¹ Hechos jubami Mali rawe, ananias echi bacha chukuami ,jare ocherami,ali bile we raichami riweami tertulo, nawali echona. echi ralamuli Ipali echi siliami inijica nokali pablo. ² mapali Pablo ilisili bachami siliami, tertulo owinala inijisia je aneli echi siliami:"muje jiti niwi kaniliwami;muje niwi karika Jala pali tamuje pirelachi; ³ jiti ko karika kanilika nijibo kanilika nare karika mapo olame ,Jalabe Felix. ⁴ ke mi ili iliramaa,nije tanama a kanilika muje na'masa bitelibi. ⁵ tamuje riwali Jena rijoi niwa wikabe raichali a bile we' e acha ane karika judios buchuwini kawitli machirika ola. echi ju'u bacha chukuami usani echi nasareno. ⁶ echi binoi olali ke LA olali echona templochi; echali chapili ma Po rija oweratami ni'imaa mapo rija ani'i echi siliami. ⁷ ali'i lisias, echi ofisiali nawali walube yua nakokoami iyeli tamuje sikalachi. ⁸ Julka muje yua' ma pa'ali muje raichasa Ali Pablo karika je'na'a raichali, muje ayenacho'o, omeri bine'e piri ji'ti nijili'i ⁹ echi judios niji'li Pablo, ayenacho, anili'i je na'a karunti ayena bichiwali ni'ili. ¹⁰ ali'i echi siliami je a neli'i riwaraka Pablo maporija raichali, Pablo nijeli': "nije machi'i wikabe bami muje'e nili'i bile siliami je'na'a pueblochi, echiriga wabe kanilika mi ruyema muje. ¹¹ muje omeri ine'e que tasi simirili minabi mako'o oka rawe mapo ali moli'i oloka echona Jerusaleni; ¹² echali aboni Tami riwali echona templochi,nije ke'e raichali jare yua', nije ke'e bayeli wikabe, kecho' echona sinagogachi, kecho' wikabe pireachi. ¹³ aboni ke'e omeri machirika niji'li aboni jipico niwa nije jitri . ¹⁴ nije mi ane ,chiriga nataga echi buwe aboni'i riwa ke a la'a ola', echi buwe nije najata riosi chabe pireami. nije ju kara'ka olami mapo ona ati mapurija asali echi nawesami. ¹⁵ nije niwi ayenacho'o bichicoami riosi,maporiga echi ralamuli ayenacho buwe, auchechi ku biteli mapo mukuli, okanaka, kala olami , ke kala olami. ¹⁶ je na'a jiti, nije sinibi werili ola mapo rija nibo'o bile Natali'i wabe Jala bachami riosi ayenacho pireami ralamuli. ¹⁷ jipi, chabe wikabe bami'i nije nawali pali'i kuwirali nije nilachi pueblochi ayenacho wanomi yali'i ¹⁸ mapaali'i nije olali, jare judios echona'a Asia Tami riwali echona napawikuachi oraroachi echona templochi, ke yua bile wikabe o echona nakatara ani'i. ¹⁹ echi ralamuli ²⁰ echiriga je na ralamuli anisare piri riwali nije jiti mapali ilili bachami napawikuachi echona juriosi; ²¹ Alibi echirigani anisani karuniti mapurigani anili'i nioka hi owali echali mapali ili sili echona nasipi yemi yua:'echona ju sine ku biteluami mapo mukusa jipi nije ni'ili inijirami yemi jiti." ²² Ali Felix, ni'i Jala machili echi buwe, riweli. raichali. binoy anili'i . " Echi nulami lisias rikinili Jerusaleni, nije anime muje ji'ti." ²³ Ali nuleli senturioni tibu Pablo, ni'isa isini solanaka ke sine echi rijimala ni'ima bineli, olaka mapo ali karunti. ²⁴ jubami sine rawe, Felix nawali yua' Drusilla echi upila, bile muki juria, echi ju'uli Pablo namali echi bichicoami kristo jesusi . ²⁵ Ali Pablo nimili echi inijili . Binoy omeri, echi jubamiku, Felix kajaka je anili:" simika jipibi. echiriga auche sine aliwachi auche sine ni'isa simirsa kuluami, nije bayema." ²⁶ Echalibi, buweka asali Pablo nijima wanomi, isini ju'uli bayeka raichali yuwa. ²⁷ Ali simirili okua bami, porsio festo nawali niisia siliami jubami Felix, echiriga riweli Pablo minabi tibuka.