¹ Aora, lo ke súto ta chitiando é eto, súto tene un Sumosaserdote ke a sendá a la mao derecha ri trono ri majestad endi ma nsulú. ² Éle ta se sebbiro endi lugar sando, el berdadero tabernaculo ke Ño a prepara, nu un ombre. ³ pokke to sumo saserdote é pa nda, regalo i sakrifisios. po tando e nesesario ten kúsa pa nda. ⁴ Asina ke si Kristo tubiera aki endi tiela, Éle seria saserdote en to nú, poke ai kiene ofrsen regalos ri akuerdo a ma lei. ⁵ Ané sebbi endi tabernaculo, ke sendá kopia i sombla ri kúsa ri nsulú. Kúmo Rioso a abbertir a Moises kuandi éle iba ase tabernakulo: Rioso chitiá, ''ASÉ TO KÚSA KÚMO BO MINÁ ENDI MONTAÑA.'' ⁶ Poro Kisto a resibi un ministerio mejo. Poke Éle tambie sendá mediador ri un mejo patto, ke ten mejo promesa. ⁷ pokke el primer patto nú tubiera fatta, nú a ten nesesira rí un segundo patto. ⁸ Kuandi Rioso jaya fatta endi terruño, Éle chitiá: KUCHÁ, TAN MINÍ RÍA, CHITIÁ ÑO, I TA ASÉ PATTO NUEBO KU POSÁ RÍ ISRAEL Í KU POSÁ RI JUDÁ. ⁹ É PATTO KE I ASE KU MA ANSETRO KUANDI I SAKA RI EGIPTO. ANÉ NU SEGUI ENDI PATTO MI, I A PALÁ TAÑIO, CHITIÁ ÑO. ¹⁰ E SENDÁ PATTO KE I ASÉ KU POSÁ RI ISRAEL REPUE RI AKE RIA, CHITIÁ ÑO: I TAN PONÉ LEYE MI ENDI MENDE Í TAMBIE KRAKIA ENDI KOLASONE RI ANÉ. I A SENDÁ RIOSO RI ANÉ Í ANÉ SENDÁ TERRUÑO MI. ¹¹ ANÉ NU TEN NESESIRA RI ENSAÑA A MA BESINO NI A NUMANO, CHITIANDO: KUNOSE A ÑO, RENJE E MA PEKEÑO ASTA EL MA NGANDE RI ANÉ. ¹² POKE I A SE MISERIKORDIOSO KU MA MADDA RI ANÉ, Í NU A KOLÁ RI MA PAKARO MA NÚ.'' ¹³ Al chitiá ''NUEBO'', Éle a asé el prime patto biejo a ta desactualisado sekka ri pelé.