¹ Jipi,Festo bakili echona bileana probinisiachi pi u ka pireachi ali baikia rawe simirasa simili echona jonsa sesareachi echomi jonsa Jerusalenichi. ² Echi nulami ni bacha chukuwami ali echi juriosi ni bacha uchuwami otoga nokali inijiboria echi pablo yuga,ali raichali ni owali, ³ Ali aboni echiriga tanali bile kuwirali yama pablo we risu rika,echi festo anime panala echi pablo echona Jerusalenichi ali echiriga aboni omerama malaya echona buwichi. ⁴ Ali Festo nijewaga echi pablo ni'iloria bile ba acharami echona sesarea chi, ali echi binoy ma ni mulipa ku simereli echona ku. ⁵ "echiriga echi omeriko," Ji aneli echi:"echona simasa tamuje yuga.ayena niru bile ke ala echi rijoi juga, yemi echiriga nijisatimi echi." ⁶ Festo echiriga tibili wamina osanao ali makoy rawe ali echiga simili echona sesareachi, ali auche bile rawe ba'alinitami, echiriga asibali echona siyachi kalaruachi ali echiriga nulali panala echi pablo. ⁷ Ali echi nawali ,echi juriosi Jerusalenichi pireami echiriga jabali mulipa, ali aboni wikabe ruga nokali echiriga aboni ke omerali inera. ⁸ pablo nimili echiriga binoi ali anili:" Nije ke bi'iri alali chati echiriga nularami echona Juriosi yuga ayenacho querema echona templochi, echi sesari yuga." ⁹ Ali echi Festo nakili niurama kuwirali echi Juriosi yuga, ali echiriga binoy nijewali echi pablo ali je aneli:"¿Echiriga nakimi moma echona Jerusalenichi ali echona kalaratami nima nije jiti echona?" ¹⁰ pablo je aneli:" Nije echiriga ni kalaraga ati echona bachami asimeria echona sillachi nijikuachi. Nije ke chati alali ke bile echi Juriosi yuga, mapuriga muje a machi. ¹¹ Echirigani olasani chati ali echiriga ni mukuwami naresani are, nije nakimeni mukuwami. Ali echiriga kaleka nijisa ke bi'iri ju. Ke wuesi omerama aya echi. Nije ala olani echi sesari yuga." ¹² Chabe nira echi Festo raichali echona napawikuachi,echi nijewali:" Muje ala nijewi echi sesari; muje simisami echi sesari yuga ¹³ Jipi, echiriga simirasa ili rawe, echi nulami Rey Agripa ali Berenise isili echona sesareachi echiriga natetaboria bile waluwala nakiwali echi Festo. ¹⁴ wamina simirasa echi binoy echiriga asali echona ili rawe, Festo inerali echi mapuriga ikili echi pablo echi nulami Rey; ali je anili:" Bile rijoi simili riweli jenai echi Felix mapuriga bile bacharami. ¹⁵ Echali nije asali echona Jerusalenichi, echi bacha uchuwami ali ayenacho echi ocherami echona pireami Juriosi echiriga inerali tami yuga nijika jena rijoi, ali tanaga nokali miliboria. ¹⁶ Nije echiga nijewaga je aneki ke echiriga ke ala echi Romanosi echi aya ke bile bachami echi inijimi yuga ali echiriga inisa echi ni nimima karika nijirami echi yuga. ¹⁷ Ali echiriga, aboni isili jenai, nije ke buwekini, echirigani ba'alinata rawe nije ni asakini echona siyachi nijikuachi ali echiriga nulakini akina otonala echi rijoi. ¹⁸ Echi inijimi echiriga agasili ali echiriga kaleka inijili, nije echirigani natijini ke bile mapuriga aniya ani echi inijimi echona echi yuga binoi nili ni bichili. ¹⁹ Ali echona, aboni niwali raichali echi yuga mapuriga ala binoi ali ayenacho bile karuniti Jesusi jiti echiriga mapali mukuli, ali echi pablo ani echi a bite. ²⁰ Ke ni gala bichiwini echi jiti chu riga inerabo je na, ali echiriga ni rukeni ni jena ni echiga nakiya sime echona Jerusalenichi ali echiriga nijirami nima echona jena jiti. ²¹ Echali echi Pablo tanali echiriga tuburami nima mapuriga anisa echi waluwala Emperadori, nije echiriga nulakini chapinala ali echiriga ujulamani nije echi sesari yuga." ²² Agripa je aneli echi Festo."Ba'ali," aneli Festo:" Muje echiriga namima." ²³ Echiriga echali rawe ba'alinatami Agripa ali Berenise isili ni walu omaka ; aboni mowili echona salonichi echi tibutami yuga ali echi ralamuli oweala bacha uchuwami echo wika pireachi siurachi. Ali echi Festo echiriga nulali, Pablo echiriga parami nima echi yuga. ²⁴ Festo anili:"Rey Agripa, ali karika echi ralamuli mapu jenai muchuwi tamuje yuga, yemi ne jena rijoi; karika jena wikabe juriosi tami ruweli echona Jerusalenichi ali ayenacho jenai, ali aboni tami sinakili echi binoi ke echiriga bitalatire minabi. ²⁵ Echiriga nije machikini echi binoi ke bi'iri olali mapuriga mukume; mapuriga binoy nakili echiriga julabo Rey yuga, nije anikini iyanala. ²⁶ Nije ke niwini bi'iri karuniti pi echirigani osilikini echi Rey. Jena jiti, nije ni pakini yemi yuga,ni kala nira mujeti, rey Agripa, mapuriga nije niwini kariniti wika osowa'wami echi jiti. ²⁷ Echiriga maera ju ala ju'ulakua bile bacharami ali ke olakua echi wika nijirami echi yuga