¹ David kgaputlakgalh makgtakgalhnanin wanti xtawilakgolh, na kgawililh xalaknapuxkun akglhuwa milh chu xalaknapuxkun akgatnu ciento makgtakgalhnanin. ² Awen, David kamalakgachalh makgtakgalhnanin, akgtum la pulaktutu lakgayawaka namapeksiy Joab, apuaktu la pulaktutu lakgayawakga namapeksiy Abisai xkgawasa Sarvia, xtala kgawasa Joab, chu akgtum la pulaktutu lakgayawaka namapeksiy Itai wa geteo. Wa puxku wanilh makgtakgalhnanin: “Luxlikgana kit naktanan. ³ Wampi wa lakchixkuwin wankgolh: Wix ni milipinat nak putalatlaw, Palapi kinin nak tsalayaw, wa xlakgan nitu katipuwankgolh, chu pala kinin itat nak niyaw, wa xlakgan nitu katipuwankgolh. Wampi wa wix xtapalh akgkaw milh la kinin! Xlimakgwa, wata xatlan, wix skgalalh katawila la nakinkgamakgtayaya anta niku wila kachikin. ⁴ Chuna nchu puxku kgalhtilh: “Kit nak tlaway tuku tlak tlan mimpalakgatakan. Wa puxku tayalh nak xa malakcha kachikin xlimakgwa putum makgtakgalhnanin xtaxtumakgolh akgatnu ciento chu akgatunu milh. ⁵ Wa puxku mapaksilh Joab, Abisai, chu Itai xkilhwamakgolh: “tlan naliktsiniyatit ama kgawasa Absalón, ka kimpalakgata. “Putum kachikin kgaxmatli mpi wa puxku limapeksinalh uma xpalkgata Absalón. ⁶ Chuna ncho makgtakgalhnanin taxtukgolh ankolh talatlawakgoy Israel; wa tatalatlaw kichalh anta xa kakiwin Efraín. ⁷ Wa xmakgtakgalhnanin Israel tatlajekgolh nak xlakgatinkan xtropasna David; anta titawi tlanka talamaknin tima kilhtamaku, akpuxum milh lakchixkuwin nikgolh. ⁸ Wa talatalatlaw kichalh xli katlankga kakiwin, chu lhuwa lakchixkuwin kamalaksputulh kakiwin la nkamalaksputulh spada. ⁹ Absalón akspulalh pi kamanokglhulh makgapitsin xtropas David. Absalón xkgawi xkawayu chu xtitampitaxtuma xpekgen tlanka kiwi kukat, chu xakchixit talakgnulh nak xpekgen kiwi. Anta takganutawakgalh Absalón nak xpekgen kiwi xlimakgwa xkawayu titsalhalh. ¹⁰ Wi nchu tiku tiuxilhi uma, chu wanilh Joab, “¡Kawxilhti, kit kukxilhi Absalón xakganuwakga nak kiwi xla kukat!´´ ¹¹ Joab tiwanilh chixku tiku lixakgatlilg xla Absalón, “¡ Wix ukxilhti! ¿Tuxpalakgata ni akgtum makgni chu xtamakgakti nak tiyat? Kit xakmaxkin akgkaw moneda xla plata chu kgantun tampatawelh. ¹² Wa chixku tikgalhtilh, Joab, “Nimpala maski xak makglhtinalh akgtum milh moneda xla plata chu nkgantum tampatawelh. Kit nixak matankilhlh ki makgan nixaktalatlawalh xkgawasa puxku, xpalakgata putum kinin kgaxmatwiw akan wa puxku wix limapekgsin, chu Abisai, chu Itai, xkilhwama, ´Nitiktsu lay ka tixamalh ama kgawasa Absalón.´ ¹³ Palapi kiy xak limakgamastalh kilatamat wantu nixatlan (chu nituktsu tatsekgnit nak xlakgatin puxku), wix xkilimakgaxtakgti.” ¹⁴ Wanchu Joab wa: “Kit yalhtu kgalhkgalhiy mimpalakgata.” Chuna nchu Joab tiyalh kgantutu jabalinas nak xmakgan na lilakglhukinilh xlistakna Absalón xlimakgwa kstaknamaku la xakganuwaka nak kukat. ¹⁵ Chuna nchu, kgalhkaw lakgawasan tiku xkukakgonit xtamakgnu Joab stilwalikgolh Absalón, chu akgtum makgnikgolh ¹⁶ Chu Joab mamakgasanilh xtrompeta na taspikgolh makgtakgalhnanin la xakstalanimakgo Israel, wa Joab kamalakgachokgolh makgtakgalhnanin. ¹⁷ Wa xla´kan tiyakgolh Absalón, majukgolh nak akgtum tlanka tapuwaxni anta nakakiwin; majnukgolh xtiyat liwa nakxtampin lhuwa chiwix, xlimakgwa putum Israel xtsalamakgolh chatunu lakchixkuwin ankgolh nak xputawelhkan. ¹⁸ Wa Absalón, xlimakgwa xastakna xla´ma, xmakaxtlawinanit kgantum talyaw xla chiwix nak xa kaxtum, nak xla puxku, wa xla tiwa: “Kit nitu kgalhiy chatum kinkgawasa tiku tlan xlihl kintakiwiní. “Wa xla limapakuwilh talyaw watia xtakuwini, chuna nchu li tapakuwiy “Xlilakgapastakgan Absalón” chunaku litalakgapasa linchiyu kilhtamakú. ¹⁹ Wanchu Ahimaas, xkgawasa Sadoc wa: “Kakimalakgacha lawku naklakgosnan puxku xla tlan tamakgatsinin laku WA PUCHINÁ lakmaxtunit nak xmakgan xtalatlawananin. ²⁰ Joab kgalhtilh: “Ni wix katilipi ama tamakgakgatsinin lanchiyu; wix tunuj majtum kilhtamaku natlawapalaya. Wa uma kilhtamaku ni wix katilipi uma tamakgatsinin xpalakgata wa xkgawasa puxku ay nilh.” ²¹ Awenchu, Joab wanilh cusita: “Kapit, kawani puxku tuku ukxilhti. “Wa cusita lakgtakilhputalh Joab chu kgosnalh. ²² Awenchu, Ahimaas xkgwasa Sadoc wanipa amakgtum Joab: “Chunta pala tuku nalay, katlawa litlan kimaxki talakaskin nakstalaniy cusita. “Joab kgalhtilh: “¿Tuxpalakgata wix kgosnamputuna, kgawasa, ukxilhpat pi wix nitu katimatlajikanti xpalakgata tamakgatsinin?” ²³ Chunta tuku nalay, “ tiwa Ahimaas: Kit nak kgosnan.” Chuna nchu Joab kgalhtilh: “Ka kgosnanti.” Chu Ahimaas kgosnalh nak tiji xla xakgaxtum timakgaxtakli cusita. ²⁴ Xlimakgwa wa David anta xlakaxtuwi nak xa malakcha kachikin la xlaktanukgan . Wa skgalna xtawakanit nak xakgstin malakcha na xlakgawanamacha. Xlimakgwa xlakgawanma, wa xla ukxilhli chatum chixku xtalakgatsuwima, xakstu xkgosnantila. ²⁵ Wa skgalaná palha chuwinalh na wanilh puxku. Awen nchu, puxku wa: “Pala pi wa xakstu wi, wi tamakgatsinin nak xkilhni. “Wa tiku xkgosnanit chilh lakgatsu na lu talakgatsuwilh kachikin. ²⁶ Wa skgalaná katsipa pi achatum chixku xkgosnampalanit, wa slkgalaná tasanilh ti kskgalay malakcha; xla wá: “Kawxhilhti, wi achatum chixku ti kgosnampalanit. “Wa puxku wa: “Wa xla nalimina tamakgatsinin.” ²⁷ Chuna nchu skgalaná, wa: “Kit kpastakga pi chuna la kgosnan titku pulanit, xtachuna la kgsonan Ahimaas xkgawasa Sadoc.” Wa puxku wa: “Wa xla ama chixku tlan xtayat na limima tlan tamakgatsinin.” ²⁸ Awen chu Ahimaas tasanilh na wanilh puxku: “¿Pokgtu tlan wi.?”chu xla takilhputalh nak xlakgatin puxku chu xlakgapun tokglhi katiyatna chu tiwa: “xataskulnatlawan wa PUCHINÁ mi Dios tiku kgalakgmaxtulh lakchixkuwin wanti tamakgayawnikgolh kimalaná, wa puxku.” ²⁹ Chuna nchu puxku kgalhtinalh: “ ¿Tlan tatakgsa kgawasa Absalón? Ahimaas kgalhtinalh: “Akxni Joab, xlakskujni puxku, kimalakgachannichan, puxku, kit kukxilhli tlanka takglhuwit wampi ni kukxilhli tu xlama. ³⁰ Wanchu puxku wa: “kataspitty na unu kataya.” Chu Ahimaas taspit´li nak xpaxtun, na kaks tayalh. ³¹ Lakgapala chilh cusita, wa: “ Wi tlan tamakgatsinin xla kimalaná, wa puxku, wa PUCHINÁ makgaxonalha uma kilhtamakú xli putum tiku xlakgatakinitan. ³² Awenchu, wa puxku wanilh cusita: “¿Tlan tatakgsa kgawasa Absalón? Wa cusita kgalhtinalh: “Wa xtalatlawananin kimalaná wa puxku, chu putum tiku nalakgatakiy natlawaniy tu nitlan, nachuna napatiyatit la tima kgawasa.” ³³ Wanchu puxku lu snun tilipuwa, chu alh nak pakxtu anta niku kilhtatá ni ma xwi xakgstin xmalakcha. Xlimakgwa xama, xlipuwama: “¡Kinkgawasa Absalón, kinkgawasa, kinkgawasa! ¡Tlaj tlan pala kit xak palakganin Absalón, kinkgawasa, kinkgawasa!”