¹ Tilalh, awen la uma, wa Amnón, xkgawasa David, luxlakgatiy ty lustlan xwi xtutala tsumat, Tamar, wa tiku lu tenks xtala xwen Absalón, achatum la xkaman David. ² Amnón nitlan xmaklhkatsiy chu ti litatatlalh xpalakata xtutala tsumat ti xwanikan Tamar, xla kakutsumat xwanit, chu lu tuwa xmakglhkatsiy sampi nilay tuku xtlawaniy. ³ Wampi Amnón xkgalhiy chatum tiku xtalalin xtakuwini xwanikan Jonadab xkgawasa Simea, xtala kgawasa xwan David. Jonadab chatum chixku lu skgalala xwen.v. ⁴ Jonadab tiwanilh Amnón: “¿Tuxpalakata, xkgawasa puxku, lu lipuwana akgatunu puntsisa¿ ¿Anikatkiwani?” chuna nchu Amnón tikgalhtilh: Kit lu kpaxkiy Tamar, xtala tsumat kintala Absalón.” ⁵ chuna nchu Jonadab tiwanilh tima Amnón: “katapa nak mimputama kagsaninanty ka tatatlaya katlawa. Akxni mintlat naminan lakaminan, kakgalhskinty: ¿tlankawa natlawaya litlan namalakgachayapi kintutalá tsumat Tamar pala xkimaxkilh tuku xakualh chu xkgaxtlawalh nak kilakatin, chuna laku tlan kit xa kukxilhli chu xakualh tu xmakan likaxtlawanit?´´´´ ⁶ Chuna nchu Amnón tamalh agsaninalh kaxtatatlay tiwa. Akxni wa puxku milh lakamin, Amnón wanilh puxku: “katlawa litlan kamalakgachapi kintutala tsumat Tamar nakilakaxtlawaniy taliwan xlapalakata kintajatat, nak kilakgatin chuna chi tlan nakuay tu xmakan likaxtlawalh. “ ⁷ Chuna nchu David malakgachannilh tachiwin Tamar nak xchik puxku, xkilhwama: “Kapit lanchiyu nak xchik mimtutala Amnón chu kalakgaxtlawani xliwat .” ⁸ Chu Tamar alh nak xchik xtatula kgawasa Amnón anta xla niku xmacha, xla tsukulh lakgaxtlaway kaxtilanchu nak xlakatin , na timakchalh. ⁹ Xla tiyalh sartén na maxkilh kaxtilanchu, wampi wa xla ni tiwalh. Chu Amnón kawanilh tuku na anta xwilakgolh: “kakatamakaxtu putum, makgat la kwi.” Chuna nchu putum taxtukgolh makgat la xwi. ¹⁰ chuna nchu Amnón wanilh Tamar:” kalita liwat nak xpulakni kinchik chu tlan nakway tuku likaxtlawa mimakan.” Chuna nchu Tamar tiyalh kaxtilanchu wa xla tuku xkgaxtlawanit, chu liminilh nak xpulakni xchik Amnón xtutala kgwasa. ¹¹ Akxni liminilh liwat, xla chipalh na wanilh:” Katat, kakintalhtata, kintutala tsumat.” ¹² xla tikgalhtilh:” nichuna kintala kgawasa, ni aktliwakga kakiwani, nichuna xlilat nak Israel. Nikatlawa uma tuku limim talipuwan. ¹³ ¿Laku chu kit nakmalaksputuy kitamaxan? ¿tuku mimpalakata? ¡ Wix nalitaxtuya chatum tiku lu nilay akgatakgsa nak Israel! Lanchuyu, katlawa litlan kaxakgatli puxku, xla nikat kilakgkatsanin”. ¹⁴ Wa xla Amnón nikgaxmatnilh. Wa xla tlak tliwakga xwen la Tamar, xla tliwakga titlawanilh chu ti talhtatalh. ¹⁵ chuna nchu Amnón lu tisitsinilh Tamar lu snun tisitsinilh. Xla lu liwaka tisitsinilh laku xlakgatilakan. Amnón tiwanilh Tamar:” kataya chu kapit. ¹⁶ Wampi wa Tamar tikgalhtilh:” ¡ni! Xpalakata uma tlanka tuku niltlan kintlawani kimalakgachapat liwaka lu nitlan tuku kit kintlawani!´´wampi wa Amnón nikgaxmatnilh. ¹⁷ tuku xla tlawalh, xla tasanilh xlakskujni chu wanilh:” kalipi uma puskat makgat la nakilakatin, na kamalakchuwa nak malakcha ¹⁸ Chuna nchu kskujni tamakaxtulh kilhtin chu malakchuwaxtulh. Tamar xlilhakgananit lhakgat tlan xa takaxtlaw xpalakata wa xlaktsumajan puxku ti kaku laktsumajan xwankgoy chuna klhakganankoy. ¹⁹ Tamar aktawakalh lhkaká chu laxtitli klhakgat. Xla anta walilh xmakan nak xakxekga chuna nchu tapanulh tlawalh palha tasatilay xlimakwa xtlawama. ²⁰ Absalón xtala kgawasa tiwanilh Tamar: “¿Axtawili mintala Amnón? chu lanchiyu nutuktsu tiwana kintala, Wa xla mintala, ni kuenta katlawani” Chuna nchu Tamar anta titawi xakstu nak xchik xtala Absalón. ²¹ Wampi axni puxku David kgaxmatli xliputum tuku xlama, xla lulipekwa sitsilh. ²² Absalón nituktsu tiwanilh Amnón, wa Absalón lu snun sitsinilh xpalakata tuku titlawanilh, mamaxnilh xtala Tamar ²³ Tilalh alistalh la titaxtulh akgtuy kata, Absalón xkgalhiy xmaksitnanin kalhnilu ti kskujmakgolh nak Baal Hazor, xlilakatsu Efraín, chu Absalón kawanilh putum xlakgawasan puxku pi kamimkgolh anta. ²⁴ Absalón lakgalh puxku chu wanilh: “kawkxilhty lanchiyu, wa miskujni kgalhiy xmakgsitnanin kalhnilu. Katlawa litlan, wa puxku chu kskujnin kakistalanikgolh, kit miskujni” ²⁵ Wa puxku kgalhtilh Absalón: “Nichuna kinkgawasa, putum kinin ni kilianatkan xpalakata naklitaxtuyaw akgtum takuka mimpalakata.” Absalón makgpuwantiynilh puxku, wampi wa xla nixamtun, wampi na tiskulnatlawalh Absalón. ²⁶ Alistalh, Absalón tiwa:” Palpi niley, katlawa litlan kamakgacha kintala Amnón kakinkastalanín.” Chuna nchu puxku wanilh xla:” ¿Tuxpalakata nakastalaniyan Amnón?” ²⁷ Absalón tliwkga xwanima David, chuna nchu xla malakgachalh Amnón chu putum xlakgawasan ankolh. ²⁸ Absalón kalimapekgsilh kskujnin ,kawanilh:” Kakgaxpatit liwna. Akxni Amnón ay tlaj nalikgachiy vino, chu akan nakawaniyan: ´Kalakgatawakatit Amnón, ´chu kamakgnitit. Nikapekwantit. ¿Ani kit kalimapekgsiman? Kakgalhitit takgpuwantiy chu nikamakpuwantit.” ²⁹ Chuna nchu kskujnin Absalón tlawanikgolh Amnón tuku xkalimapekgsikanit. Nachuna nchu putum xlakgawasan puxku tayakgolh, putum lakchixkuwin kgatawilakgolh x axnuken , tsalakgolh. ³⁰ Tilalh nchu xlimakgwa xlakán nak tiji xlamakgolh tilakchilh tachiwin, David, xwanma: “ Absalon kamaknilh putum xlakgawasan puxku yalh chatum akgataxtuy.” ³¹ Wanchu puxku tayalh, lakxtitmilh klhakgat chu tamalh katujtsu; putum kskujnin xwilakgolh nak xpaxtun na xlakxtitkgonit klakgatken ^{33 32} Jonadab xkgawasa Simea, xtala kgawasa David, kgalhtinalh na tiwa: “Nikakanajlhalh kimalaná pala putum kamaknika lakchixkuwin ti kaku kaman xlakgawasan puxku, xman wa Amnón nilh. Absalón xlakgaxwalinita uyma akana tima kilhtamakú akxni tikatsilh ampi akgtliwekga titalhtatalh Amnón, xtaltsumat Tamar.v.33 Ni putum kuenta katlawalh kimalaná puxku tuku talichiwinama, na ni kakanajlalh pala putum xlakgawasan nikgolh, xman wa Amnón nilh. ³⁴ Absalon taxtulh tsalalh. Chatum skujni ti kskgalanama ukxilhli, na lilhuwa ukxilhkgolh tachixkuwitat la lakapalhli nak xatiji xa kalakapán nintsankgan chichiní uma xla. ³⁵ Alistalh, Jonadab ti wanilh puxku: “Kauxilhti, xkaman puxku mimakgolh. Lu tenksa chuna lantla wa mi skujni.” ³⁶ Chu lalh aku xchuwinankgonit, wa xlakgawasan puxku chinkgolh, matankikgolh xtachiwinkan tasakgolh. Chu puxku na putum kskujnin na titasakgolh ³⁷ Wampi wa Absalión tsalalh alh nak Talmai, xkgwasa Amiud, wa puxku xalh nak Gesur. David xlakglipuwen xkgawasa chali chalí. ³⁸ Chuna nchu Absalón tsalalh alh nak Gesur anta niku kitawi akgtutu kata. ³⁹ Wa xtalakgapastajni David luxtaxtuputun xukxilhputun Absalón, aya xtitaxtunit xliputum xtalipuwan xpalakata la tinilh Amnón.