¹ Joab xkgawasa Sarvia makglhkatsilh mpi wa xlistakgna puxku lu xukxilhputun Absalón. ² Chuna nchu Joab malakgachanalh tachiwin nak Tecoa chu matasaninalh chatum puskat xaskgalala xlakgatin. Chuna wanilh: kskiniyan litlan katasiyu kani pala lipuwampat chu kalhakga lhakgat xla limaxkgen. Katlawa litlan nikgalitlawakanti aceite, katasiyu xtachuna la chatum puskat ti makgasa lipuwama xpalakgata tiku tinilh. ³ Chu kapit niku wi puxku kalixakgatli lantla kuanin.” Chuna nchu Joab wanilh tachiwin tu xla nalixhakgatliy puxku. ⁴ Akxni wa puskat xalak Tecoa xakgatlilh puxku, wa xla lakgtakilhputalh lakgtatsokgostalh katujtsu, wanilh: “Kakimakgtaya puxku.” ⁵ Wa puxku kalhtilh puskat: “¿Tuku akgspulayan?” puskat kgalhtinalh:” Lu xlikana akit tanimkga wa kinchixku nilh. ⁶ Akit puskat miskujni xakgalhiy chatuy kilakgawasan wa xlakán latalatlawakgolh kakiwin nity tiku kamamakxtakgalh. Chatum walinilh achatum chu makgnilh. ⁷ Xlipaks akgtum chiki kitalatlawamakgolh Chu kiwanimakgolh: kamakgamasta chixku ti makgnilh xtala lakimpi nak makgniyaw chuna la makgnilh xtala. Chuna masputunkgoy kintalilakgapasni. Mamixipuntotkgoy lhkuyat tu katamakgaxtakninit chu xapapuntonkgoy xtakuwini kinchixku nak katiyatna.´´´ ⁸ Chuna nchu wanilh puxku ama puskat: ´´Kapit nak minchik na kit naklimapaksnan tuku tlan naktlaway mimpalakgata.´´ ⁹ Puskat xalak Tecoa wanilh puxku, kimpuchiná puxku akit kakimawakani (kuenta) talakgalhin Chu kintalilakgapasni. Puxku xpumapakgsin ni linkgoy kuenta. ¹⁰ Wa puxku kgalhtinalh: “Wa pala tiku natalatlawaputunan ka kilitani wa xla talh katisokgalín. ¹¹ chunanchu ama puskat tiwa: kskiniyan litlan, puxku, kapastakti PUCHINÁ mi Dios lakimpi makgnina´ yalhti namakgniy, Chu ni namakgniy kinkgawasa, Ama puxku kgalhtilh Chu wanilh: kmalaknuniyan xlakgatin PUCHINÁ wanti wi xaliakgalhin. Ni pala kgantum xakchixit min kgawasa katitakgtalh katiyatna ¹² Chu puskat chuwinalh: katlawa litlan kamaxki talakaskin miskujni nawaniyan akgtum tachiwin, kimpuchina puxku. Xla wa: Kachuwinanty.” ¹³ Chuna nchu chuwilalh puskat: “ ¿Tuxpalakgata wix lakgapastakgpat tu tlawaniputuna xkgachikin Dios¿ Xpalakgata akan nawaniya uma puxku xtachuna pala wa laklikin kuenta. Wampi wa ya limin ni amaspita xkgwasa wanti xtamakaxtukanit. ¹⁴ Putum na niyaw xtachuna kinin la chuchut tapumakgan katiyatna na yalh lay sasty sakipalakan. Wampi wa Dios ni katimakglhtinalh latamat, xlamakgwa wa xla takgsa la tlaway xpalakgatakan wa timakgolh ti tikgatamakgaxtukgka xpalakgata pi nakamasastikan. ¹⁵ Lanchiyu chu, kukxilhma la kminit takgalhchuwinan kim puxku. Kaxpalakgata mpi wa kachikin kilimatsamnit tapekua. Chuna nchu miskujni chuwinalh xakstu: Nak takgalhchiwinan puxku lanchiyu. Tlan pala wa puxku natlaway tu nawan kskujni. ¹⁶ Wa puxku akit nakinkgaxmatniy. Lakimpi nakilakgmaxtuy kxmakan ama chixku ti kimakgniputun akit chu kinkgawasa, nak kimpulataman tu Dios kilakgalhamanit. ¹⁷ Wa miskujni puskat takgalhchuwinalh PUCHINÁ: “ PUCHINÁ, katlawa litlan ka masta talakaskin xpalakgata wa xtachiwin kimalaná wa puxku xkimaxkilh tajtsiyajni xpalakgata la chatum x Ángel Dios xtachuna kimalaná, wa puxku lakgapasa wantu xatlan chu wantu ni xa tlan. Wa PUCHINÁ Dios anta katatatakgsnin.” ¹⁸ Chuna nchu kgalhtilh puxku ama puskat: katlawa litlan nituktsu nakinkgalhtatsekniya tu nakgalhskinan.” Wa puskat kgalhtinalh:” wa kimalaná puxku kachuwinalh lanchiyu.” ¹⁹ Wa puxku chuwinalh: “¿ Ni wakgawa xlimapegsin Joab xlipum uma? “ wa puskat kgalhtinalh na chuwinalh:” xlimakgwa klama, ki malaná, kimpuxku. Nitiktsu lay tsalay lak xpakxuki nimpala nak xpakstakgat wantu lichuwinanit kimalaná, Wa miskijni Joab kimalakgachacha kiwanilh lantla nakuaniyan. ²⁰ Wa miskujni Joab tlawalh uma xpalakgata pi natalakgpaliy putum tu lama. Lu skgalala kimalaná, xtachuna xli akstakan la chatun x Ángel Dios, wa xla putum katsiy tu lama nak katuxawat. “ ²¹ Nachuna nchu puxku wanilh Joab: “Kukxilhti lanchiyu. Kit uma naktlaway. Kapit chanu. Chu kalita kgawasa Absalón, kamaspti.” ²² Chuna nchu Joab takilhputalh tutsu nak tiyat maxkilh paxkgatsinilh puxku. Joab chuwinalh: “Lanchiyu wa miskujni katsiy pi akit ktakgsnit litlan nak milakgastapu, kimalaná, puxku, wix puxku makglhtinanti tu skinin miskujni.” ²³ Chu Joab tayalh, alh nak Gesur, kitiyalh na maspitli Absalón nak Jerusalén. ²⁴ Wa puxku tiwampá: “ Wa xla tlan nataspita nak xchik, wampi nilay kati ukxilhli kilakgapun.” Chuna nchu Absalón taspitli nak xchik, wampi ni ukxilhli xlakgapun puxku. ²⁵ la nak Israel nitiktsu ti lustlan xwen la xtachuna Abasalón. La xlakgapun xtuw chu anta nak xakgxekga nitu xkgalhiy tu nitlan. ²⁶ xla xtakgsita ka xli akgatnu kata xlisputni, xpalakgata lu xli tsinkgasnen, xla lu tsinkga xwen xak chixit; xtsinkgasa akgtuy ciento (ciclos) wantu litalhkgay tu tensk xli tsinkga. ²⁷ Wa Absalón ti lakgachinkgolh kgalhtutu xlakgawasan chu chatum xtsumat. Tu xlitapakuwiy Tamar. Wa xla Tamar lilakgatit puskat xwen. ²⁸ Absalón tilatamalh aktuy kata nak Jerusalén nituktsu ti ukxilhli puxku. ²⁹ Wanchu Absalón malakgachannilh tachiwin Joab xpalakgata nalakgan puxku, wampi wa Joab ni lakgalh . chu Absalón malakgachalh tachiwin xli makgtuy wampi wa Joab ni lakgmilh. ³⁰ Chuna nchu Absalón kgawanilh kskujnin.”ka uxilhtit, wa xpukuxtu Joab wantu lakgatsu wi nak kila, xla chanananit anta. Kapintit kamapasinitit lhkuyat.” Wa kskujnin Absalón mapasikgolh lhkuyat kapukuxtun ³¹ Chanchu Joab takaxli chu milh nak xchik Absalón chu wanilh: ¿ Tuxpalakgata miskujnin mapasinikgolh lhkuyat nak kimpukuxtu?. ³² Wa Absalón kgalhtilh Joab: “Kawxilhti, akit kmalakgachannichan tachiwin kuanin: ´Katat uynu xpalakgata nak malakgachayan ni wi puxku nawaniya: ¿Tuxpalakgata kit kmilh nak Gesur? tlakg tlan kimpalakgata pala antaku xak tawlacha. Lanchiyu nchu kakimaxki talakgaskin nak ukxilha xlakgapun puxku palapi kit kliwa kuenta , kamaxki talakgaskin piwa kakimaknilh.´´´ ³³ Chuna nchu Joab lakgalh puxku kiwanilh. Akxni wa puxku matasaninalh Absalón, xla lakmilh puxku chu laktakilhputalh anta tutsu nak tiyat, puxku, wa puxku ti musulh Absalón.