¹ Auche sine' Binoi o'winali bineria echomi suwe ba'wirali. Wiká pakótami napawíli echomi noloká mapona asali Binoi, alí 'moli bilen barkochi, alí asibali. Kara pakotami muchili suwe bawichi. ² Binoi ko binerka isili wikabe natumi ruká, Binoi jeanelí auche jaré bineria, ³ "Námsi, echi ichám machínali ichisia. ⁴ Mapuali wichisiachi, jaré raká rujuli buchiwi alí isíli jaré chulukui alí mina tóli. ⁵ Auche jaré raká rujuili echona 'yerli we ritéwachi, mapona aboni ketasi níwili i'ye. Sapuni ochérali, mapujiti echi kawi ketasi me rokómi níli. ⁶ Chopi mapu alí machínali echi rayénali, miná wikótali mapujiti ketasi nawéami níli, alí mina wakichéli. ⁷ Auche jaré raká rujuili nasipi mapona ajali echi sakalá su'weami. Echi su'weami weli ocherali alí miná si´líbnili. Echi raká ketasi namuti rakeli. ⁸ Auche jaré raka rujuili ne kala su'weti yerli alí rakeli mapualí ratása alí ochersa echi raká, jaré rakeli baisa makoy, jaré usansi makoy alí jaré bile sient chokeami mináni mapu ikí ichálti." ⁹ Binoi jeanili: "Mapu yir a niwi namkuami mapuriká kipuma, kipusa kala jú." ¹⁰ Mapu ali Jesusi bineli asali, mina jaré mapu echomi 'ámi muchili Binoi yuka alí echi yuka echi makoy okua, rukéli mapu yirti binerali namuti ruká. ¹¹ Bioni jeaneli: "Yémi ni mi yali echi ketasi machiruami mapuriká oloúla echona mapona Riosi niwa kawirali. Chopi mina machi 'yenami kó kará anilíwa namuti ruká bineria, ¹² "Echirika mapu alí aboni wi'nesa, aboni a wi'nesa, chopi ketasi ritiwá, alí mapu alí aboni kipusa, aboni a kipusa, chopi ketasi machimea, Auche bilen nirá, aboni ku nakilúma alí Riosi ku wikauma." ¹³ Binoi jeanili: ¿'Yemi ketasi 'natí jena namuti ruká jiti binertami jiti? ¿Choriká kala natabotamo auche jaré namutí ruka binerkuami? ¹⁴ Echi ichámi mapu icha echi raká, jú mapu echi icha echi ra'íchali. ¹⁵ Jaré ko jú echi mapu rujuili 'ami buwichi, mapona echi ra'ichali kala wichirutachi níli, alí mapualí aboni kipuli, sapu echi Satanas nawa alí mina 'ye echi ra'ichali mapu wichálti echoná abonich. ¹⁶ Jaré ko jú wichirútami jú echona e'ye we ritéwachi mapu echi, mapualí kipúli ra'ichali, sapu nareli we kanílika. ¹⁷ Aboni ketasi nawéami ju aboni jiti, chopi we jiweri pe itel; mina jonsa, mapuali risu olaramí nisa o najatkuami nisa echi ra'ichali jiti, aboni we sapu mina chakena rujui. ¹⁸ Alí auche jaré ju echi wichirútami nasipi echi saka su'weachi nirúchi, jenako kipu ra' ichali, ¹⁹ chopi echi wikabe namuti jena kawirali niruami, echi kaleka wika namuti inikuami, alí ne we nakiwami karunti namuti, mo'wili alí ke nakiwili mina binema echi ra'ichali, alí ma ketasi omeralí. ²⁰ Echalí jonsa jú mapu wichirutami níli echona ne we semati 'yérili, aboniko ju mapu echi kala kipuli ra'ichali alí nareli, alí mina rakeka nokali, jaré baisa makosa, alí jaré usansi makosa, alí jaré bile siento chokeami mapu iki wichálti. ²¹ Jesusi janeli: "¿Wecho 'yemi apá bile rajekuami pacha kalírali mapuriká achaborúa rilenala pólka bile 'alí jiti wecho pachá kubechi? 'yemi apá alí acha echona we ripá niraka. ²² Mapujiti ketasi yiri nasótami jú, mapurika ketasi omerta riwirua, alí ketasi biri nasorami jú, mapurika ketasi omerma machína. ²³ A bile niwisa ko namkuami mapurika kipuma, kipusa kalá jú." ²⁴ Binoi jeaneli: "Kalá kipusi mapu yiri nami, mapujiti echirika mapu jiti itetamo, echirigá a itetarami níbo yemi; alí waminabi iníbo 'yemi. ²⁵ Mapujiti mapu 'a níwi ko, echi a waminabi 'yarami nimare alí echi mapu ketasi yiri níwi ko, a mapu yiri níware 'yerami nímare." ²⁶ Alí Binoi anili: "Echi kawi walulachi Riosi níwila mapuriká bile rioji mapu wichali echi raka bilen 'yerali. ²⁷ Bioni kochi rokokó alí asisi rawekó, alí echi raka ochéri, asibarika binoi ke machi chorika ikiyá. ²⁸ Echi 'ye 'owíri echi raka binoi, bacha echi sawalá, jonsa echi raka má kala wakami. ²⁹ Alí mapu alí echi raká ma owasa, sapu nirá binoi machibú echi nosi mapu jiti ma sébali 'wikuami. ³⁰ Binoi anali: ¿cho pir achikoriká nirabo echi Riosi níwala walula yuk alí pir jiti ruká binerbo mapuriká kala ruyebo? ³¹ Jú mapuriká bilé raká ne petá, mapu yir alí wichisúa ne petá jú karka yuwa mapu ikí raká wichiwá bilen 'yerali. ³² A siba riká, mapu alí ma wichisú, ocheri alí ne walu najiti minani jaré ichirúami echona 'yertachi, alí niwá ne wéli sawa, yenasi echi jaré chulukui repa riwigachi 'yénami a niwáma echi rosolá echoná pachá kabchi." ³³ Wikabe namuti ruka binerali mapiriká jená, Bioni ra'ichaka isíli echi Ra'ichali auche jaré yuka, wikabe mapuriká omema aboni kalá machimea. ³⁴ Chopi Bioni ketasi ra'ichali mapu alí ketasi namuti ruka binerka. Chopi ketasi machimá Bioni kalá rukeya isili bioni yuka bineami. ³⁵ Echalí rawé, mapuli alíwachi, Bioni jeaneli: "Maba auche bilen." ³⁶ Echi jiti aboni cha riweli echi pakotami, alí toli Jesusi aboni yuka, Echirika Bioni ma barkochi asali. Auche jaré barkochi uchuli echomi yuka. ³⁷ Echomi owínali walú ukui wiká yukami alí echi ba'wi walú iliska pachana barkochi ichibali, echijiti echi barkochi walu bawi bochili. ³⁸ Jesusi asáli echoná bachami barkochi, kuchuká bilen walú mosobeti. Aboni busurebali jeaneka: "¿Bineriami, wecho ketasi nirá mapu ma ke ayo suiboaré tamuje?" ³⁹ Bioni busureli ra'amali echi wika alí jeaneli echi walu bawí: "kilí wilibaka." Alí ne kala ku kilali. ⁴⁰ Bioni jeaneli: "¿Churikare wetmo majawá? ¿Acho biji 'yemi ketasi bichiwi?" ⁴¹ Aboni ne we majaka muchuli alí nakupí jeanika: "¿Chika che ju Jená, mapujiti ayenacho echi wiká alí echi ba'wi a nijewika olá?"