¹ wancho uyma awnawa tiwa xtachuwin David- David xkgawsa Isai, wa chixku tinta lu awna kaknika, watinta xtalaksakni Dios xla Jacob, wa tiku lu lakswan xwan xtchuwin xla Israel. ² “wa xspiritu PUCHINA kimpalkachuwinalh, cho wa xtachuwin nak ki simkgat xwi. ³ Wa Dios xla Israel chuwinalh, tiku wa xlilakgapaskgoy tlanka chiwix cho kiwanilh: ´wa tinta wa tlan lakapuxkun´niy lakchixkuin, wantinta puxkunan nak xtapekwa Dios. ⁴ Wa xla xtachuna la makgaxkgakganat xla puntsisa akan wa chichini nataxtuyacha, akgtum puntsisa tuku nitu kgalhiy puklhni, akan wa xaskagata palma taxtuyacha nak tiyat xpalkata wa xmagxkgakgatat chichini la akan titaxtuy sen. ⁵ Chuna cho, ¿Ani chuna la kilitalkgapasni uyma nak xlakatin Dios¿ ¿Ayatu kintlaway Wa akgtum tamalaknun xaxlipan, xalak´kaxlani cho putum katziy¿ ¿aniwa maliwkiy ki akgaputaxtut cho putum makgantaxtuy tuku klakaskin? ⁷ ampi wancho tinta nikalagchan xtachuna pi putum xtachuna nawan la lhtukun cho nakamkan kilhtin xpalakata ampi nilay xla kamamaxtumikan nak makan. ⁶ Wa chixku tiku nakaxamay xlakan wa namaklakaskin akgtum maklakaskinat xla likan o wa xkiwi lanza. Wa xlakan nakalhkuykan anta ninta xlakan takikgoy. ⁸ wa uymakgolh xtakwinikan magtakgananin tiku wa David xkalaksaknit: Joseb Basebet wa Tacmonita wa xapuxku xwan xla magtakgalhnanin tiku xkalaksakanit. Wa kamagnilh akgtseyanciento magtum. ⁹ Wancho tiku kstalniy wa Eleazar xkgawsa Dodo, xkgawsa chatum ahohita, chatum la kgatutu xa laktlanka xlakchixkuin David. Wa xla na nata xwi akan titalatlawkgolh filisteos tiku xtamakxtumikgonit xpalkata natlawakgoy tatalatlaw cho akan wa xtachixkuitat Israel xankgonita. ¹⁰ Eleazar titayalh cho katalatlawalh filisteos makgas cho xmakan titlagwalh cho anta tipalhantawkalh ninta lichipkan xspada. Wa PUCHINA tilimilh tlanka tatlagan toyma kilhtamaku. Wa magtakgalhnanin taspitli, awan la Eleazar, axmanwa timkgankgolh tiyat liwat. ¹¹ Wancho tiku ksastalniy wa xwi Sama xkgawsa Age wa ararita. Wa filisteos putum tamakxtumikgolh anata ninta xwi xpulani xla lentejas cho wa magtakgananin tikatsalnikgolh. ¹² Ampi wancho Sama titaxkgolh nak xpuytat cho magtayalh. Wa xla magnilh filisteos cho wa PUCHINA kalimnilh tlanka tatlagan. ¹³ Kalhtutu la puxamakaw magtakgalhnanin taktakgocha niku xwi David nak xkilhtamaku tamkgalan, anta nak xlhuku Adulam. Wa magtakgalhnanin xla filisteos xlagtanwikgoy nak xkaxtum Refaím. ¹⁴ Akan tiyma kilhtamaku wa David xwi nak xfortaleza, akgtum lhuku, xlimagwa wa filisteos anta takaxtawlakgolh nak Belén. ¹⁵ David luxwaputun chuchut cho wa: “¡palpikua wi tiku xkimakgotnilh chuchut xla tapuwaxni xla Belén, wa tapuwaxni niku wi anta ay laktanukan!” ¹⁶ Chuna cho wantiyma kalhtutu lakchixkuin tiku nixmakpuwankgoy kilhtaykgolh tiji cho titaxtukgolh niku xwilakgolh magtakgalhnanin xla filisteos cho maktukgolh chuchut nak xtapuwaxna Belén niku xtatagsa ninta xlaktanukanacha. Wa xlakan tiyakgolh chuchut cho linkgolh David, ampi wa xla niwaputulh. Wata wa xla mkgalh xpalkata PUCHINA. ¹⁷ Awancho wa xla wa: “makgat kakintatagsnilh, kit uyma nak likgotnan, PUCHINA. ¿akit naklikgotnan xkgalhnikan lakchixkuin tiku ay xlimkgasankgakgoy xlatamatkan?” chuna cho lagmakgalh cho niwalh. Wancho tiymakgolh tipat´tu magchiya tunta tlawakgolh tiyma lakchixkuin. ¹⁸ Abisai, xtala Joab xkgawsa Sarvia, wa xa xlakapulnima kgatutu magtakgalhnanin. Wa xla magtum tikalitlawalh xlanza akgtutuciento cho tikamagnilh. Wa xla lu magchiya xtatiyukamapakwi kgalhtutu magtakgalhnanin. ¹⁹ ¿Niku wa, tlag makchiya xwan lax xkgatutukan? Wa xla mapulanina titlawaka. Ampi wancho nixtachuna magchiya xwan la makgapitzin kgalhtutu magtakgananin liwka magchiya xwankgoy. ²⁰ Benaia xla Cabseel xkgawsa xwan Joiada; wa xla tliwkga chixku xwan lu katuwa tuku lagmagchiya xtlaway. Wa xla tikamagnilh chatuy xlakgawasan Ariel wa xla Moab. Wa xla natitaktalh nak xputnan tawaxna cho timagnilh tantum lapanit laku akan xmikinama. ²¹ Wa xla natimagnilh chatum tlanka egipcio. Wa xla xkgalhiy kgatum lanza nak xmakan, ampi wa Benanía titalatlawalh ka kgatum tsatzu kiwi. Wa xla xla titlawalh tsatzu kiwi tiku xla xwan egipcio cho awan tikalimagnilh xlanza. ²² Benanía wa xkgawsa Joiada tlawalh katuwa, cho natilimapakwika niku xkamapakwikan kgalhtutu lakchixkuin tiku nixmakpuwankgoy. ²³ Wa xla lu magchiya xpuwnikan la makgapitsin puxamakaw magtakgalhna la xliputum, ampi nichuna xlitalakgapasa laku kgalhtutu magtakgalhna tiku lagmaxchiya xwankgoy. Ampi maski chuna cho, David tikamapulanilh tiku xmagtakgalhnankgoy. ²⁴ wa puxamakaw anta xtatanukgoy umakgolh lakchiuxkuin: Asael xtala Joab, Elhanán xkgawsa Dodo xalh nak Belen, ²⁵ Sama wa harodita, Elica wa harodita, ²⁶ Heles wa palpatita, Ira xkawsa Iques wa tecoita, ²⁷ Abiezer wa anatotita, Mebunai wa husatita, ²⁸ Salmón wa Ahohita, Maharai wa netofatita; ²⁹ Heleb xkgawsa Baana wa netofatita, Itai xkgawsa Ribai xalh nak guibeá xla benjamitas, ³⁰ Benaía wa piratonita, Hidai xalh nak xakaxtuminka xla Gaas, ³¹ Abi Albón wa arbatita, Azmavet wa barhumita, ³² Ahiam, xkgawsa Sarar wa ararita, ³³ Elifelet xkgawsa ahasbai wa maaca, Eliam xkgawsa Ahitofel wa gilonita, ³⁴ Elifelet xkgawsa ahasbai wa maaca, Eliam xkgawsa Ahitofel wa gilonita, ³⁵ Hesraí wa carmelita, Paarai wa arbita, ³⁶ Igai xkgawsa Natán xalh nak Soba, Bani xal nak xlitalakgapasni xla Gad, ³⁷ Selec wa amonita, Naharai wa beherotita, xskuderos xla Joab xkgawsa Sarvia, ³⁸ Ira wa itrita, Gared wa itrita, ³⁹ Urías wa hitita- puxumkutujun xliputum.