¹ Natilalh cho anta, antiya lakatuma tiyma, xwi chatum aglhuwatna tuku xwanikan Seba, xkgawsa Bicri, chatum benjamita. Wa makasanilh trompeta cho chuwinalh: “kinin nitu kgalhiyaw kilitaykan nak David, nani tu kgalhiyaw xtatain xla xkgawsa Isai. Kalakaskintit pogtu chixku nataspita nak xchik, Israel”. ² Chuna cho pogtu lakchixkuin xla Israel akgxtagmikgolh David cho wa stalgnikgolh Seba, xkgawsa Bicri. Ampi wancho xlakchikuin Juda lakatzu stanikgolh xpuxkukan, xlipogtu tiji, tzukukgocha nak Jordan cho lakaplhkgolh nak Jerusalén. ³ Akan wa David lakaplhli nak xtlanka chiki, anta nak Jerusalen, wa xla katiyalh kgalhkaw xlapuskatna kskujnin wantinta xkamamagtakgalhnima tlanka chiki cho tikawalilh nak akgtum chiki tuku kskgalamaka. Wa xla xkamxkima xlitamawankan ampi yalhtu lakxtum tikatalhtatalh. Chuna cho xlakan tikalkgachinuka asta tchilh xlininkan, xtachuna latmakgolh la ti tanimkgan. ⁴ Chuna cho wa puxku ti wanilh Amasa: “kakatasani lakchixkuin xla Judá nakatatamaxtumiyan a akgtutu kilhtamaku, na anta wix militawlat”. ⁵ Chuna cho wa Amasa ti alh katasaniy lakchixkuin xla Judá laku natamakxtumikgoy ampi wancho xla tlag makgas titamkgaxtagli lantla xwannit wa puxku xlimapagsinit. ⁶ Chuna cho David wanilh Abisai: “lawku cho Seba xkgawsa Bicri liwka litlawat nakinkatlawayan lantla tlawalh Absalon. Kakatiya lakskujnin xla mi malana, ki makgtakgalhnanin cho ka akstalni o natagsa kachikin lakgtliwkgan cho natlalay nak kintalkawankan”. ⁷ Awancho wa xlakchixkuin Joab ti akstalnikgolh lakxtum tikatankgoy cereteos, cho pereteos cho pogtu xalagmaxchiya magtakgalhnanin. Wa xlakan timakgaxtagkgolh Jerusalen xpalkata tiakstalnikgolh Seba, xkgawsa Bicri. ⁸ Akan wa xlakan anta xwilhkgolh nak tlanka chiwix, anta wi nak Gabaón, amasa timilh katatanoglhli. Joab wa xlilhakgan´nit xlikan xla tatalatlaw, wantu klhakganit, wantu xtamin wa akgtum tampatawlan xlikilhpalhman xtampan tuku xtamin spada liwna xtamagchinit cho anta xchilin. Xlimagwa wa xtlawma lakatitum wa spada tamkgosli ⁹ Chuna cho, Joab wanilh Amasa: “¿tlan tatagsa, ki tapxnimat?” Joab lu liwna lakspalhnilh xkgalhchixit Amasa wa xmakan xpagstakat xpalkatata namusuy. ¹⁰ Amasa nitu ukxilhli xdaga Joab wantu xwi nak xmakan xpagxuki. Wa lakglhukilh Amasa nak xpokgo cho wa xpaluwa tamkgankgolh nak katyatna. Joab nitu masipanilh amagtum, cho Amasa nilh. Chuna cho Joab cho Abisai, xtala, akstalnikgolh Seba, xkgawsa Bicri. ¹¹ Chuna cho, chatum xchixku Joab tayalh nak xpaxtun Amasa cho chixku wa: “wantinta wa tatayniy Joab, wantinta wa tatayniy David, kalkaskintit nastalniy Joab”. ¹² Amasa anta titatamil´li nak xkgalhni nak xpunan tiji. Akan wa chixku ukxilhli ampi putum tachixkuitat kaks tayalh, wa xla kukalih Amasa la nak xpunan tiji cho lilh nak xpulakli kasakgatna. Wa xla makalh xlakgat nak xlakni xpalakata ampi wa ukxilhli ampi putum tiku titaxtulh lakatsu nin kaks tayalh. ¹³ Awan cho akan la Amasa timapanuka nak tiji putum lakchixkuin stalnikgolh Joab tiku akstalnikgolh Seba, xkgawsa Bicri. ¹⁴ Seba titum tititaxtulh la putum xlitalakgapasni xla Israel lakaplhli nak Abel xla Bet Maaca, cho titaxtukgolh la nak xtiyatkat bicritas, tiku na tikatatamxtumikgolh cho ti akstalnikgolh Seba. ¹⁵ wa xlakan mataxtuk´kgolh cho stalwalikgolh nak Abel xla Bet Maaca. Wa xlakan tlawkgolh titzu patsaps tuku listatalwalikgolh tuku xlilkatawkaptunkgoy kachikin. Putum magtakgalhnanin tiku xtatagskgoy Joab lakgakgaxilh patsaps xpalkata xmagpuspitputum. ¹⁶ Chuna cho, chatum puskat skgal´la palha chuwinalh nak xkiltin kachikin: “¡kakgaxpat´ti, katlawa litlan, kakgaxpat´ti Joab! ¡katat lakatzu kalilagtat xpalkata tlan nak xakgatliyan!” ¹⁷ Chuna cho xla Joab lagtalkatzuwilh cho puskat wanilh: “¿awix Joab?” wa xla kgalhtilh: “akit”. Wancho puskat wanilh: “kakgaxpat´ti xtachuwin miskujni”. Wa xla kgalhtinalh: “kgaxmatma”. ¹⁸ Wancho xla puskat chuwinalh: “wa xlakan noma xwankgoy makgasa kilhtamaku: ´xa magtum palh wa putsama xtastakyaw Abel, ´cho wa tiyma tastakyaw xmakgalhsputulh tiyma takglhuwit. ¹⁹ Kinin akgtum kachikin ti lu ni xa akglhuwatna chol u xha akgstitum xla Israel. Wix lakshtlawputna akgtum kachikin tiku litaxtuy la chatum tzi nak Israel. ¿chiwna kua wix waputuna xtatain xla PUCHINA?” ²⁰ Wancho Joab kgalhtilh cho wanilh: “makgat ka kintatagsnilh, makgat ka kintatagsnilh kit nak waptum o naklaktlawputun”. ²¹ Wa tiyma ni xaxlikana. Ampi chatum chixku xalh nak kakiwitna xla Efrain, xwanikan Seba, xkgawsa Bicri, matankinilh xmakan laku natalatlaway, cho David natalatlaway. Lu xman wa kamkamxki cho kit naktaxtutakiy nak kachikin. Wa puskat wanilh Joab: “wa xakgxekga wix namkatnikana anta nak patzaps”. ²² Wancho puskat tikalinilh xliakstakan putum kachikin. Wa xlakan ti chukunkgolh xakgxekga Seba, xkgawsa Bicri, cho timkankgolh kilhtin Joab. Wancho xla makasanilh trompeta cho putum xlakchixkuitat Joan timkgaxtagkgolh kachikin, chatunu chixku nak xchik. Cho Joab titapuspitli nak Jerusalen nak xpuxku. ²³ Lawku cho Joab xmapagsiy xmagtakgananin xla Israel cho Benaia, xkgawsa Joiada xkamapagsiy cereteos cho peleteos. ²⁴ Adoram wa xlakgaya tachixkuitat tiku xlawakgoy taskujut xa akgtliwkga cho Josafat, xkgawsa Ahilud xlakgtsogkina xla tuku xlama xwen. ²⁵ Seva makgatsogna xwen cho Sadoc cho Abiatar xpalkachuwina Dios xwankgoy. ²⁶ Ira wa Jaireo wa xha puxku xwen xpuxku kskujni xla David.