¹ Päöta mo̧ro̧ päia'a porächi'ino Josuemä Sitim micuomȩ 'china̧tö. Jordán Ajera̧'a̧ 'chinö Israel ttöja̧cu, ka̧cuämina̧tö, aje cuä'topäcuä'a ä'cana. ² Huäbodäcuä mo̧ro̧ 'cuäopinä 'ca'a̧. Su̧rö̧dä̧u̧mä ttö̧jä 'cuome cueächinä̧tö, ³ ttö̧ja̧rö̧ jäepinä̧tö̧ : "Dios ö̧jo̧'ca̧ tocuätucuomȩnä̧ , ttöja̧ttö'inä̧ kä'co päteö adihu ttö̧ja̧ levita'ina 'tȩpomȩna̧ , cuichä̧tocua päö ja̧'a̧ ⁴ Noventa metros jo̧mȩnä otonä̧nö̧ cu̧jä̧tu̧cua̧ päö ja'a̧ Dios ö̧jo̧ca̧ttö̧mä. Töcönänö päcuiätucuä juhuä'ca̧mä, cui̧'chä̧tu̧cua̧ päö tocuätucuä cua'anö, mänä̧ cuieruhuätucua'attömä." ⁵ Josuemä pa̧'a̧nö̧ päi̧näu̧ : "Yo̧'ä̧i̧ mu̧ro̧mä töcähuatucui teönä̧ tu̧ru̧hua tottoköyö̧ i̧jȩpä̧cuä̧." ⁶ Josuemä Diostöi̧nä̧ ttö̧ja̧ttöi̧nä̧ kä'co päte'ö adicuä päi'inö : Ȩpina̧tö̧ Dios ojä̧ca, Ȩpina̧to̧ ttö̧ja̧ ttö'canä." ⁷ Tu̧ru̧hua̧ Josuerö pä'inö : " jitä mo̧ra̧ Israel ttö̧ja̧tö̧ Ucuo'unä, cu̧jön'ä̧ jȩchä̧cua̧jä̧. Cuhuo̧ju̧äcua̧jä. Moisesrö chi̧yinö̧'ä̧nö, ucuru'inä chiyä̧cua̧sä̧. ⁸ Ucu jä̧cua̧'a Dios ttö'i̧nä ttö̧ja̧ttöi̧nä ka'co päteiö adi'cuä ttö̧ja̧rö̧huȩcuäjä̧ Dios ä̧jä̧'ca ttȩpa̧ päö : Jordán ajȩnä 'cu̧räbehuätu̧cuomenä jayäna̧ päcuiätucuocatä cu̧jä̧töcua̧ja̧ Jordán Ajȩttomä. ⁹ Jau̧nö̧ o'camä Josuemä Israel ttö̧ja̧rö̧ pä'inö̧ : "ichätucui, äju̧cua̧töcui tu̧ru̧hua̧ Dios i̧huene. ¹⁰ Ja̧u̧nu̧ o'ca cu̧huojuäcuotöjä Dios ucutu kö ja̧u̧ta̧ jäcua̧'a ucutu cuä katucu̧nä̧ chänö̧ ya'opui̧cuäcu̧a̧ cananeosinä̧ , Hititas'inä̧ , Heveos'inä̧ , Ferezeos'inä̧ , Gergesos'inä̧ , Amorreos'inä̧ , Jebuseos'inä̧ . ¹¹ Topätucui ! Dios chöjä̧cua̧sä̧ päinu̧ca̧ cuä'tȩpu'ca'a Jordán aje pä̧cuädoto ucutu cuäkatucunä cuäopäcuä'a. ¹² Jitämä Israel ttö̧ja̧ttö ömä̧tö̧rö̧ pojopätucui ya̧tȩ pu̧nä̧ ¹³ Diosttö'ina ttöja̧ttö̧'inä ka'co päteö adicuä ttö̧ja̧ Dios öjo̧ca̧ ȩpä̧tö̧ Jordan ajenä̧ töjäpu̧ töjädomenä ajemä kämädö̧ joächi'ina'a rȩjȩtä̧ päi'ö̧na̧. ¹⁴ Jordán ajena ttö̧ja̧ cuäopinätö, Diosttö'inä ttö̧ja̧tto'inä kä'co päteiö adihuä ttö̧ja̧ Dios ö̧ja̧ca̧ ȩpä̧tö̧mä ttöjä̧ ttä'canä̧ chinä̧tö. ¹⁵ Ja̧u̧nöo'ca'amä Dios ö̧jo̧ca̧ ȩpä̧tömä̧ Jordán rȩbȩcuina̧tö aje jäyototto ttö̧jä̧pi̧yä̧ acuäbeinätö̧ ( jitämä Jordán aje jayotonä tucuäcuähuä ka̧'cu̧mä aje suhuädi'inö), ¹⁶ Aje hua̧mecutö huerächome ju'to jucu kaecuächö ajemä toecuia'ca acuaröna suhuädina'a jaunä o'ca'a ajema kamadi̧na̧'a̧ Adán utohuiyätö käma̧dö̧ , Saretán utahuiyä ppeyä'ö jina'a̧ , Néguev aje jubö, aje deähuötto sa̧do̧to. Hö̧ja̧mä kähuina̧tö ko̧ro̧jä̧'aa̧cö Jericó tö'cönä̧nö. ¹⁷ Diosttuinä̧ ttöjattöi̧ä̧ ka'co päteiö adihuä ho̧ja̧ tö̧ru̧hua̧ chäjä̧cua̧saä̧ pä'ö jiähuinö̧'ca̧ , kämadi̧nätö Jordán aje käioto jau̧nö o'comenä Israel ttö̧ja̧ kähuähinäto päcuädotocu.