¹ Alistalh Ahitofel wanilh Absalón: “Kakimaxki talakgaskin nak laksaka akgkutuy milh lakchixkuwin chu nak tawakgay nak akgstalaniy David lanchiyu kgatsisni. ² Kit naklakgmin xlimakgwa wa xla lu tlakgwanit chu luxaxlakgwani na nak lakgtaxtuyacha nak makgajlhey. Wa tachixkuwitat tiku tatatakgskgoy natsalakgoy chu kit nak lakgatawakgat puxku. ³ Kit nakgamaspitniyan putum tachixkuwitat, xtachunu la chatum taskin lakgmima xchixku, chu xputum kgachikin akgtsiya natawilay. ⁴ Wantu wa Ahitofel, lakgatilh Absalón chu putum lakgolun xalak Israel. ⁵ Awen nchu Absalón wa: “ Lawku na katasani Husai wa arquita, kinkgamaxki talakgaskin nakgaxmataw tuku nawan.” ⁶ Akxni Husai tilakgmilh Absalón, Absalón makgatakgsnilh Husai wantu Ahitofel xwanit, awenchu kgalskilh Husai: “ ¿Achunku kilitlawatkan wantu Ahitofel wanit? palapi ni chuna, kakinkgawa tuku lakgapastakga.” ⁷ Chuna nchu Husai wanilh Absalón: “Wa xtalakgapastakni Ahitofel tu mastanit, niwa xa tlan.” ⁸ Husai makliwakilh: “Wix kgatsiya pi mintlat chu xlakchixkuwin talatlawananin xa laktliwakgan, chu xla´kan sitsikgoy la tantum wana´ ti makgalhankga xlakgskgatan nak pukuxtu. Mintlat chatum chixku xla tatalatlaw; wa xla ni kat katalhtatalh xmakgtakgalhnanin lanchiyu katsisni. ⁹ Kawkxilhty, lawku tunkan, wa xla xa majtum tatsekjnit nak akgtum lhuku ó alakgatunung. Nalay nchu akxni makgapitsin milakchixkuwin aya kgamaknikanit nawan akxni nalaktsukuy tatalatlaw, wa tiku nakgaxmata, nawan, Áktum lamaknit kalilh talatlawananin tiku kstalanikgoy Absalón. ´ ¹⁰ Awen nchu talatlawananin ti laktliwkgan xwankgoy, xlistaknakan xwan xtachuna la xla lapnit, napekwankgoy xpalakgata putum Israel kgatsiy pi wa mintlat chatum chixku lu makgchiya, chu lakchixkuwin tiku tatakgskgoy lu lakgtliwankgan. ¹¹ Chuna cho kit kuaniyan pi putum Israel milimamakxtumit, tiku wilakgolh nak Dan chu nak Beerseba, luwa klhuwakgan xtachuna la arena tu wi nakxkilhtun pupuna, chu wix napina man napina nak putalatlaw. ¹² Alistalh kinin nak lakgchanaw xa nikawa natataksa, akinan nak lakgtanuyaw xtachuna la monkgana tamayacha nak kgatiyatna. Nimpala chatum ktimakgaxtajwiw xlakchixkuwin xastakna, nimpala wa xa, xastakna . ¹³ Palapi wa na an lakgatunung kgachikin, alistalh putum kachikin Israel nalimimkgoy lak chachu tasiw anta tima kachikin chu kinin nakxwatalinaw nak chuchut, akanku yalhtu nawen nimpal aktum aktsu chiwix anta.” Alistalh Absalón chu lakchixkuwin xalak Israel wankgolh: ¹⁴ Wa xtastakyaw Husai wa arquita wata tlak tlan la xla Ahitofel.” WA PUCHINÁ xlamapakgsinanit natalakgmakgan tu xa tlan tasyakyaw xla Ahitofel xpalakgata naliminikan tamasputun, Absalón. ¹⁵ Alistalh Husai kgawanilh palakgachuwinanin, Sadoc chu Abiatar: “ Ahitofel tistakyawalh Absalón chu lakgolun xalak Israel, chuna, chuna kgawanilh, wampi kit tununkg kgawaninitan: ¹⁶ Wanchu lanchiyu,kapit lakgapala wanya David; kawani xla, ´Ni natilakgtanwiya lanchiyu katsisní anta nak xakgaxtun nak Arabá, wampi putum katikgalhpatakutty, ó wa puxku nakgotwakan chu xliputum tachixkuwitat tiku talamakgolh.”´ ¹⁷ Chu Jonatán chu Ahimaas anta xtawilakgoy nak chuchut xla taxtuna (manantial) nak En- Rogel. Chatum lakskujni tiku naán kamakgatsiniy tuku xlakgan xlakgaskinkgoy nakgatsikgoy, wa xlkgan amakgolh nilay xtalakgatsuwikgoy pala nakgawxilhkan tanumakgolh nakgachikin. Akxni chilh tachiwin, tunkgan xli anatkan chu nawanikgoy puxku David. ¹⁸ Wampi chatum kgawasa kawkxilhli tima, tiwanilh Absalón. Chuna nchu Jonatán chu Ahimaas lakapala ti ankgolh na lakgaplhkgolh nak xchik chatum chixku nak Bahurim tiku xkgalhiy akgtum tapuwaxna nak xkilhtin, anta tajukgolh nak xpulakni tapuwaxna. ¹⁹ Wa xpuskat chixku tiyalh xlitakgchuw tapuwaxna na makgalgchuwalh na kgalhxpuyuwakgalh trigo, chuna nchu nitiktsu kgatsilh pala wa Jonatán chu Ahimaas xtajumakgolh nak tapuwaxna. ²⁰ Wa xlakchixkuwin Absalón lakminkgolh puskat ti nak xchik, wanikgolh: ¿Ninta wilakgolh Ahimaas chu Jonatán? “ Wa puskat ka wanilh timakgolh:” Wa xlakgan titaxtukgolh nak chuchut. “ xlakgan kaputsakgolh wampi nikgatsakjska. Chu taspitpalakgolh nak Jerusalén ²¹ Tilalh alistalh akan xankgonita lakchixkuwin, Jonatán chu Ahimaas takutkgocha nak tapuwaxna. Wa xlakan ankgolh makgatsinikgoy puxku, David; wa xlakan wanikgolh: kataya katipunataxyu lakgapala chuchut xpalakgata Ahitofel limapekgsinanit nakalakgatawakakanatit.” ²² Chu David tawakgalh chu putum tachixkuwitat tiku xtalamakgolh, chu xlakgan titaxtukgolh nak Jordán. Akan kaxkgakgalh tsisa nitu chatum pala yaxtitaxtuy Jordán. ²³ Axni Ahitofel ukxilhli pi wa xlimapekgsin ni lakgachixkuwikgolh, xla kgatlapalh x axnu chu alh. Wa xla alh nak xchik, nak xkgachikin, lakgaxwalilh xchik, na xakstu tapixchitawakgalh. Chuna noma tinilh anta maknukga niku xaknu xtlat. ²⁴ Awen milh David nak Mahanaim. Akan, wa Absalón, titaxtulh nak Jordán, wa, chu putum lakchixkuwin xalak Israel. ²⁵ Absalón mapuxkuwilh Amasa xlakgatin chu mapanuulh Joab, Amasa xkgawasa xwan Itra wa ismaelita, tiku xtalhtatanit Abigail, wa tiku xtsumat xwen Nahas na xtala tsumat xwan Sarvia, wa xtsi Joab. ²⁶ Wanchu Absalón chu Israel tilhtatakgolh nak xa tiyat Galaad. ²⁷ Tilhalh nchu pi akgan David xchinita nak Mahanaim, mpi wa Sobi xkgawasa Nahas xalh nak Rabá xla amonitas, chu Maquir xkgawasa Amiel xal nak Lodebar, chu Barzilai wa Galaadita xal Rogelim, ²⁸ Limilh putama tu pulhtatakgan chu tujmit, puway,pukgotnu, xtaltsi trigo, xaskawawa taltsi, stapu ²⁹ Sakgsi cera, tu litsilinakan, kgalhnilu, queso, chuna chi David natawayankgoy tachixkuwit, Wa umakgolh tachixkuwitat tiwankgolh: wa tachixkuwitat tsikgsmakgolh, na tlakgwankgonit na kgalhputimakgolh nak xa kgaskagni tiyat”