¹ David ti tlinilh PUCHINA wa xtachuwin uyma tatlin akan tiyma kilhtamaku WA PUCHINA tialgmaxtulh nak xmakan xtalatlawna, cho nak xmakan Saúl. ² Wa xla takgalhchuwinalh Dios: “wa PUCHINA xtachuna la tlanka chiwix, ki litliwkf, wa tinta ki lagmaxtuy”. ³ Dios tlanka ki chiwix. Kit anta ktagsa tamagtay. Wa xla ki skudo, wa akgalkgot xla ki akgaputaxtut, ki litliwakge, cho ki tamagtay, wa tinta ki lagmaxtuy xla tatalatlaw. ⁴ Akit nak kilhaniy PUCHINA, wantinta lu lagchan nak makgapaxuwkan cho nak lakgtaxtuy xla kintalatlawna. ⁵ Wa xa takgayawat linin kistilikgonit, wa xlikana chuchut kimagtsiputun. ⁶ Xtachuna nantla tasiu litaxtuy la pupatin kistilkgonoit; wa xlitantuakgsiu linin kinchipakgonit. ⁷ Anta nak ki kintapatin kit kilhanilh PUCHINA; akit kilhanilh ki Dios; Wa xla kgaxmat´li ki taxwin anta ninta wilacha su xchik DIOS cho ki kintakilhan lakgchalh anta nak xtakgen. ⁸ Awn cho wa katiyatna pekwalh cho lhpipilh. Wa xlikilhtsukun akgapun tachikilh cho malipuwanika xpalkata wa Dios xsitsinit. ⁹ Jini taxtulh naxkinkan cho lhkuyat xha chichi taxtulh nak kilhni. Jalanat mapasika xpalakata. ¹⁰ Wa xla malakilh nak akgapun chu taxtucha tliwkga tapoglhtutit xwi nak xtuwan. ¹¹ Wa xla kgatawi Querubín cho kgosli. Ukxhilhka nak xpagni kaunin. ¹² Cho waxla tlawalh xla tapoglhtutat akgtum chiki xla lhakgat nak xlikilhpalhman makgastogli laktsinka puklhni ¹³ akxni maglipnalh litliwakga nak xlakatin tamakgoskgolh jalanat xla lhukuyat. ¹⁴ Wa PUCHINA makasancha nak akgapun. Wa tlanka PUCHINA aktasacha. ¹⁵ Wa xla makalh xlitsupni cho katlakgalilh xtalatlawnanin, malipni katlakgalih. ¹⁶ Awancho xtiji chuchut tasiykgolh; wa xlikilhtsukut katiyatna nakamasiyka nak xtamakasan putalatlaw PUCHINA akxni kinkgapagli nak ligaxan xkinkan. ¹⁷ ¡wa xla ki kitiyacha anta ninta xwilacvha talhman cho kinchipalh, kimakutulh nak xastakni chuchut. ¹⁸ wa kilagmaxtulh nak xlimakgaliwakga kintalatlawana, wantinta lu xkinkilhkatsanikgoy, wa xlakan lu tliwakga xwankgoy kimpalakata. ¹⁹ Mikgolh kintalatlawakgoy axni kit xak patinama, ampi wa PUCHINA xkimagtayma. ²⁰ wa xla kilimilh nak xa kalagtlanka. Wa xla kilagmaxtulh xpalakata ampi tlan kiukxilhli. ²¹ Wa PUCHINA ki maxkilh talakgalhaman chuna nantla tlan klikatsilh; Wa xla lakaxtlawalh kilatamat chuna nantla tlan xwan kimakan. ²² Ampi kit kmakinit xtiji PUCHINA cho nitu aktlaway tu ni xa tlan palh naki mapanuy nak xpaxtum Dios. ²³ Putum tuku xa tlan xlimapagsin anta xwilakgolh nak kilakatin, nachuna xlimapagsin akit nitu aktamakgatliniy klimapagsin. ²⁴ nachuna cho, kit xa akgstitum ktatagsa nak xlakatin cho kimakin xla talakgalhin. ²⁵ wancho uyma, Wa PUCHINA ki lakaxtlawnilh ki latamat chuna nantla klikatsilh, chuna nantla tlan nak tasiyuy nak talkawan. ²⁶ wantinta lu agstitum Wix na lu xa agstitum tasiy´ya, wantinta chatum chixku tinta nitu laklin kuenta, wix nachuna tasiy´ya la chatum chixku tiku nitu laklin kuenta. ²⁷ xman wa tulutlan wix talimasiy´ya wixa masiykana lu tlan, ampi wix lu kakgatagsniya tiku nitlan likatsikgoy. ²⁸ wix magxtokgani kintachixkuitat, ampi wa milhkgastapu ni tlan tlaway tiku luka tlanka lay cho wix kamalkaniya. ²⁹ wix kilimagskgon, PUCHINA. Wa PUCHINA makgaxkgakgay nak kin kapoglhtutat. ³⁰ Mimpalkata tlan kgosnan nak akgtum taglhuwit; xpalkata wa ki Dios tlan nak aglhtampusa akgtum patsaps. ³¹ Wa cho tuwa xla Dios, wa xtiji awna tlan. Wa xtachuwin PUCHINA lu tlan. WA xla akgtum skudo tiku wa litakganuy. ³² Chuná ¿tiku Dios palpini watiya PUCHINA? ¿cho tinta tlanka chiwix palpini watiya ki Dios kan? ³³ Dios ki Refugio cho Wa xla kalin tachixkuitat tiku tlan likatsikgoy nak xtiji. ³⁴ Wa xla lu makgosniy kintuwan la xla tantum juki cho anta kiwaliy nak xakaxtum laktsu sipi xa lak talhman. ³⁵ wa xla mamkgatawkgay kimkan xpalkata tatalatlaw cho kinpagni laku tlan nalhmonkgoy akgtum akgsmutwa xla Bronce. ³⁶ Wix kimxkinita skudo xla akgaputaxtut cho wa militlan tlan kimkimaxtuy. ³⁷ Wix tlanka tlawpat uyma katiyatna nak kintuwan xpalkata nina tapiliy. ³⁸ Akit ka akstalnilh kintalatlawna cho kamasputulh. Nitu ktapuspitli akanku kamalagsputulh. ³⁹ Akit kawalh cho kalagxpitalh, wa xlakan nilay takikgoy. Anta tamkgoskgolh nak kintuwan ⁴⁰ wix kiwlinya litliwkga xtachuna la akgtum tatampatawlat xla tatalatla; wix kawliya nak kinkatujtsu wantinta takikgocha cho xkintalatlawputunkgoy. ⁴¹ wix kimkamxki xkgan la nak xpixni kintalatlawna; akit kamalagsputulh tiku luxkisitsinkgoy. ⁴² Wa xlakan skinkgolh tamagtay, ampi niti kalagmaxtulh; wa xlakan kilhankgolh PUCHINa, ampi Wa xla nikakgalhtilh. ⁴³ Akit xkanikli laktzu katlaway, xtachunta la pogxni xla katiyatna, akit pogxni ktlawalh putlun nak tiji. ⁴⁴ Nachuna wix kilagmaxtu xla tatalatlaw xla kinkachikin. Wix chuna kiwlinita ampi nak kapuxkun´niy xla laktlanka kachikin. Tachixkuitat tiku nikalakgapasa kiskujnaniy. ⁴⁵ Wanti ni xalhunu akgtliwkga kamakilhputnika nak kilkatin. Chuna nantla pala kgaxmatkgolh kimpalkata , wa xlakan kilakaxwikgolh. ⁴⁶ Wa tiku ni xalh unu kachikin lhpipitilkgoy taxtukgocha ninta xtatsegkgonit. ⁴⁷ ¡Wa PUCHINA wi! Wa tlanka kinchiwix kakaxnika. Wa Dios katamatlankilh, wa xtachuna la tlanka chiwix xla ki akgaputaxtut. ⁴⁸ Wa uyma ki Dios tiku wa nankgaxokgonan kimpalkata, Wa tinta kamalkaniy tachixkuitat nak kilkatin. ⁴⁹ Wa kilagmaxtuy nak xlakatin kintalatlawna. Luxlikana, Wix kimakiya nak xlakatinkan tiku takikgolh cho kinytalatlawputunkgoy. Kilagmaxtunita ⁵⁰ wa uyma xapalkata , wix nak maxkiyan paxkatsinilh, PUCHINA , nak xlagstipan laktlanka kachikin; nak tlinyan tatlin nak mintakwini. ⁵¹ Dios maxkiy tlanka tatlajan xpuxku cho Wa xla masiyuy tuku wa xa agstitum xapalkata xtamalaknun tuku xtakgalhiy xtalaksakni David cho tiku xkilhtsukut, xa xlipan”.