¹ Saseddote ke Rioso a ekkuje endi ma gende, senda pa representa a ma gende lande rí Rioso, pa Éle nda dones, kúmo sakrifisio po ma pekaro. ² Éle polé trata ku kuidao a kiene nú konosé rí Rioso i kiene a estrabia poke Éle ta rodeado rí debilidad. ³ por é kúsa, éle tambie es obligado a presentar sakrifisio po ma propio pekado, asina kúmo a aselo po ma pekado rí ma gende. ⁴ Nú sendá pa si memo ke narien kujé onor. Rioso a yamalo kúmo ñamo a Aarón. ⁵ Asi memo Kristo nú onrá a éle memo a asé é sumo saserdote. Poro Rioso a chitia kú éle: ''BO SENDA MONÁ MI; AGUE I KOMBETTI ENDI TATÁ SI.'' ⁶ Sendá kúmo Éle a chitia endi uto lao: ''BÓ SENDA SESERDOTE PA TO TIEMBO KÚMO MA KLASSE RÍ MELKISEDE.'' ⁷ Kuandi Éle bibí endi é tiela, Kristo nda orasio i petision, kú klamor i lagrima a Rioso, é uniko kapa rí sabbalorí muette. Rioso a kuchalo po su pierá. ⁸ Anke Éle senda moná, i aprendio oberiensia ri to kúsa ke a sufli. ⁹ Rioso a aselo perfetto i mini a se, pa to kiene ta oberese, ten mbila eterna. ¹⁰ Rioso a ponelo kúmo sumo saserdote repue rí orden rí Melkisede. ¹¹ Súto ten nchocha rí kúsa ke chitía rí Jesús, poro sendá difisil rí esplika, pokke enú nú kelé entende. ¹² Pue anke pa e tiembo enú a ten ke sendá piacha, enú aun a ten nesesirá ri sendá insiñao ri má mesanje ri Rioso. ¡Enú nesesitá leche, nu kumina ndula! ¹³ Pokke kuakkié ke so ta tomá leche a sabé mensaje ri juttisia nú, pokke aún sendá un monasito chininindingo. ¹⁴ Poro ma kumina ndula sendá pa majana ngande. E sendá ané kiene po madures si a sendá sabijondo pa sabé lo ke sendá bueno i malo.