² Alí auché sine' ku bakili echoná ri'obachi. Alí bile rijoi sikala akicheami echoná asali. ¹ Jaré ne'weé ka'la inea muchili, machibó ruya ach sawá nayukami sawalachi rawé, mapujiti aboni omerima wi 'niji. ³ Jesusi ko jeaneli echi rijoi sikala akicheami: "wilísika alí wilibi, jena'i nasipi''. ⁴ Jonsa jeaneli auche jaré pakotami: ¿'A risens nirú, ka'lá olabo sawalachi rawé, wecho we risua olabo; ku'wirua bile, wecho miliwa? Chopi abaniko pe ketási bi'iri aniká muchili. ⁵ Binai ko nakú inénili mapona aboni, ne ' we yoka, we cha'nílika 'we biwárami níli oboni sulála ali jeaneli echi rijoi: 'Rripári weti sikeli." Binoi ko weti sikéali, alí Jesusi ku alárili echi sikala. ⁶ Echi bariseos buwáli alí we sapuní o'wínali karéwa Herorianos yuka, mapuriká sayerima rúli aboni, milibó ruwá. ⁷ Ali Jesusi wamina simili binoi yuka bineami yuwa, waminá bakochi. Alí ne wabé wikabé pakotamí naatali echomi Galileachi ali Jureachi, ⁸ Jerusalemachi, Irumeachi alí waminana Jordanachi, ayenachó ne noloká echomi Tiro ali Sironchi aniliwachi piréami. Echi wikabé pakótami ikííli kara su'waba mapu binoi 'olá yenili, alí echomí ywaa isiili. ⁹ Alí binoi tánali mapu binerali, mapurika karriwema bile tá bark Binoi nema ruwa, echi wikabé pakótami jiti, mapurika ketasi omerima noma'o 'asé ¹⁰ Mapujiti Binoi sa'wali wikabe nayukami, karka su'waba mapu 'wé risúa nílami nili, ne namo' serili; mapurika nochasia. ¹¹ Kisá mapuali echi sití iwiká riwisá, wémi bachámi rujuika, sináka, a lí jeanili: ''Muje ju Riosi ranala''. ¹² Binoi ko nuleli wachinika ketasi machirnala. ¹³ Binoi ripa rabo' muwénali, alí bayeli echi jaré mapu Binoi nakili, alí aboni echomi isili echi Binoi yuwa. ¹⁴ Binoi echirika makoy okua chapli (mapu apostoles riwáli), mapukira omerima yuka iyena binoi, alí Binoi omerima julá nawisánala. ¹⁵ alí níma jiwerali mapujiti machi julá echi chati iwiká. ¹⁶ Binoi riwáli echi makoy okua Simoni mapu Pekro riwali. ¹⁷ Jakobo, Sebedeo ranali, alí Juan (Juani) echi (Juacobo) Jakobo rijimali, mapu Boanerges (Boanerkes) riwárami nili, Jena jú, "Ralamuli' Tanala." ¹⁸ alí Andrés (Anresi), Felipe (Jelipe), Bartolome, echi Mateo, Tomás , Santigo, echi Alfeo ranala, Tadeo (Tareo),Simón (Simoni) echi Selote, ¹⁹ alí Judas (Juras) Iskariote, mapu yiri káleka i'nijima riwéli. ²⁰ Echalí ko Binoi ku bitélachi, alí wikabé pakótami, napawili auche siné ne wikabé ni ketasi omerali pane kowá ²¹ Mapualí binoi ritemoala námali jéná jiti, abani buwali tibusia echi Binoi, mapurika 'anili: ''Pi lowíme ju''. ²² Echi eskribas mapu Jerusalemchi jonsa isili jeaneli: "Binoi Belsebú jiti nulerami jú," alí "echi chati iwiká níla walula, echi jiti machi júli echi chati iwika." ²⁴ Jesús (Jesusi) bayeli echomi alí jeanika binerali namuti ruka: ¿churika omeri Riablo machi jula echi Riablo? ²³ Mapu alí bilen kawirali rojaki 'ilisá nakupi najisaka, echi kawirali ketasi omerima jiwerka wiliya. ²⁵ A bilen piréami, nakupi najisasa, echona pireami ketasi omerima jiwerka pirea. ²⁶ Echi riabo wilibása binoi ku sayermia, alí rojaka asisá, binoi ketasi omerami jú sinibí bitela, we miná ma suwabtami jú. ²⁷ Chopi ke wesi omerma bokiyá echo kalirali bile rijoi 'wé jiwerami bitélachi, alí chikó mapu binoi niili jú ketasi cho buleka ilósa echi rijoi we jiwerami bacha alí echalí jonsa kó omerima karka namuti 'yé echona kalirali. ²⁸ Ne bichíwali ¿yemi mi ané: karka su'waba chati olalia pakótami niila a omertamijú ku wikawa. Ayenachó mapu yiri 'yemi ra'ichi wabé simira chijunika Onoruami. ²⁹ Alí mapu echi chijunika ra'ichasa echi Onoruami iwikala jiti, echi ko ke siné ku wikaurami níma mapujiti binoi chokil ju echi chati olalia ne sinibí nirá. ³⁰ Jesús (Jesusi) echirika anili mapujiti aboni jeaniyá muchili: "Binoi chati siti iwikémi jú." ³¹ Echi eyela alí echi rijimála isili alí muchíbali machíye. Aboni júwali echi Binoi jiti. ³² Alí pe 'ukuá nirá napawíkami echomi noleka muchíbali, alí jeaneli: "Muje yela alí mujé rijimala machíye muchuwi, alí aboni mi 'atni. ³³ Binoi ko ku nijéwali: "¿chiká ju nije 'eyela alí nijé rijimala?" ³⁴ Binoi buchuwena no loká inenali mapu echomi muchili ne nolerka binoi yuka alí Jeanili: "Iensi, na'i muchuwi nije eyela alí nije rijimala! ³⁵ Mapuyiri echi ka'la nijewika olá mapu Onorúami ani, echi ko ju nijé rijimali alí, nijé eyela ju.