¹ Tilalh nchu alistalh la titaxtulh kilhtamaku ,wa Absalón kaxwalilh putlaw chu kawayu tu xla chu kalilh tipuxamakgáw lakchixkuwin xpalakgata nakgosnankgoy napulaliyankgoy. ² Absalón xtakiy tsisa na anta xtayay nak xa titsu tiji wa tu xpulalin nak xa malakcha kgachikin. Chu akxini xtitaxtuy chatum chixku ti xkgalhiy talakgaputsit, xmin kxlakgatin puxku xpalakgata talakgaxlan , Absalón xkilhaniy na xwaniy: “¿Ni kgachikin taninpi?” Wanchu kixku xkgalhtinama: “ Wa miskujni wa xlitalakgapasni Israel.” ³ Wanchu Absalón xwaniy xla: “Wa mintakglhuwit, tlan, na xakgstitum, wampi nity chatum limapakuwilh puxku ti xkgaxmatli mintakglhuwit .” ⁴ Absalón xmaliwkiy: “ ¡ Kit xaklakaskilh pal kit xkiwlikga xlakgaxtlawna takglhuwit uma katiyatna xpalakgata pal chatunu lakchixkuwin pal kgalhikgoy talakgaputsit tlan nakilakgmin, kit nakliminiy talakgaxlan!´´´ ⁵ Tilhalh nchu, akan pala katiwa chixku xlakgan Absalón xan kakniy, wa xtapakgastokgniy, ksnata chu xmusuy. ⁶ Absalón chuna noyma xkgalikgatsiniy putum Israel wanty xmimkgoy xlakgatin puxku xla talakgaxlan. Chuna nchu Absalón kgalhalh xlistaknakan lakchixkuwin xla Israel ⁷ Tilhalh nchu akxni xlisputni akgtati kata Absalón tiwanilh puxku: “Katlawa litlan ka kimalakgacha nakan xokgoy wantu kmalaknunit PUCHINÁ nak Hebrón. ⁸ Wa miskujni tlawalh akgtum tamalaknun xlimakgwa xwilacha nak Gesur, nak Aram, xkilhwama: palapi wa PUCHINÁ nakilimimpalay nak Jerusalén wanchu kit nak kgakniy PUCHINÁ .´´´ ⁹ Nachuna nchu puxku wanilh: “AKgtsiya kapit.” Wanchu Absalón tayalh alh nak Hebrón. ¹⁰ Wampi awen nchu Absalón kamalakgachalh skgalna xli putum xlitalakgapasni Israel, xkgawanima: tunkan akan nakgaxpatatit namakgasan trompeta miliwanatken: ´Absalón wa puxku nak Hebrón.´´´ ¹¹ Wa Abasalón xkatan akgtuyciento lakchixkuwin tixmimkgonincha nak Jerusalén tinaxkawanikanit, Wa xlakgan ankgolh wampi nituktsu xkgatsikgoy tu xlakgaxwalinit Absalón. ¹² Xlimakgwa wa Absalón xmastama likakgni , wa xla malakgachanalh nankan tiyakan Ahitofel nak xkgachikin nak Gilo. Wa xla xwen kstakgyawana David. Wa Absalón xlakgaxtlawama lu tliwekga tu ni xatlan, wa kgachikin ti kstalanikgoy Absalón lu xtaliwakinit xli lhuwa. ¹³ Chatum makgatsinina milh waniy David: “Wa xlistakgnaken lakchixkuwin xalak Israel stalanimakgolh Absalón.” ¹⁴ Chuna nchu David kawanilh putum kskujnin wanty xtatakskgoy nak Jerusalén: “katayatit kgataxtuw o niti chatum kinin katitsalanilh Absalón. Skgalalh kgatawilatit chunachi lakgapala na anaw o wata wa nakinkgapulaniyan lakgapala, xla nakinkgaliminiyan tu nitlan chu nalilakgatawakay spada kachikin.” ¹⁵ Wa kskujnin puxku tiwanikgolh: “Kawxilhty, wa miskujnin skgalalh wilakgolh xpalakgata natlawkgoy xa tuntlan nawan kimalanakgan puxku.” ¹⁶ Wa puxku akstalanilh chu putum xlitalakgapasni, wampi makgaxtajli kgalhkaw lakpuskgatna tiku nixtamakgaxtokga naskgalakgoy tlanka chiki. ¹⁷ Akan wa puxku tikatataxtulh putum kachikin, katitatatxkgolh nak chiki wantu awna xyachá. ¹⁸ Putum xmakgtakgalhnanin kgatankgolh na nakxlakgatin putum ankgolh cereteos, peleteos, chu putum geteos – akgkuchaxanciento lakchixkuwin wanty stalanikgolh anta nak Gat. ¹⁹ Awenchu wa puxku wanilh Itai wa geteo: “ ¿Tuxpalakgata wix nakinkgastalaniyapi kinin? Kataspitty kalakgpit puxku Absalón, wix ni unú tapekgsiya chu natamkgaxtukanty nak minkgachikin. Kataspitpala anta ninta wix xala. ²⁰ Xpalakgata tipit kgoten, ¿Tuxpalakgata nchu kit nak taanan putum niku nakganaw? kit nimpala kgatsiy niku nakan. Chuna nchu kataspitty na kakgatiya mimtachiki kakamaspitty. Wa xtapaxkit Dios ti xakstitum kakatalatamán. “ ²¹ Wanpi Itai ti kgalhtilh puxku, tiwanilh: “Xlimakgwa wa PUCHINÁ wi, na xlimakgawa wa kimalaná wi, luxlikgana xa ninta na ´an kimalaná wa puxku, na anta miskujni na´an maski wa wamputun nalatamay o naniy.” ²² Nachuna David wanílh Itai: “Kapit nak xalakgatin chu lakxtum kakinkgatapit.” Chuna nchu Itai wa geteo lakxtum katalh puxku chu putum xlakchixkuwin na putum xlitalakgapasni wanty xtatakgskgoy. ²³ Putum xlitlankga kachikín palha tasalh xlimakgwa putum kgachikín xtitaxtuma nak xakgaxtumnak Cedrón, xlimakgwa wa puxku xtitaxtuma. Putum kgachikín ti ankgolh nak xa titsu tiji wantu xan nak xakgaskgagni tiyat. ²⁴ wa Sadoc chu putum levitas xchexlinkgoy xpumakin xla talakgaxlan xla Dios na anta xtatakskgoy. Wa xlakgan maktikgolh xpumakin xla Dios, chu Abiatar na stalalh. Wa xlakgan kgalhkgalhekgolh akan putum tachixkuwitat titaxtukgolh nak xakgapun kachikin. ²⁵ Wa puxku wanilh Sadoc: “ Kachexti xpumakin Dios kalipimpala kachikin. Palapi nak takgsa litlan nak xlakgastapu PUCHINÁ na kilimimpalay uma nakimasiyunipalay xpumakin chu ninta XLA wi . ²⁶ Palapi wa nawan: Kit lu ni kimakgapaxuwa wix, kawkxilhti unu kwi kakintlawanilh wantu xla tlan xpalakgata.” ²⁷ Wa puxku na tiwanilh Sadoc wa palakgachuwina: “¿Ni wix skgoiyawna? akgtsiya kakatataspitti chatuy milakgawasan, Ahimaas minkgawasa, chu Jonatán xkgawasa Abiatar. ²⁸ Kawkxilhti, kit nak kgalhkgalhiy nataxtuyatit nak Arabá na akan namin mintachiwin nakimakgatsiniyatit. ²⁹ Chuna nchu Sadoc chu Abiatar chexkgolh xpumakin Dios maspitkgolh nak Jerusalén chu xlakgan anta tamakgaxtakgocha. ³⁰ Wampi wa David tawakalh nak olivos tantuchunta na xtasatilay chu xtakgtlapanit. Chanu lakchixkuwin xal kachikin wanti xtatatakskgoy na xtakgtlapakgonit wa xlakgan tawkgakgolh xtasatilakgoy xlimakgwa xtlawmakgolh. ³¹ Wi tiku ti wanilh David: “Ahitofel na anta tatakgsa ni wilakgolh tiku tu nitlan lakgaxtlawamakgolh chu Absalón.” Chu David tlawalh oración: “PUCHINÁ” katlawa litlan, katlawa pi wa tu lakgapastaknit Ahitofel nikgakgantaxtulh.” ³² Lalh nchu pi akan lakgapalhlhi David kgakiwin nixkikgakniy Dios, Husai arquita kimanokhlhulh, lux a taxtitni xtalhakgan xlin chu xak waka tiyat. ³³ David tiwanilh xla: “Palapi wix nakistalaniya, lu akgtum takuka nawana kimpalakgata. ³⁴ Palapi wix nataspita nakgachikin chu nawaniya Absalón: ´Kit, puxku, miskujni nakuan la xlakskugni mintlat xakuan la xa lipulana, na miskujni nakuan.´chuna chi namapakgtsankgaya xtastakyaw Ahitofel kimpalakgata. ³⁵ ¿Ni anta nakgamanokglhuya palakgachuwina, Sadoc chu Abiatar? Chu nchu putum tu nakgaxpata nak tlankga xchik puxku, putum nawaniya Sadoc chu Abiatar. Chu palakgachuwinanin. ³⁶ Wa xlakan anta kgalhikgoy chatuy xkgamankan, Ahimaas, xkgawasa Sadoc, chu Jonatán, xkgwasa Abiatar. Wix nakimalakgachanniyapi nak xmakgankan putum tu nakgaxpata´´´. ³⁷ Chuna nchu Husai, tixtalalin David, alh kgachikin xlimakgwa Absalón xchin na xtanuy nak Jerusalén.