¹ Aboni isili auche biléna suwechi echi bawí, echi gadarenos kawíwalachi. ² Alí we sapú niraka mapu 'ali Jesusi rikínili echona bark jonsa, bile rioji chati iwigémi nawali echomi biléna chu'wechi jonsa. ³ Echi rioji chu'wechi bitéli. Ma ke wesi 'omérali chapiyá, ta pe bile karen jiti. ⁴ Asali bulera ne wisabe chokémi, bioni ripunali echi kareni, echi kareni ronólchi bulerami pe ripunárami níli. Ke wesi níwili jiwérli mapuriká omerma. ⁵ Sinibí rokó alí rawe echomi chu'wechi alí echomi rabo', binoi sináli alí sikiré binoi ku bile rite 'olaami jiti. ⁶ Mapualí binoi riwisá Jesusi 'we mikabé, we máli echomi yuka alí chokóbaka chukíbali. ⁷ Bioni ne 'weeli Sináli: "¿Nije pir olama muje yuka, Jesusi, ne walula Riosi ranala? Mi támina Riosi jiti, ketasi tami sayeri. ⁸ Mapujiti Jesusi jeané ilili: "Machíni echona rijórli jonsa, siti iwiká." ⁹ Binoi ko rukéli. "¿Chúwira ju muje ráwala? Binoi jeanili: "Nije rewala ko ju Legion, mapujiti ne wikabé ta jú." ¹⁰ Binoi tánika aneli auche alí wisabe nirá mapu ketasi julánala machi mapona piréa muchili. ¹¹ Jipi ne wikabe kóchi ko´wa uchútali repáye rabo. ¹² Alí aboni ne wémi tánali, jeanéka: "Tamuje júli, pachana kochle; nakiwi tamuje mo'ime echoná." ¹³ Binoi a nakíwali, echi wikabe siti iwiká buwalí alí mo'wili echona kochle, alí aboni júmali repa rabo jonsa miná rilen walú bakochi, alí ne soki okua mil kóchi si'lili echoná bakochi. ¹⁴ Alí echi jaré mapu kówili kóchi júmsili alí ruká nokáli mapu riká ikili echona wikabe rijówachi alí echona wipo ayenacho. Echalí wikabe pakótami buyali inesia mapu rika ikila. ¹⁵ Isili Jesusi yuwa, alí mapu alí riwisá echi rijoi mapu chapirútami nili echi siti iwiká jiti -mapu echi wikabe níwami nili- atíame, napachaka alí kala sa'wika mapuriká anerami níli, alí majáli. ¹⁶ Aboi mapu iki riwáli mapu churika ikila echi rijoi mapu chapirúmi nili siti iwika jiti, auche jaré ruyeka nokali mapurika ikili echi binoi, alí ayenacho anili echi wikabe kóchi jiti. ¹⁷ Aboni owinali wéni tana Jesusi mapuriká ku simínala echomí kawirali jonsa. ¹⁸ Alí mapalí Binoi o'mó inárali echona barkochi, echi rioji mapu chapirúmi nili echi siti iwika jiti nawali Jesusi yuwa. ¹⁹ Jesusi ketasi nakíwili, chopi jeaneli: ku simiká muje bitélachi, alí muje níli pakotami alí ané mapu yir echi walula olali mujé jiti, alí mapurika mí natimaka olali." ²⁰ Echi jiti echi rioji ku simíli alí ruyéli echi ne wabé kalabé namuti mapurika Jesusi 'olali binoi jiti echona Decápolis aniliwachi. Alí ne kara suwaba ne simirka onoli. ²¹ Mapualí Jesusi bojónili auche sine che bilen suwé, ne wikabe pakómati noleli, alí Bioni wilili echona suwe walú bawírali. ²² Pe bile mapu ne bacha chú wami mili echoná re'obachi, Jairo riwéami, nawali alí mapalí riwisá Jesusi, chokóbaka chukíbali. ²³ Ne wémi tánali ne wisá chokémi, jeanéka: "Nije ranala tá ma mulipi mukumearé. Ni mi tani, kina simí alí uche muje sikala moba mapuriká ku sa'wimea alí bitélma." ²⁴ Echirika Bioni simili echi yuwa, alí ne wikabé pakótami najátali, alí ne we cha'ibnili achomi noleka. ²⁵ Niruli echona bile mu´ki mapu 'we na níli ala simea makoy okua bamí jonsa. ²⁶ Binoi muki ne risúa nila yénali mapualí tibútami nilí echi ówami jiti, alí suwábali kara echi wenomí' mapu níli, chopi ku sa'wisat rikáchi Binoi muki chopi waminabi ikili nosowí. ²⁷ Binoi muki 'a námali echi ra'ichali Jesusi jiti. Echijiti echi binoi simili jubámi Binoi yuwa mapualí simiyá inárichi echona nasipi wika pakótami yuka, alí nocháli echi napachala. ²⁸ Mapujiti bioni jeaniká sili: "A peebi echi napachali nochasa, nijé a ku sa'winea." ²⁹ Mapualí binoi má nochasa, echi, alá ma ku ilíbali, alí binoi machinanéwa níli mapu binoi ropokala ku sa'wika ripili mapu yirti risúa nili. ³⁰ We sapú Jesusi machili binoi jiti mapo jiwérali machínali binoi jonsa, alí Binoi ku kuwan ro'wili echi wikabé pakotami yuwa, alí rukéli: ¿Chiká nochali tami napachali? ³¹ Mapu bineriali binoi jeaneli: "A muje ritiwá jená wikabé Pakótami ne cha'iká ni mi noléka alí jeani muje': ¿Chika tami nocháli?" ³² Chopi Jesusi inéli nolerka mapurika inema chika echirika isila. ³³ Echi muki binoi machiká mapurika ikili, we majali alí sailúmali. Binoi nawalí alí chokobaka chukibalo bachámi Jesusi yuwa. Alí ku aneli kara ne bichíwali. ³⁴ Binoi jeaneli: "Keni rana', muje bichiwalí mi ku sa'wali. Ku simiká kanílika alí ku sa'wíkami echi naulí jiti." ³⁵ Chobijí ra'icha ilích Binoi, isíli jaré pakótami echi walula echona ri'obachi bielchi jonsa, jeaniká: mujé ranala ma muka bu'wi. ¿Churikare waminábi mukumébo echi bineriami? ³⁶ Chopi mapalí Jesusi námali mapurika aniká nokali, Jesusi jeaneli echi walúla echona ri'obachi: "Ketasi majá, chopi bichiwi." ³⁷ Binoi ketasi nakíwali wesi mapurika si simama yuka, chopi echi Pekro, Jakobo, alí Juani, echi Jakobo rijimala. ³⁸ Aboni isili echona kalírali walula echona ri'obachi. Jesusi riwáli ne wiká pakotami o'monami, pakótami nalákami alí kili ke aniká nalákami. ³⁹ Mapalí Bioni bakili kalírali, jeriká anéli: ¿churikare o'mona muchuwi alí chorikare nalaka? Echi tiwé ketasi mukúkami jú, chopi kochiyá. ⁴⁰ Aboni ne'we kachili echi Bioni jiti. Chopi Bioni buyánali kara suwaba alí echi onolá alí echi eyela echi tá tiwé. Alí echi jaré mapu yuka muchili, alí simíbali pachanta kalírali mapona bu'uli echi ta tiwé. ⁴¹ Bioni chapili echi tiwé sikalachi alí jeaneli: "Talita kumi" mapu aniwámi jú: "Ta tiwe, nijé ni mi ané, ku wilíska." ⁴² We sapú echi tá tiwé ku ilísali alí simíli (mapujiti makoy okua bamíbami níli). Aboni ko ketasi bi irí mayeli. ⁴³ Binoi ko nuleli ne kalarka achina ketasi wesi machimala jena jiti, alí jeanéli mapuriká yanla echi tiwé karunti mapurika yanla echi tiwé karunti mapurika ko'wami.