² Mapalí Binoi auche sine ku nawali echona Kapernaumchi aniliwachi pe kua rawe simirsa, echi pakótami echona pireami, ikíli mapu Jesusi biléni kalirali asali. ¹ Echijiti wikabe napawili, wikabe niraka mapu ke kasen níli pe'uchi, ne tarape echomi yélchi jonsa, alí Jesusi binoi ra'ichali ruyeka isili. ³ Alí ko jaré rijoi isíli echomi Binoi yuka a'lí 'yebali bile rijoi ketasi omerami ilisia; nao rijoi ka opérali. ⁴ Mapualí ke omersa isiya mulube echi Binoi yuwa mapujiti wikabe bochika ilili, aboniko móba kalirali map'ona ilíli Binoi. Alí mapuali aboni pe 'uchi nereka arrasa repani, aboni rikibuli echi kubeli mapu echona bu'ili echi rijoi ketasi omerami ilisia. ⁵ Riwisá mapurika bichíwala, Jesusi jeaneli echi rijoi ke o merami ilisia: "keni raná, muje chati olalia ku wikawiramu jú." ⁶ Chopi 'a niruli jaré mapu eskribas níli mapu echomi mochili 'natali aboni sulalachi jonsa: ⁷ ¿Churiká omeri jená rijoi jena jeriká ra'icha? ¡Binoi we chijunika ra'ichi! ¿Chika omeri ku wikawa echi chati olalia chopi 'a bilepi Riosi?" ⁸ Alí we sapuni nirá Jesusi, 'a machili binoi Iwigala jiti mapu yiri echi jaré 'nata mochili pachoni jonsa. Binoi jeaneli: "¿Churikaré jena jeriká nata yemi pachana sulálachi? ⁹ ¿Piri waminan ke nóchali jú, jeanekua echi rijoi ke ilisami, muje chati olalia ku wikawirami jú, wecho jeaniwá: Ilísika, chapisá muje kubeli, alí simi? ¹⁰ Chopi mapuriká 'yemi machimea mapu echi Rijoi Ranala a niwi jiwerli ne suniami chimoba mapurika wikawima echi chati olalía. , Binoi jeaneli echi ke ilisami: ¹¹ "Nije ni mí ané: Wilísika, chapiká muje níli kubeli, alí ku simika mujé bitélachi." ¹² Binoi ku ilísali alí we sapuni nirá ku chapili echi kubeli, alí machínali echona kalírali jonsa kara su'waba riwirka, echirika kó mapu echomi muchili ketasi biri mayeli alí ko we walubela nirá noli echi Riosi, alí jeanili: Tamuje ke sine ritiwaki mapuriká jena ikíame." ¹³ Binoi machinali auchecho sine echomi ba'wi wa'lu, maniachi, alí wikabé pakotami echomi isili echi Binoi yuka, alí Binoi ko bineráli. ¹⁴ Mapali Binoi simira 'inarachi, Binoi ko riwáli echi Leví, Alfeo ranala, a tíami echoná bileni mapona nipákuachi níli wenomi, alí jeaneli: "Tami najati." Binoi ilisali alí najátali. ¹⁵ Alí mapualí Jesusi ko'wa asirali echoná Leví bitelachi, wikabé wenomi nipámi alí pakótami chatí alami ko'wa muchirili Jesusi yuka alí mapu bineami nili, mapujiti wikabé niruli alí aboni najatali. ¹⁶ Mapualí echi eskribas, mapu níli Bariseos, riwali mapu Jesusi kowá asírami echi pakótami siti chati olámi alí echi wenomi nepámi yuka, aboniko jeaneli mapu yuwa bineami níli: "¿Churikaré Binoi ko'wa echi wenomi nepámi alí pakótami chatí olámi yuka?" ¹⁷ Mapualí Jesusí námali jena jiti, jeriká aneli echi aboni: "Jaré mapu 'a jiwerami jú kó aboni ripokala ketasi newalé bile 'ówami, chopi jaré mapu 'we nayukami jú newali bile'. Nijé ke nawá bayesia echi wé ka'lá 'olami, chopi echi siti chati olami." ¹⁸ Echi Jua yuwa bineami alí echi owéla nawésami ko ke ko'wali echalí rawé Riosi jiti natka. Aboni isili alí jeaneli: ¿Curikaré echi Juani yuwa bineami alí echi Bariseos ketasi ko'wa Riosi Jiti natka, chopi Muje yuwa bineami ko katisi echiriká olá? ¹⁹ Jesusi jeaneli: "¿A omerima mapu ikí 'yen bileana omawalachi niwikachi ke tasi kowa mapualí achi niwimaré echoná 'a asisá aboni 'a yuwa?" Yenasi yuka muchisa echi nihuiami aboni yuka, ketasi o'meri ke biiri ko'wa. ²⁰ Chopi echi raweali nowama mapualí echi niwim 'yerami níma ne mikabe aboni yuka, alí echalí rawéwali, aboni a ketasi biiri komea. ²¹ Ke bilé rijoi wisú echi petá chini kuliwami bileni napachalachi ocharme, 'a sí ba rika echi pachokórami pe mina wichimea echoná jonsa, echi chini bukulíami echoná 'ocharmichi jonsa, alí waminabi chi'wama. ²² Ke bile rijoi ro'wá sukui' bukulíame pachana bileani, bulí wichi'i jiti niwarami ocharmi. Echirika olasa, echi sukui' ratánana echi wichi'i alí echi sukui echiriká ma wikama alí ayenacho echi búli wichi jiti niwarami. Echo'na nirá, ro wasi echi sukui' bukuliami bileni búli kuliam chi. ²³ Echali sawalachi rawé, Jesusi simírali bilen wipo'o ra'ka wichirútachi, alí echi yuwa bineami, o'winali napabú echi turio rakala mulala. ²⁴ Alí echi Fariseos jeaneli echi Binoi: "I'nebó, ¿churikaré 'olá jari karunti mapu ketasi riséns jú 'olakuami sine rawe sawalachi?" ²⁵ Binoi ko jeaneli: "¿Yemi ke sine' machiki mapuriká olala echi Rabiri mapu'alí newalé asalí alí we 'locheka, binoi alí auche jaré rijoi' mapu yuka muchili? ²⁶ ¿Churiká bakila Riosi kalílachi mapu'alí Abiatar níli echi wa'lula echa ri'abochi alí kowali echi pane, mapu echi, ke risensia níli chuwe rijoi ko'mea chopi echoná nóchamí, alí binoi 'yali pe tá nirá auche mapu binoi yuwa, yenali'" ²⁷ Jesusi aneli: Echi saewlachi niwarami jú mapu pakótami pirelma, alí ke tasi echi pakótami mapuriká nirulma echi sawalachi rawé. ²⁸ Echi jiti, echi Rijoi Ranala, wa'lúla jú ayenacho sawalachi rawé.