¹ Mapali machínali echona jonsa, alí nawali bioni kawíwalachi, alí bioni bineruala najátali. ² Mapali nawali sawalachi rawe, Bioni ko binérali echoná re'obachi. Wikabe kipuli alí ketasi mayeli echirka. Aboni jeanika nokali: "¿komi jonsa Binoi chapí jena binekuami? ¿Piri jú jena 'nátali mapu yarami jú?¿Piri jú jená mapú ne jiwérka olá Binoi sikala jiti: ³ "¿We che ke je'na jú mapu karunti niwámi talol jiti, echi María ranala, alí Jakobo (Santiák), alí José, alí Jurasi alí echi simoni, rijimála? ¿We che ke muchuwi echi rijimala iwe jena'i tamuje yuka?" Alí aboni kichiwa mayeli Jesusi jiti. ⁴ Jesusi jeaneli: "Bile rioji ra'ichalli rúmi ketasi nórami chopi echomi binoi kawíwalachi, alí binoi yuwa piréami alí echona binoi bitélachi." ⁵ Echi binoi ketasi omérali ola tarapé bile namuti ne jiwerka echoná, chopi binoi sikala jiti chapiká pe ibíli nayúkami alí ku sa'wali. ⁶ Mapuriká bioni ke bichíwili, ketasi bíiri mayeli echirika. Binoi chuwén simírali echomi wipo' binerka. ⁷ Binoi bayeli echi makoy okua alí o'wínali júla okuaka nirá; alí Binoi 'yali jiwérli mapurika omerma echi siti iwika. ⁸ Alí kala ruyeka ísili mapurika ketasi tomea mapalí simíba chopi echi tisola: ketasi tomea riwéli echi pane, ketasi namuti muchuwáli ali tarape bile wenomí. ⁹ Chopi ayena akésa aka, alí okua nira napachánala. ¹⁰ Ali Bioni jeaneli: "Mapalí mo'owa bilen kalírali, echona a tibisi mapu yenasi ku simiba echona wipo' jonsa." ¹¹ A bilen kawiralí ke ta yemi mi naresa wecho ketasi kipusa, buyasi echona wipo jonsa, asápsi echi napiso e riléri ralachi, mapurika machiruami nira aboni." ¹² Aboni bu'yali alí nawésali mapu kara pakotami ku ro'wisa ku natasa echi chati oliluami jonsa. ¹³ Machi buyánali ne wikabé chati iwiká, alí ucheli echi seite, alí sa'wali wikabé na'yukami. ¹⁴ Echi walula Herorsi ikíli jena jiti, mapujiti echi Jesusi rawala ma ne wé machirútami níli. Jaré ko jeanika nokáli: "Juani echi pakómi ku ilísali mukusá alí echijiti, jena jiwérli ne kala omerami echirká ola." ¹⁵ Jaré cho jeanili: "Bioni ko ju Elías". Alí acho bijí jaré jeanili: "Mi ko jú echi ra'icha ruka sími, nop rika echi chabe ki'yá." ¹⁶ Chopi mapalí Herorsi námali jena jiti alí jeanili: "Juani, mapu nije kotoreki, ku ilísali." ¹⁷ Mapujiti Herorsi binó júawali chapínla echi juani alí kareni jiti buleli echona pacha yertachi, echi Herorias chokil níli, (echi Felipe rijimala upila), mapujiti Herorsi echi yuwa napeli chabenala jonsa. ¹⁸ Mapujiti juani jeaneli echi Herodes(Herorsi): "Ketasi risensi jú muje jiti mapurika upebo echi muje rijimala upila." ¹⁹ Echi muki Herodías (Herorías) ( juani sayerali alí mi'lináli, chopi bioni ketasi omerami nili. ²⁰ Mapujiti Herorsi majáli echi juani, alí bioni machali mapu bile rijoi ka´la olami nila bioni alí ala bi'wím. Alí ku ni'yubnali kala nirá. Mapualí binoi nama juani nawésami, alí mapu yir nawesali ketasi biir kaníli, asi ba riká cho biji kanili nama. ²¹ Chopi a nirúli bile rawe mapu kala omerka olali echi muki Herodías (Herorias): Herodes (Herorsi) bamíachi, binoi niwali ko'wami mapurika yama echi tibumí, echi nulami, alí echi 'wéla echona kalileachi. ²² Echi Herodías (Herorias) kilia' nawali alí 'owili echi aboni jiti alí binoi kaníltali echi Herodes (Herorsi)alí mapu iki bayerami nili echomi kowisia. Echi walula ko jeaneli echi tiwe: "Tami tani mapuyiri muje nakí alí nije ko mi 'yama." ²³ Binoi ne bichíka aneli jeaneka: "Mapu yirp tami tásam, nije ni mí yama, a yencho nasipa yensi nije nulalíla." ²⁴ Echi binoi ko machínali alí jeaneli eyela: "¿Pir nije tanma ré? Binoi jeaneli: "Echi juani mo'ola echi Bautista. ²⁵ We sapú binoi ku bakili ne jiyák echi walula yuk alí tánali: "Nije ko naki mapurika tami yamame ne yat, bilen pilitchi, echi Juan el Bautista mo'ola." ²⁶ Echi walula we mónka ripíli, chopi mapurika anili bioni, alí echi mapu iki bayeli jiti, binoi ketasi omerali ketasi kipu mapu táli. ²⁷ Echirika juwali bile sontarsi mapu tibutami nili, alí nuleli pánla echi Juan mo'ola. Echi tibútami ko simili alí kotoreli bilen echona yertachi. ²⁸ Binoi 'yebali echi mo'oli bilen piliatch alí 'yali echi tiwe, alí echi tiwe ko eyela'yali. ²⁹ Jena jiti námsa, mapu juani binérali echomi isili alí juli echi ropokali alí bilen chu'wechi rikáli. ³⁰ Echi binertami ko napawili echomi Jesús (Jesusi) yuwa, alí aneli kara namuti mapu yiri aboni olali alí binerali. ³¹ Binoi jeaneli: "Ana simasi 'yemi aboni bileana irúchi iwánli nirá." Mapujiti simibli alí asili, alí aboni ketasi Peitiel isábali, tarape cho pe itiel. Mapurika komea. ³² Aboni ko simíbali mikabé echona barkchi mina bilen irútachi aboni nirá. ³³ Chopi wikabé pakótami riwali simibach alí kala machilí. Echi pakótami we júmali sineami napawika ichi jak, chuwen wipo, alí isili echomi bachacho. ³⁴ Mapuali isili echona suwé, Jesús (Jesusi) riwali ne wikabe pakótami, Binoi natimáli echi jaré, mapujiti nili bo'wa niroí ketasi nísertami. Echi jiti Binoi o'winali bineria ne wikabe namuti jiti. ³⁵ Mapalí ma aliwachi níli, echi binertami ko isili echomi yuwa, alí jeaneka nokali. "Jena'iba ju bilen 'we chakena alí ma we aliwa chi ju." ³⁶ Ma ku ripori mapurika aboni omerma simiba echomi wipórachi pe mulipi alí mapona rijówachi alí ralaya karunti kowámi aboni jiti." ³⁷ Chopi Binoi ku nijewalí alí jeaníli: "Yasi 'yemi karunti mapurika kowámi."Aboni jeaneli: ¿Omeri tamuje simiba alí ralaya okuasiento wenomi' echi pane alí aya echi jaré mapurika ko'mea? ³⁸ Binoi kó jeaneli: "¿Cho ikip pane niu 'yemi? Simibaka alí inesi." Mapalí kala machisá, aboni jeanili: "Malí pane alí okua rochi'." ³⁹ Binoi ko júwali kara su'waba pakotami muchíbnala pe ukúa nirá napawika echomí sakálach siyonachi. ⁴⁰ Aboniko muchubali okuá nira napawika, jarén bile siento nira, alí malísamakoi. ⁴¹ Alí mapualí Binoi chapisá echi malí pane alí echi okua rochi, inénika ripa' riwigachi, natetara 'yali alí ma chi'wanali echi pane alí 'yali binoi bineruala mapurika 'yama echi wikabé pakótami waminá mi. Echi okua rochi Binoi rojánali echona aboni si'nemka. ⁴² Kara su'waba ko'wali yenasi ma posasa. ⁴³ Echi binéami napabúli echi kuchi chi'wami pane, makoy okua wali bochíkami alí kara kuchi chi'wami rochi. ⁴⁴ Echona nirúli malí mil pakótami mapu kowali echi pane. ⁴⁵ We sapú Bioni olali mapurika bioni bineruala mo'imea echoná barkochi alí simama auche bilen bachacho Binoi yuka, mina Betsaida (Betsairacho), alí cho biji Binoi ripórali echi wikabé pakotami. ⁴⁶ Mapalí aboni ma simibali, Binoi muwenali repa rapo Riosi yuka ra'ichasia. ⁴⁷ Nawali echi chonami, alí echi barko ma nasipi ba'wírali inarali, alí Bioni bineli wi'erili. ⁴⁸ Bioni ko riwali mapu aboni ne we iwerika olá uchuli echi barko chujera, mapujiti echi wiká akina bachami nirá ikánali. Ma mulipi be'a ma chiláchi Jesús (Jesusi) nawali echomi yuka. ⁴⁹ Chopi mapalí aboni riwisá simiyá inarachi moba walu ba'wírali. Aboni ko mayeli bile najítami alí sinákali, ⁵⁰ mapujiti ne sinemka aboni riwali alí ne we maja muchuli. Chopi ke saina Binoi ra'ichali alí jeaneli: "¡We jiwérami nísi! ¡Nije jú! Ketasi majasi." ⁵¹ Binoi o'moli echona barkochi echi aboni yuwa alí echi wika ma; riweli ikánia. Alí aboni ne we kara simira ke biiri mayeli echirika. ⁵² Mapujiti aboni ketasi ne walali pane jiti, mapujiti aboni 'natál ketasí sapúmi nili kala nata. ⁵³ Mapali aboy ma simarli nusipa boiwirlima, sili echona kawirali Genesolretsuchi ali bule uchli barco. ⁵⁴ mapo ali ma tiquinli barcochi Ralamuli we yu machili: mapo Jesusi: nili. ⁵⁵ Echi ralamuli wejumka simibali cuuchi ali ma Bayerli echi nuyukami. Quimachi rucaga mapo mi iyenali echi suguami namli iyenachi sawami echi nawachi. ⁵⁶ Chuhue biteani bakiuchi chakína ayena "cho wika pireachi, Ayena chó auche jarean, ayena cho echi nawu kumi rile sicochi rowali. Echona kurumti niruachi. Ali wersi aneli pí napachala vichapinla,mapali chapísa, ku sawimi nili.