¹ Antose, suto ten ke rejá , ma komienso rí mensaje rí Kristo i abansá a maduré. Icha nú uta be e fundamento rí arrepentimiento rí obra muetta i rí fe endí Rioso, ² ni endí fundamento rí insiñansa rí bautismo, imposisio rí mao, resurresio rí muetto, i rí juisio eteeno. ³ Suto tambie asé a kusa si Rioso keleba. ⁴ Pokke sendá rifisí pa ané kiene un begá jueba iluminao, i ke probá e regalo selestia, ke Epiritu Sando ndá, ⁵ i kiene probá e palabra kaika rí Rioso i rí ma kutu rí tiembo ke miní, ⁶ poro kiene repué kujé kaddume, sendá imposible restauralo rí nuebo endí arrepentimiento. E kusa sendá pokke ané krusifiká a Moná rí Rioso pa ané memo uta bé, i andí to jendé abergosalo. ⁷ Pue tiela ke a bebé rí yubia ke a cai andí elé, i nda mbila a ma planda ke siribí pa kiene, tiela sendá makanía, e sendá tiela ke resíbí bendisío rí Rioso. ⁸ Poro sí produsí epina i kardos, nu siribí i a ta sekka rí una maddisío. Fín rí sí sendá kemá. ⁹ Poro suto a ta kombensio rí kusa mejó rí enú, amados, kusas ke sendá rí salbasio, anke kombetsa asiná. ¹⁰ Pue Rioso sendá nú injusto kumo pa olbirá makaneo i gongoroko ke enú a mosdla po nombre sí, pokke enú sebbí a kiene kreé i kiene aun sebbí. ¹¹ Suto keleba i sendá reseo rí suto ke to enú polé mosdlá abilanté a te fin, pa suto tené completa settesa ke enú resibí lo ke Rioso a promete a to enú. ¹² E kusa sendá pa enú nu gobbe peresoso, si nú imitadó rí kiene po fe i pasiensia heredan ma promesa. ¹³ Pokke kuandi Rioso asé promesa sí a Abraham, Éle jurá po sí memo, pue Éle nu polé jurá po alggun uto ma ngando. ¹⁴ Éle chitiá: "I BENDESI BO, i NDA CHOCHA RÍ DESSENDIENTE." ¹⁵ Rí e fomma, Abraham tené lo ke jue prometio repué rí abe eperao ku pasiensia. ¹⁶ Pue ma jendé asé juramento po agguno ma ngande ke ané memo. Pue repué rí epepitá un jura mento siribí pa konfimá lo ke jue rich. ¹⁷ Kuandi Rioso kelé mosdlá ku klarida a ma erefero rí ma promesa ke siempre Éle ba asé lo ke Éle chitiá, ke sendá icho juramento po Éle. ¹⁸ Éle asé a kusa po dolingo kusa ke nu polé kambia, po kual Rioso simepre chitiá kusa rí belá belá, suto ke a kreé endí Rioso. Suto seguí firme ku konfiansa endí Rioso asiná kumo Éle chitiá pa suto asé. ¹⁹ Suto tené a konfiansa kumo un ankla seguro i konfiao rí amma suto, konfiansa ke lendra endí paraje santo (retra rí kotina). ²⁰ Jesús lendra aí paraje kumo uno ke ba lande rí suto, kiene kombeti endí sumo saseddote po to teimbo, rí memo fomma ke Melquisede kiene jueba saseddote.