¹ Tianalh snun tatsinkstat nak xkiltamaku David akgtutu kata tunkan, cho David tiputsalh xlakan PUCHINA. Chuna cho PUCHINA tiwa: “wa uyma snun tatsinskstat tu lagminitan wa xpalkata Saul cho xlitalilakgapasni makgnin´nin xpalkata ampi wa ti kawalilh Gabaonitas nak linin”. ² Wa Gabaonitas ni anta xalh nak kachikin xla Israel; wa xlakan xwankgoy tki xakgataxtukgonit xla Amorreos. Wa kachikin xla Israel xmalaknukgonit ampi ni kat kamagnekgolh xlakan, ampi wa Saul chunta xka magniputun xpalkata ampi xkgalhiniy takgostsankgan kachikin xla Israel cho Juda. ³ Chuna cho wa puxku David ti kamamaxtumilh gabaonitas cho kawanilh: “¿tunta kawa tlan nak tlaway mimpalkatakan? ¿nantla kawa tlan nak mapanuy talaglhinxpalkata ampi wixinin tlan naskulnatlawyatit xkachikin PUCHINA, wantinta mastay tatain xla bondades cho tamalaknun? ⁴ Wa gabaonitas kgalhtikgolh: “nikawa palh xapalkata plata o oro nak kilastipankan cho Saul cho xlitalilakgapasni. Nachuna ni lay kinin palh nak magniyaw tintlan chixku nak Israel”. David kgalhtinalh: “chunta tu wixinin naskinatit, wa kit nak tlaway mimpalkatakan”. ⁵ Wa xlakan kgalhtikgolh puxku: “ wa tinta xkinkamagniptunan ki pogtukan , wantinta kinkakgalhinin nitlan talkapastakni kinin, xpalkata ampi wancho kinin lawku ni tlan tatagsaw cho nituktsu kgalhiyaw putawilh nak xlagstipan xakgalhpayu xla Israel. ⁶ Kalkaskinti ampi kgalhtujun lakchixkuin ti xkilhtsukutkan kinin kakimkamkaxkikan cho kinin nak kachiwkayaw nak xlakatin PUCHINA nak guibeá xla Saul, wa xlalaksakni PUCHINA”. Chuna cho puxku wa: “aki nak kamkaxkiyan wixinin”. ⁷ Ampi wa puxku matsankgan´nilh Mefiboset, xgawsa Jonatan, xgawsa Saúl xpalkata tamalaknun xla PUCHINA nak xlagstipankan, wa David cho Jonatan xkgawsa Saúl. ⁸ Ampi wancho puxku katiyalh chatuy xlakgawasan Rizpa xtsumat Aja, kaman tuku xtakgalhinit Saúl—wa chatuy lakgawasan kawanika Armoni cho Mefiboset; cho David na katiyalh kgalhkitsis xkaman Mical xtsumat Saul tiku malkachinilh Adriel xkgawsa Barzilai wa maholatita. ⁹ Wa xla kamkamastalh nak xmakan gabaonitas. Wa xlakan ti kachiwkakgolh nak kakiwitna nak xlakatin PUCHINA, cho putum xkgatujunkan maxtum tinikgolh. Wa xlakan akan tikamagnika nak xkilhtamku tamkgalan, lu xlipulna kilhtamaku tamkgalan xla cebada. ¹⁰ Awan cho Rizpa, wa xtsumat Aja, tiyalh lhakgat tu yalh tlan cho man xakstu lag stongli nak kakiwin nak xpaxtun xtiyat liwat xa nin, la akan tsukulh tamkgalan cho sen taktacha nak akgapun cho katawkancha. Wa xla puskat nilakaskilh wa patogtog xla akgapun nakasokgali tiyat liwat laku xa kakwini cho palh takhalhin xa lak luku la katsisni. ¹¹ Ti wanika Davis tuku Rispa, tsumat Aja, xpuskat kskujni Saul, tlawanit. ¹² Chuna cho David alh cho tiyalh xlukut Saul cho xlukut Jonatan, xkgawas, xlakchixkuin Jabes xla Galaad, tiku xkamaxkgalhankanit niku kstanankan xla Bet-San, ninta wa filisteos xkachiwkakgonit awan la wa filisteos xmagnikgonit Saul nak Gilboa. ¹³ Chuna cho David tialh cho titiyalh xlukut Saúl cho xlukut Jonatan xkgawsa, cho xlakan maxtum tlawkgolh xlukutkan kgalhtujun lakchixkuin wantinta nax kachiwakaknit. ¹⁴ Wa xlakan maknukgolh xlukut Saul cho Jonatan, xkgawsa, anta nak xtiyat xla Benjamin nak Zela, nak xputaknun Cis, xtlat. Wa xlakan tlawkgolh pogtu wantu puxku lamapagsinalh. Awan la akan wa Dios xkgalhtin´nit xoracioneskan xpalkata tiyat. ¹⁵ Chunacho wa filisteos sasti titalatlawpalkgolh Israel. Chuna cho David tikatataktalh xmagtakgalhnanin cho katalatlawalh filisteos. David lu titlagwalh xpalkata tatalatlaw. ¹⁶ Isbi Benob, chatum xlakaskut xa lak tlanka, wa xlanza xla bronce xtzinkasa akgtutuciento siclos, cho tinta xlin xa sasti spada, xmagniptulh David. ¹⁷ Ampi wancho Abisai, xkgawsa Sarvia, lagmaxtulh David, lakatawkalh filisteo cho magnilh. Awan cho wa xlakchixkuin David malaknunkgolh, wanikgolh: “yalh lakxtum tikinkatapna nak tatalatlaw xpalkata ampi ni namamxiya xmakgskgot Israel”. ¹⁸ Tilalh cho awan la uyma, titawlapa amagtum tatalatlaw xla filisteos nak Gob, akan Sibecai wa husatita makgnilh Saf, wantinta xkilhtsukut xwan Refaim. ¹⁹ Tilpa amagtum anta nak tatalatlaw xla filisteos nak Gob, Elhanán xkgawsa Jaare Oregim wa betlemita, magnilh Goliat wa geteo, wa xkiwi xkinkaswiknit natla xtachuna xlikinkaslagja xlitsapan wanti xlakatsapanan. ²⁰ Tilpa cho nak akgtum tatalatlaw nak Gat xwi chatum chixku tiku lu tsinka xwan xkgalhiy akgchaxan laktsu xmakan nak xmakan cho akgchaxan laktsu xmakan la akgatnu xtuwan, puxumtati nak taputlekeng. Wa xla na anta nak Refaim xmininch. ²¹ Akan wa ti likgalhkgamanalh Israwl, Jonatan xkgawsa Simea xtala David, ti magnilh. ²² Wa uymakgolh wa xkilhtsukutkan xwan Refaim xla Gat, cho xlakan xmakan David tikalimagnika cho xmakan xmagtakgalhnanin.