¹ Wa Joab ti wanika: “kaukxilhti, wa puxku tasama cho laglipuwma Absalón”. ² Chuna cho tiyma tatlagan tiyma kilhtamku ka tilipuwkgokga xlipogtu magtakgalhnanin, wa magtakgalhnanin tikgamatkgolh tiyma kilhtamaku:“ Wa puxku talipuwaninit xpalakata xkgawasa”. ³ Wa magtakgananin tseg ti tsalkgolh nak kachikin tiyma kilhtamaku, xtachuna la tachixkuitat tiku maxankgoy cho tsalkgoy akan kgosnankgoy nak putatalatlaw. ⁴ Wa puxku timatsegli xlakan y palha chuwinalh: “wa kinkgawsa Absalon, Absalon, kinkgawsa, kinkgawsa!”. ⁵ Awan cho Joab titanulh nak chiki ninta xtatagsa puxku cho wanilh: “lawku wix lu mamaxni pogtu xlakankan pogtu mi magtakgalhna tinta lagmaxtukgolh mi latamat cho xlatamat mi lakgawasan cho xla milaktzumagan cho xlatamat mi lakpuskatna cho xlatamat mi lakpuskatna ti ka skugnankgoyan. ⁶ Tu xpalakata wix kapaxkiya tinta sitzinkgoyan cho wix makgastsikgoyan tinta paxkikgoyan. Lawku wix chuna limasiyu ampi wa tixlakgapulnamakgolh cho magtakgalhnanin nituktzu xlakgasi mialakata. Lawku kit kpastaka palpi wa Absalon xlatamalh cho pogtu kinin xakniw wancho wix lu xlakgati. ⁷ Lawku cho kataya cho kataxtu kilhtin cho liwna ka kaxkgatli mi maktakgalhna klimalaknunyan Wa PUCHINA ampi palpi nikatpit ni chatum chixku kat tatatxkgon uma katsisni. Wa uyma liwka nitlan milpalkata la xlipogtu tunta niotlan akgspulanitan la kgawsaku xwana cho lanchiyu kilhtamaku”. ⁸ Chuna cho puxku tayalh y tawlalh nak xmalakcha kachikincho kawanika pogtu lakchixkuin: “kaukxilhtit, wa puxku anta wi nak malakcha”. Awancho pogtu kachikin milh nak xlakatin puxku, ampi wancho Israel tsalalh chatunu chixku alh nak xchik. ⁹ Pogtu kachikin xlatalatlawmakgolh, chatnu chatnu xlawnimakgolh, la xlagstipan xlipogtu xlitalakgapasni xla Israel, xkilhwamakgolh: “ wa puxku kinkalagmaxtun nak xmakan kintalatlawnakan. Wa kinkalagmaxtun nak xmakan filisteos, ampi lawku cho tsaltakin nak kachikin xpalakata Absalón. ¹⁰ Cho Absalón, ti kinin xaklaksaknitaw, nilh nak putalatlaw. Chuna cho, ¿chiwna kua kin ni wa lixwinmaw xpalakata nantla taln namapuspitpalyaw puxku?” ¹¹ Wa puxku David malkgachalh Sadoc cho Abiatar wa palkachuwinanin, wankgolh: “kakaxkgatlitit lagkgolun xla Juda kakawaitit: ´¿chiwna kua wixinin lu awna litantit mi puxkukan nak tlanka xchik, akxni wa xtakgalhchuwinkan pogtu Israel tatayniy puxku xpalakata tlan nalitampalyatit nak tlanka xchik?´ ¹² Wixinin kinatalan, ki tiyat liway cho ki lukut. ¿chiwna chinkua lu awna mapuspit´tit puxku?´ ¹³ Cho kawni Amasa: ´¿ani wix ki tiyat liway cho ki lukut? Chuna kakintlawalh Dios, o liwka, palpi ni wix kat lakapuxkun´ni ki magtakgananin lawku cho tu mimacha kilhtamaku xlagxokgo Joab”. ¹⁴ Cho wa ti tlagalh xlistakna pogtu xlakchixkuin Judá, la chatum chixku, chuna cho xlakan malkgachakgolh puxku, wankgolh: “wix katapuspit´ti cho pogtu milakchixkuin”. ¹⁵ Chuna cho puxku tapuspit´li cho milh nak Jordan cho lakchixkuin minkgolh nak Gilgal xpalkata nak ankgoy tatanoglhkgoy puxku cho namagtakgalhlinkgo nak xha akgalhpatu Jordan. ¹⁶ Simei, xkgawsa Gera, wa benjamita, ti xla xwan Bahurim, katatyu lakapalalh lakchixkuinnxla juda xpalakata na akgoy tatanoglhkgoy puxku David. ¹⁷ Xkatata´tagsa agtum milh lakchixkuin xla Benjamin cho Siba ksukujni Saúl cho kgalhkukitsis xkaman cho kgapuxam kskujunin xtatatagskgoy.wa xlakan akglhtampuskgolh Jordan nak xtakatinpuxku. ¹⁸ Akgtampuskgolh xpalakata ampi nakatiykan putum xlitalilakgapasni puxku cho xpalakata ampi wa napastaknikan ampi tlan likatsiy. Simei, xkgawsa Gera, lagtakilhputalh nak xlakatin puxku lu akan yax tzukukgoy titaxtukgoy nak Jordan. ¹⁹ Simei wanilh puxku: “nikinkuenta kakilkapastakni ki malana o kakimalkapastaka wantunta mi skujni chunlikatsiy tlaway tiyma kilhtamaku akan wa ki malakana wa puxku makgaxtagli Jerusalén. Katlawa litlan, wa puxku ni kalilh nak xlistakna. ²⁰ Wa mi skujni katziy ampi kit kmaglajlhin´nit. Kaukxilhti, wacha kit klimilh uynu uma kiltamaku laku xlipulna xlipogtu xlitalilakgapasni xla José ti milh tatanpoglha ki malana, wa puxku”. ²¹ Ampi wa Abisai, xkgawsa Sarvia, kgalhtilh cho wanilh: “¿ani xlitamagnit Simei xpalkata uma, xpalkata mawkanilh tuku nitlan xtalaksakni xla PUCHINA?” ²² Wancho David tiwa: “¿ tunta cho kit klalinagtanuyan, xkaman Sarvia,lampi lanchiyu cho wixinan kakitalatlawna nawnatit kimpalkata! ¿awikawa chixku tiku namgnikan lanchiyu nak Israel! ¿akit nikua ktikatzilh amoi kit lawku xouxku Israel! ²³ Chuna cho wa puxku wanilh Simei: “nikatnit”. Chuna cho puxku li malaknunilh la agtum tamalaknun. ²⁴ Awan cho Mefiboset, xkgawsa Saúl, timchaq tatanoglha puxku. Nitu matantunulh xtuwan nitu sitli xkgalhchixit nitu chakgalh klhakgat hasta akana la ti alh puxku hasta akan kilhtamaku agtsiyalh ti taspitli nak xchik. ²⁵ Chuna cho, akan timilh nak jesuralen tatanoglha puxku, wa puxku ti wanilh: “¿tu xpalakata nikintapit, Mefiboset?” ²⁶ Wa xla kakgalhtilh: “ki malana wa puxku, wa ki skujni ki akgskgawmilh ; noyma kua: ´kama kgatlapay tatum axnu xpalkata nakgtawalay cho naktatyu an puxku wa miskujni ni lay tlawan´. ²⁷ Ki skujni Siba ni latlan kilichuwinalh nak xlakatin ki malana wa puxku. Ampi wancho ki malana, wa puxku, xtaxna la chatum ángel xla Dios. Xlimagwa, katlawa tu xa tlan nak xlakatim milkgastapu. ²⁸ Xlipogtu xchik kintlat xanin xwankgoy lakchixkuin nka xlakatin ki malana, wa puxku, ampi wancho wix anta lakxtum katawli miskujni wantinta waykgoy nak mi mesa. ¿tuku limpagsin cho kit kgalhiy xpalakata chunku nak skiniy puxku?” ²⁹ Awancho wa puxku wanilh: “¿tuxpalakata chunku liwka na makgatagsnin´na? Chunta kpastakli ampi wa Siba cho wix nalamapaptzinyatit katiyatni “. ³⁰ Chuna cho, Mefiboset kgalhtilh puxku: “tlan, kalkasni wa katiyalh pogtu xpalakata apmi wa ki malana wa puxku tlan taspitli nak xchik”. ³¹ Awancho Barzilai, wa galaadita, mincha nak Rogelim xpalakata ampi laxtum xtitaxtuptun nak Jordan wa puxku cho lakxtum titaxtulh nak Jordan. ³² Wancho Barzilai luta kgolhtzin xwan xtatipuxam kata xkgalhi. Wa ti makukanilh puxku lhuwa liwat, xlimagwa nak Mahanaim titawi, xpalkata ampi wa matamkuna chixku xwan. ³³ Wa puxku wanilh Barzilai: “kakilagtat cho kit nak maxkiyan liwat xpalkata ampi anta nakintatawlaya nak Jerusalen”. ³⁴ Barzilai kgatilh puxku: “ ¿ani akglit kilhtamaku ki akgataxtuniy la xliputum kinkata nak ki latamat laku tlan nak tatawkay puxku nak Jerusalén? ³⁵ Akit kgalhiy tatipuxám kata. ¿tlan kukxilha tu xa tlan cho tu ni xa tlan? ¿tlan miskujni kgalhwanan wantu kway cho tu klikgotnan? ¿taln kgaxmata xtaxwinkan lakchikuin cho lakpuskana ti tlikgoy? ¿chiwna chinkua miskujni ka la akgutum takukan nawan xpalakata ki malana wa puxku? ³⁶ Wa miskujni xmanwa xlakgatilh palh xta´alh, xtita´taxtulh nak Jordan wa puxku. ¿chiwna kua wa puxku nakililagxokgonit tlan talkgalhaman? ³⁷ Katlawa litlan, kalkaskin ampi wa miskujni kataspitpa nak xchik, xpalakata ampi tlan anta nak niy nak kinkachikin, nak xpaxtun ninta taknunit kintlat cho kintzi. Ampi kaukxilhti, unu wi miskujni Quimam. Wa katatitaxtulh ki malana, wa puxku, cho katlawalh xpalakata tunta tlan pastaka wix”. ³⁸ Wa puxku kgalhtinalh: “Quimam nakintan cho naktlaway xpalakata tunt atlan mimpalakata cho tunta lakaskina kimpalkata wa kit nak tlaway mimpalkata”. ³⁹ Awan cho putum tachixkuitat titaxtukgolh waz Jordan, cho putuxku titaxtulh, cho puxku musulh nak xkiltun wa Barzilai cho skulnatlawalh. Awancho Barzilai taspitli nak xchik. ⁴⁰ Chuna cho wa puxku alh nak Gilgal cho Quimam wa titatuxtulh. Putum xmagtakgalhnanin xla Juda limnilh puxku cho xawa itat xmagtakgalhnanin xla Israel. ⁴¹ Lu tunkan putum tsukukgolh lagminkgoy tachixkuitat puxku cho xwanimakgolh: “¿chiwna kinatalankan, xtachixkuitat Juda, magkgalhankgon cho limkgolh puxku cho xlitalilakgapasni nak Jordan cho putum xlakchixkuin David?” ⁴² Chunacho, wa xlakchixkuin Juda kakgalhtikgolh xtachixkuitat Israel: “wa xpalakata ampi wa puxku lu kinkatalalinan kinin. ¿chiwna cho wixinin ni tlan katsiyakat uyma? ¿wanitaw tuku wa puxku wa li xokgolh? ¿akinkamxkinitan akgtum talkgalaman kinin?” ⁴³ Wa xlakchixkuin Israel kakgalhtigolh xlakchixkuin Juda: “kgalhiyaw akgkaw xlitalakgapasni tiku xtachuwinankgoy puxku, chuna cho tlag tlan xtakgalhchuwinanaw puxku la wixinin. ¿chiwna cho wixinin kinkalagmakgnatit? ¿ani kinin kwanitaw naklimpalyaw puxku wantu xa pulna kgaxmatka?” ampi wancho xtachuwin lakchixkuin xla Juda tlag lakgtliwkgan la xtachuwin xlakchixkuin xla Israel.