¹ Pablo ineli mi na we machinga je na wika ralamuli muchuach je aneli, rijimala, nije ko viteli Riosi yuwa ne karka kala aneli tami ali jipi rawe ko ayena cho," ² je na walubela bacha chikumi Ananias nulele echi ko ma napawika muchuam iyuwa chumula ochonla. ³ je ali ko Pablo je aneli, Riosi ko muje ochomare, muje ayena cho ochoram nimarem.¿muje ati jiti pi tami chub ane echona we simirka anily echi nularami yuwa, ali ko muje nule ma pu tami ochoma, simirka anily echi nularami yuwa?" ⁴ echi chu jare ko jali echi Pablo yua aneli, " ¿mapuriga muje chub ane echi walubela bacha chikumi Riosi yuwa chikumi? " ⁵ Pablo je aneli, "nije ko kie machie, rijimala, chi mi inili walubela bacha chikumi. je na osorutami chiku, MUJE KO KIE TASI RAICHAMA SITI JE NA WALUBELA BACHA ICHUAMI JE NA WIKA RIJOACHI." ⁶ Ali Pablo riwali echona ralamuli muchuach nili Saduceos ali jare ko Fariseos, binoi ko raichli we ohuakumi echona ralamuli muchuachi, rijimala je anili, nije ko ju Fariseos, ranala je na Fariseos. jiti ko ni kala bichiwa nira buwen echi ko ku owinloami je na suwikumi nije ko bineli chub ane." ⁷ ali echi riga anisa, ohuli walube nakup nahale echi Fariseos ali ko echi Saduceos yuwa, ali echi ikia ralamuli ko rojali. ⁸ ali echi ko Saduceos Ani kie tasi niru ku owinloami, Tara pe echi bile Riosi pionala ,tarape bile iwiga, ali echi Fariseos machi karika namuti ⁹ ali ko sinemika nahawali,ali ibil echi osoami ko je na ichek ichuli Fariseos yuwa ijasli ali nahawali, aneka: tamuje ko kie tasi riwaket ta namuti siti je na rijoi ." ¿ je na ali raichasa bile iwiga ali Riosi pionala echi yuwa raichale echi yuwa? ¹⁰ ali ko echi walube nahawali, echi walula bacha chikumi echona tibumi ko majali inata ripili je na Pablo Chub olama maele re jiti, ali nulele re echi sontarsi a richi otononala chapinala sineami ka ma pu echona muchuli, ali otomea echona jiwerachi ¹¹ ba alinla rokogo echi rijoi wilibli je na aneli," kie tasi majawa, aboni nira raicha tami nira echona Jerusalen, echi riga ayena cho otomea echi aboni raichara tami nira echona Roma." ¹³ ali ko mapali ma raweli, jare judios niwale ta namuti kie kala na aneli bile kie kala raicharali aboni nira ali aneli kie kopo ayena cho kie bajibo ali ayensi milisa Pablo. ¹² aboni ko nili naosi makoy raramuri nili ali olali kie kala ¹⁴ jipi ko ali, nakibo echi ralamuli muchuachi anema bacha chikumi richi otonala echona emi muchuachi, ali emi sinemka kala anebio, tamuje ko, muchubo kalarka nira mapali maliboa chabep na i nawasa ¹⁶ ali echi ranala ko echi Pablo rijimala inamli jiti aboni kala tibu muchuli, ali binoi ko simile ali bakili echona jiwerachi ali aneli Pablo, ¹⁷ Pablo balleli je na bile bacha chikumi je aneli, otoka je na rimali echona walubela bacha chikumi atiachi, bile ta namuti anemieare ¹⁸ ali echi bacha chikumi chapili echi rimali na aneli: Pablo echi chaperutami tami baele tami itanli je Jami ipama je na rimali. je na ta namuti anemieare." ¹⁹ echi bacha chikumi ko chapili sikala ali simile napawika ali rukuele : ¿ pir ta mi anema muje ko ? ²⁰ echi rihimali ko aneli, echi judios ko anekia nokaliba ba ali ko pablo otoboa mapu echona wika ralamuli muchuachi, ma pali aboni nira ane uchuma jiti. ²¹ jiti ali ko kie tasi nijabo mi na jare ko, chopi jiti na hi ko wika muchu naosi makoi ralamulis ma pu jiti ne buwe, echi aboni ko kie kala uchupli, ne kie tasi kowa ayena cho kie tasi baji ali yensi aboni milisa echi Pablo, jipi ko ma ni kala, buwe muchuali ani kala anekia aneli ²² echi walubela ko ma pu ijuli echi rihimali, ali ko ne anesa; kie iwesi anebo tamuje ne aneli, ²³ ali ko echi ko baeli okua bacha ochuami ali aneli; abo okuasiento sontarsi we karikami ma pa li mika simabo ali yensi Cesarea, ali ko ayena cho kichasimakoi cawe kasemi, ali okuasiento sila ilumi. ali ko ti emi ko buwama ali bakia horachi, ²⁴ ali rokogo, ali ayenacho nuleli nijanla bile akami echi Pablo ma pa asekia inarma, alin otorutami nima echona walubela siliami Felix ati. ²⁵ echali ko osali bile osurutami, ²⁶ Claudio Lisias piri we kala nili walubela siliame Felix, riporli, ²⁷ jena rijoi ko inili chaperutami echi judios nokali ali ko ma mulube milali echi judios ko, ali nije nawaki echona muchuachi sontarsi yuwa na kuwirken machi pakin, mapali ko ne machiken echi nili bile echona pireami Romano yuwa. ²⁸ nije ko machinalgin cho jiti chub aneli, Ali ko ne otokin echo na wika ralamuli muchuachi. ²⁹ nije machikin jiti echi ko chub anerami inili jiti nira ma pu rika binoi isisli, Ali ko kie tasi niruli piri jiti saertami Nima mapali kie tasi niruli miliruami nima Ali ko kie chiko pacha patami nima, ³⁰ Ali ko nakirin machimea ma niruli kie kala olowami cho jiti echi salleka echi rijoi, Ali nije ko we sapuka ne ijulkin e chomi, Ali allenacho binerkin echi kie tasi kala ju echi ichubi aneli ipabo ikali echona muje ati, Ali ko ku simiken," ³¹ Ali echi rika ko echi sontarsi ko inamli ma pa ali ³² echi riga aneli. echi aboni ko chapili Pablo ali ototi rokogo echo na Antipatris. che sine rawe ko, echi karka sontarsi riweli echi ralamuli kawe kaseami simama echi yuwa ma pu echi ko ku isili echo na we jiwerachi, ³³ mapali echi ralamuli kawe kaseami ko isili echona Cesarea mapali illali bile osurutami echi walubela siriame bacha chukuwami, mapali echi ralamuli ko allenacho simerli blo. ³⁴ mapali ko echi siliame ineli echi osurutami, binoi ko rukeli komi jonsa nawale Pablo. mapali binoi ko machili echo na Cilicia jonsa nawakumi nili, ³⁵ aneli: nije ko ni mi namare ma pali ko echi isichi muje chub anem na i asisa." mapali ko echi ko nulali ma ichanla echo na pacha kalirali ma kie machi panla echonako walubela inili walula me na Herodesi