¹ Rijimala na wentame, akesi nopi nije simare jipe ti"emi yuwa. ² nopali echi wika ralamuli akeli echi Pablo raichichachi sinu nira, ali kie anika muchibali.echi jeanili ³ Nije ju bile juriosi, ocherami echona tarsochi aneliachi ali ciliciachi, peko nali nije pe nai a ocherami ju Gamalielchi aneliachi.nopi tami binerili pe kili niraga mapurika nula chabewala.nijeko ju namayeme echi Riosi jiti, nopirika ti emi ju jipe. ⁴ nijeko najatali yena si muku; nijeko nijimi ke ba muki aly kuchi aly moa echona pacha karselchi, ⁵ nopirika echi walula bacha chukume na ocherame ayenacho omera ruya ne bichiwali ruya. nijeko nareli echi bile osili echona damasco pireme akuame, simi kin chapimeria jerusalenachi pireme nopi rika kastigartame nima ⁶ Simirili nopali nije inarili echona mulube Damasco, ma mulube rawiliwachi ke sainati rajaya kibi ripa riwigachi we ratabame nije nolerka. ⁷ Nijeko wichi bu ibiki ali nijeko akeli je anime: 'saulo,saulo, chumi rikarria tami anajato' ⁸ Nijeko ku je aneli: ' chika mi rijoi ju ' tami ku nijewaka: 'aneli nijeko ju echi jesusi nazareti ,nopi mi anajato .' ⁹ Echi chujare nopi tami yua muchili riwali chio echi rajame , we nalina ke namali echi raichame. ¹⁰ ¿piri ni olamare, rijoi ?'echi rijoi tami aneli: 'wiliska na simiga echona Damasco ;echona ruyebaremo nopi mi olamare .' ¹¹ Nijeko ke tasi omerali ineya echi ratabame riwisa , ali nijeko simili echona Damasco, oturutame echi jare sikala jiti nopi tami yuwa muchili. ¹² Echona ni riwaki bile rijoi Ananias riweami, bichiwame ali we a la namame ali we ala raichawi echi juriosi jiti echona pireme. ¹³ echi nawali, ali wilibali tami cheka, ali jeanili: 'rijimala Saulo ku machiltame nili.'echali nije riwa kin. ¹⁴ Ali jeanili: 'echi Riosi chabe kiya biteme nimi chapili nopiria muje machime a la natika sisma, nopirika inemamo ne alabe, ali nopiria akemamo echi raichame binoi chumulachi jonsa. ¹⁵ Muje machiga chukumere echi kariga ralamuli nopi mi ritiwa ali nopi mi ake. ¹⁶ Ali jipe ¿chomi rikaria buye ? wiliska ,ali pagotami , ali biwa echi chati, aneka binoi riwala jiti.' ¹⁷ Jubak mapu nije maku nawasa echo na Jerusalenchi, ali mapali Riosi yuwa raichili echona reo'bachi, ikili mapu inilin bile riwirtami. ¹⁸ Riwakin jeanimi,' Inari ali riwe Jerusalenchi we soponi nira,chopi aboni kie chapime muje raichala Nije nira.' ¹⁹ Nije anikin,'Walula,aboni nira machi mapu nije chapikin ali pisokin echi mapu bichiwami Muje karka buchuni echona reobachii. ²⁰ Mapali echi alala Estaban niwala, Muje ayena riwali, inili kuluimi nira, nije ayenacho asalin ilika,ali olowa kie kala nira, ali nije asali kateoka echi napachali echi mapu milali.' ²¹ Chopi Binoy mi aneli tami, 'Simika, chopi nije julamaren we mika echi isirami. ' " ²² Mina ralamuli nakili echi raicha jena yensi jonsa. Chopi mapali aboni sinaka ali anili, "Wiye echi mapu yuwa inara echo na rilipo: chopi kie kala ju mapu echi vitelsa" ²³ Mapali aboni sinaka ,yeka napachala mapu ju napachakuami,ali waka pisorla echi wika yuwa, ²⁴ bino bacha chukumi tibumi aneli mapu apanla echi Pablo mapu anachama. Binoy anili mapu binoy rukerami inima echi pisokuami nira, mapurika binoy omerma machia chopi echi esteban sinaka aboni sayeka echi binoy echirika nira. ²⁵ Mapali aboni olali icheka echi kaje bichili, Pablo mi aneli echi sontali mapu asali ilika echona kuana, "Ju kala yemi nira ichewuka bile rijoy mapu ju romano ali kie machika kala nira mina anerami inili we charika?" ²⁶ mapali echi sontali anamali jena, binoy simili echi bacha chukumi yuwa ali aneli, "¿ Atim mulube na olama? Chopi nena rijoy ju bile inarami echona jonsa romano aneliachi." ²⁷ Binoy bacha chukumi tibumi nawali Ali aneli echi binoy, "¿Ani ,muje ju bile inarami echo romano jonsa?" ²⁸ Binoy bacha chukumi anili: "Simili chopi usa wikabe wanomi mapu nije imekin echona nochika wika rijowachi. Chopi pablo anili, Nije nawakin echona wika rijowachi Romano aneliachi. ²⁹ Mina jonsa ralamuli mapu rukebo ruli mina chariweli se soponi. Binoy bacha chukumi echi tibumi ayenacho inili majakuami, mapali machisa echi Pablo inili bile inarami echona jonsa romano,chopi binoy na olali icheka achaya. ³⁰ Minami rawe,bino bacha chukumi tibumi nakili machisa bichil nira echi mapu ichewa uchuli echi judiosi sayeka echi Pablo. Echirika binoy ku sulanli echi wi ichekuami ali aneli echi welpa bacha chuwami ali karka mapu mulube pireami na napawinla. Mapali binoy riikinli echi Pablo atichi ali ilali echo na nasipa.