecita´. ⁹ Wancho kiwanilh: ´Katlawa litlan, katat nak kilkatin cho kakimagni, xpalaka ampi lata kpatinma, ampi chunku cho kgalhi ki latamat. ¹⁰ 1Chuna cho kit nak xlakatin ktayalh cho kmagnilh, xpalakata kit xak katsiy ampi yalh kat latmalh, am xmasipanikanit. Kit cho ktiyalh xaktawilh tu xakwi nak xakgxekga cho xpagtawilh tu xkgalhiy nak xpagni cho klim´ma uynu nak milkatin, ki malana”. ¹¹ Wancho, David lakxtitmilh kgtlakgat , cho pogtu tachixkuitat nachuna tlawkgolh. ¹² Wa xlakan talikpuwanikgolh, tasakgolh cho yalhtu tiwaykgolh cho kakgotnulh ka xpalkata Saúl, cho xpalkata Jonatán xkgawsa, cho xpalkata xkachikin PUCHINA, cho xpalkata xchik Israel, xpalakata ampi wa xkalimagnikanit spada. ¹³ David wanilh ama kgawasa: “¿Ninta wix xhala?” wa kgalhtinalh: “Akit kgawsa chatum chixku ti ni xhal unu kachikin, kit amalecita”. ¹⁴ David wanilh: “¿chiwna kua nimakpunti magni puxku xtalaksakni PUCHINA mimkan cho chuna litlawa?” ¹⁵ David tasanilh chatum kgawasa cho wanilh: “Kapit cho kamagni”. Wancho tiyma kgawasa alh cho masipanilh, wancho amalecita nilh. ¹⁶ Awancho, David wanilh amalecita xha nin: “wa mikgalhni wi nak mi akgxekga xpalakata ampi wa mikilhni kgalhapalalh tu tlawa, cho wa: “kmagnilh puxku xtalaksakni PUCHINA”. ¹⁷ Awan cho wa David litlhilh tatlhin xla talkgapsit xpalkata Saúl cho Jonatán, xkgawsa. ¹⁸ Wa limapagsilh kachikin am namasiyuy tatlhin xla Arco xlakgawsan Judá, wa tu tatsogli nak likgalhtawakga xla Jaser. ¹⁹ ¡Wa mi gloria, Israel, nilh, magnika nak mim pulataman xha laktlanka! ¡Chuna nantla tatlhgekgolh xa lagtliwkgan! ²⁰ Niti wana nak Gat, ni ti lichuwin´na nak xtiji Ascalón, xplakata ampi wa xlaktsumgan filisteos ni ti lipaxuwkgoy, xpalakata ampi wa xlaktsumgan ti xtachukgonit ni ti lipaxuwkgoy. ²¹ Kasipigna xla Gilboa, nitu ka analh xpullusen ninpalh sen mimpalakata, ninpalawa katakuxtun katmastakgolh xaliwat xla takaxtlawan, watsa ampi anta kskudo kan xa lagtliwkgan ti likgalhkgamanaka. Wa kskudo Saúl yalhtu xlitalaksaknit aceite. ²² Xkgalhnikan ti tikamagnika, xtiyat liwat kan ti xa lagtliwkgan, wa xputalatna Jonatán ni tapuspitli, cho xspada Saúl nikachunta chilh. ²³ Saúl cho Jonatán lu xtapaxkikgoy cho tlan xlikatsikgoy nak latamat, cho akan nikgolh ni tu kamapaptzika. Wa xlakan lu tlag pala xwankgoy la pichawa, tlag tliwkga xwankgoy la lapnit. ²⁴ Wixinin, xlaktsumjan Israel, kalagtasatit Saúl, wanti ti kalimalhakganin xa tlhiwkga spinini cho lu lakslipwa lhakgat xkalimalhakganiyan cho ti walinilh likaxtlawan xla oro nak mi lhakgat. ²⁵ ¡Chuna nantla tatlhgekgolh xa lagtliwkgan nak xlagstipan tatalatlaw! Jonatán magnika nak mipulataman xa laktlanka. ²⁶ Akit xak kmakgakuaman, kintala Jonatán. Wix lu xaktala´lagkatsanan. Wa mintapaxkit kimpalakata lu tlan wa, liwka la xtapaxkit lakpuskatna. ²⁷ ¡Chuna nantla tatlhgekgolh xa lagtliwkgan, cho wa likan xla putalatlaw tsankgakgolh.