¹ Chuna nchu, wa PUCHINÁ malakgachalh Natán niku xwi David. Akxi tilakgchilh tiwanilh: “Xwi makgtum chatuy lakchixkuwin nak akgtum kachikin. Chatum chixku matamakuna xwan chu chatum limaxkgan xwan. ² Wa chixku tiku matamakuna xwan lhuwa xkakgalhiy xkalhnilu chu xwakax, ³ wampi wa chixku tiku xa limaxkgan xwan nituktsu xkgalhiy, xman wa tantum aktsu xa tsumat xkalhnilu xkgalhi tuku man xtamawanit timawilh chu makgtakgalhi. Wa xla stakli, lakxtum tastakgolh xkaman. Wa kalhnilu lakxtum xmakgwayan lakxtum xtapukgotnankgoy xcopa kan, na lakxtum xtalhtatakgo xtachuna xtsumat xli ukxilha. ⁴ Aktum kilhtamaku, chatum lakgapaxyalhna lakmilh niku xwi chixku matamakuna, wampi wa chixku matamakuna ni chipaputulh tantum xtakgalhin tuku xkakgalhiy pala xlakgaxtlawalh taway. Wata wa tuku tlawalh, wa xla chipanilh tantum atsu xa tsumat xkalhnilu tima chixku tiku xa limaxkgan , chu lakgaxtlawalh xa taliwan, limawilh xlakgapaxyalhna.” ⁵ David, lu snun sitsinilh chixku matamakuna, chu xla palha xakgatlhilh Natán: “Kit kmalaknu, lu xlikana lantla PUCHINÁ wi, wa chixku tiku chuna tlawalh lakgchan namakgnikan, ⁶ Wa xla xlixokgot kalhnilu makgtata xlakata xpalakata tuku titlawanilh, xpalakata ni kgalhinilh tamaxan tima chixku xa limaxkgan.” ⁷ Alistalh Natán wanilh David: ¡Wix tima chixku¡ WA PUCHINÁ, Wa Dios xalak Israel, wen: Kit klaksaknin na puxkunaniya Israel, chu na klakmaxtún nak xmakan Saúl. ⁸ Kit kmaxkin chiki xla mi malaná, chu xlakpuskatna mi malaná na kmakamaxkin. na kmaxkin chiki xalak Israel chu Judá. Palapi wa uma lu aktsu xwa, Kit xak maxkin tlak lu lhuwaku amakgapitsin. ⁹ Chuna nchu, ¿tuxpalakata lakgmakgantí xlimapakgsin PUCHINÁ, chu na litlawa tuku nitlan mintalakawa´n ¿ Wix limakni Urías hitita spada na tiya xpuskat xpalakata man mimpuskat tlawa. Wix limakni spada xla makgtakgalhnanin xalak Amón. ¹⁰ Chuna nchu, lawku , wa spada nikxniku katimakgaxtakli minchik, xpalakata kilakgmakganty chu tiya xpuskat Urías hitita mimpuskat tlawa.´ ¹¹ Wa PUCHINÁ wan: ´Kawkxilhity, Akit nakmakaminiyan tuku nixatlan antiya nak minchik nak mawkxilhniyan, Akit nak makglhtiyan milakpuskatna nakamakamaxkiy mililakatsu, xla natalhtatay milakpuskatna kakuwini kilhtamakú ¹² Wa wix tlawa mintalakgalhin ka lakgapatseg, chu Akit nak tlaway uma nak xlakatin xliputum Israel nak xmakgaxkgakganat chichiní.´´ ¹³ Wanchu David wanilh Natán: Kit kmakglakgalhinanit nak xlakatin PUCHINÁ.” Natán tikgalhtilh David: “ WA PUCHINÁ, nachuna ay timataxtipá mintalakgalhin. Wix ni katinit. ¹⁴ nachuna nchu wa uma tuku tlawanita li makgalipuwanty PUCHINÁ, chu wa kgawasa tiku nalakachin lu xlikana naniy.” ¹⁵ Alistalh wa Natán ti alha nak xchik. WA PUCHINÁ lakatawakalh aktsu kgawasa wantu xpuskat Urías timaxkilh David. Wa xla lu snun tatatlalh. ¹⁶ wanchu David kskinima litlan Dios xpalata aktsu xkgawasa. David yalh tiwayalh chu tanulh na tamalh nak tiyat katsisní. ¹⁷ wa lakgolun xalak xchik takikgolh paxtutayakgolh na xmakiputunkgoy, wampi wa xla nixtakima, chu na nixkatawayama. ¹⁸ Tilalh nchu xli akgtujun kilhtanakú xkgawasa nilh. Wa xlakstujnin David xpekwamakgolh nixwaniputunkgoy pi wa xkgawasa xninita, xpalakata wa xlakan tiwankgolh: “ kawxilhtit, xlimakgwa wa xkgawasa xastaknaku xwi kxakgatliyaw. Wa xla nikgaxmatli kintachuwinkan. ¿¡Tuku natlawanikan xakstu palapi nawaniyaw pi wa aktsu kgawasa ay nilh!? ¹⁹ Wampi akan David ukxilhi pi wa kskujnin xlakan lixakgatlimakgolh, David katsilh pi aktsu kgawasa xninita. Wa xla kgawanilh kskujnin: “¿wa aktsu kgawasa nilha¿” Wa xlakan kgalhtinankolh: “Wa xla nilha.” ²⁰ Chu xla David takilh la xma nak tiyat paxli chu litatlawalh xlimujsu na lakgpalilh klakgat. Wa xla alh nak xchik PUCHINÁ anta kikaknilh, alistalh taspitpa nak xchik. Akxi skihl, xlakan walinikgolh xtaway nak xlakatin chu tiwayalh. ²¹ Alistalh, wa kskujnin ti wanikgolh: “¿tuxpalakgata tlawalh uma ? Wix yalh liwayanty chu lakgtasa aktsu minkgawasa akxni xastakgnaku xwi, wampi akxni nilh aktsu kgawasa, wix taki chu wayanty.” ²² David kgalhtinalh:” xlimakgwa wa aktsu kgawasa kstaknanku kit yalh kuayalh chu ktasalh. Kit kwa: ¿Nitektsiy pala wa PUCHINÁ nakintapatiy, chu aktsu kgawasa xa majtun palh xlatamalh? ²³ Wampi lanchiyu xla ay ninit, ¿tuxpalakata yalh nakuayan? ¿atlan naklimimpalay nakmaspita? Kit tlan naklakgan, wampi wa xla yalh lay kat kilakgtaspitli.´´´ ²⁴ David makgpuwntiynilh Betsabé, xpuskat, lakgchalh na talhtalh, Alistalh xla´malakgachinipa chatum aktsu kgawasa, wa aktsu kgawasa walinika xtakuwini Salomón. WA PUCHINÁ lu xpaxkiy ²⁵ Chu XLA malakgachalh tachiwin, palakgalilh Natán wa makgatsinina, xpalakgata na limapakuwikan Jedidías, xpalakgata wa PUCHINÁ lu xpaxkiy. ²⁶ Lanchiyu, Joab katalatlawa Rabá, wa kachikin tu xmapekgsiy Amón, chu akgchipalh kachikin tu xmapekgsiy puxku. ²⁷ Chuna nchu Joab malakgachannilh makatsinanin David chu tiwa: “akit ktalatlawalh Rabá, akit ktiyalh kachikin xla chuchut. ²⁸ Lanchiyu, xlimakgwa , kamakgastokty tuku akgataxtuma makgtakgalhnanin chu kaskgalwili kachikin chu kamaklhtinanti, xpalakata palapi kiy nak tiya kachikin, kintakuwini nalimapakuwikan ²⁹ Chuna nchu David kamakgastokli putum makgtakgalhnanin chu alh nak Rabá; talatlawalh kachikin chu maklhtinalh ³⁰ David maklhtilh aktawelh xla xakxejka xpuxku—puxamakututu kilo xtsinkasa xla oro, chu xwi aktum chiwix tuku lustlan xwan. Wa aktawelh anta akwalika nak xakxekga David, Alistalh, wa xla lhuwa timaxtulh kachikin tuku lak tlanka xtapalh. ³¹ Wa xla katamakaxtulh tachixkuwitat wa ti xtawinalh ama´ kachikin chu tliwekge kalimaskujulh tu lichukukan kiwi, lilakgwaxni xlalikan, chu tu liskgakan kiwi, nachuna wa kalakgayawalh namakgchakgoy tu lipatsapsnankan. Paks chuna katlawalh kachikinin xla Amón. Alistalh, David chu putum xmakgtakgalhnanin taspitkgolh nak Jerusalén.