¹ Jahuanö ja̧'a̧ttö̧ Josué Nun ittimä, Sitimttö, u̧mä̧ttö, ta̧jöurö̧ yähuȩinä tti̧cha̧ pä'ö huȩ'i̧nö̧ 'kä̧rä̧wä̧huä̧ ttö̧ja̧ a̧cuarönä. Pä'inä̧ö̧ ; "topätucui ja̧hu̧äjä̧ rȩjȩ , ji̧nä̧ isocuimä Jericotä" Räopinätö̧ , ja̧hua̧nö ja̧'a̧mä̧ rä̧bȩhui̧nä̧tö̧ kidepä ppähuä̧rö̧jo̧mȩnä̧ Kidepä iyächäcuähuäju Rahab: kojusodenä , juȩnȩtä̧ kinätö. ² Jericó röhua̧rö jiähuinätö : "Israel ttö̧jä̧ u̧mä̧tö̧ ichäjätö rȩjȩ usäö i'chätö. ³ Jericó ru̧hua̧mä̧ hueinö Raharö jitähuaja pä'ö. "Cuojusodenä doächö ichäjätörö räepö'icuí jäcuätömä ti̧rȩjä usäö ichäjätö" ⁴ Jahua̧nö̧ ja̧'a̧nä jahuäju isajumä u̧mätö̧ ta̧ju̧ru̧mä dajö ku̧ninäju̧. Isajumä pä'inäju̧ "a̧'a̧ , jahuätomä ttö chöja̧'acu i'chäjätö ja̧hua̧nö ja̧'a̧nä̧ jerupäjäjusä to ttö tticha'attö̧ pä'ömä" ⁵ Jahuätömä nipächia̧'a töipächinätö̧ utahuiyä apate mö̧tȩpäisomȩ. Jerupäjäjusä tocu tticha̧ ja'a pä'ömä. Ucumä cu̧räbȩhuo̧mȩ ja̧'a̧ ju̧ru̧nä̧nö̧ jȩpö̧ röcui'ö ttömä. ^{6 7} Ja̧hua̧no̧ ja̧'a̧nä jahuäjumä kojusode huä̧mȩ lino isacua obana jȩpö könö jojepäjinä kö̧daji̧nä̧ö. ⁷ Ja̧hua̧nö̧ ja̧'a̧mä̧ u̧mä̧tö̧mä̧ rötti'inäö̧ Jordan ajettö re'tönänö jo̧mȩbö chä̧cuähuä̧mä̧nä̧ . Jahua̧tanö̧ apatiyämä yi̧ȩpinä̧tö̧ yotäcu rö'iätö rätto pächötanö. ⁸ Jinä äiocatö pina̧tö̧ ; topö kichaa mä̧ . ⁹ Pä̧ji̧nä̧ö̧ : "Diosmä pi̧jä̧ rejȩmä̧ ucuturö iyinö pä'ömä huo̧jua̧ju̧sä ja̧huä̧nö ja̧'a̧ttö̧ ucuturu yetecunä ja̧'a̧. O'catoinä pi̧jä̧ rȩjȩnä̧ ka̧cuä̧tö̧mä̧ ucutu huecätöcuä'änätä̧ ttö̧jä̧cuo̧tö̧. ¹⁰ Ä̧ju̧cuä̧tö̧jä̧ Diosmä dubora tuhuora jo'iönä jȩpi̧nö̧ cuäcuopätöcua pä'ö , Egipto rȩjȩttö̧ racuopinä̧tö̧cu̧ 'a'caa ja̧hua̧ta̧nö äji̧cui̧nä̧tö̧jä̧ Jordan ya̧nä ji̧jȩnätö̧ amorreos ruhautö taju̧rö̧ , sehorö'inä , ogrö'inä ucutu cuä'öcuicuätöcuä'u̧ru̧. ¹¹ Pi̧yȩ huȩnȩ tajucuitanö ye'ecuäcuä'inä to'ächina'a̧ ujuturö , tujuräcu'inä juiya'a , ucutu cu̧ru̧hua̧to̧ Diosma, pijä'inö morojä̧'inä huä̧mȩnä̧ ku̧'inä pijä dȩa̧nä̧ ka̧cu̧'inä u̧ru̧hua̧'a̧ ja̧'a̧. ¹² Ja̧hua̧nö̧ ja̧'a̧ttö̧ jitämä , jäepäjusä cu̧ru̧hua̧tö̧cu̧ i̧mi̧nä̧ jȩtä̧cuo̧tö̧ja̧ päcuiatöcua'a pä'ö , ucuturö odiu jȩchȩta̧'a̧nö̧ ucutu'inä ädiu jȩcuäcuo̧tä̧jä̧ chä'o ojusodecumä. Ji̧yȩtȩ i̧jȩcuä̧ hueyecuiyanö jö̧ jiäcuätöcuittö ¹³ ta̧cuä̧rä̧cuö̧tö̧jä̧ ujuturömä ; chä'orö'inä , cha̧jurö'inä , chi̧ja̧huatö umätörö'inä chö̧ja̧hua̧tö̧ nä̧tö̧rä'inä , o'catoinä chahuaröhuärö'inä hua'arettö tta̧cua̧ra̧cuo̧tö̧jä̧ pä'ö. ¹⁴ U̧mä̧tö̧mä̧ adätinätö̧ ; 'ia̧ jȩtäcuo̧tö̧ja̧ "!jȩtäcuä̧ tamöcuätö̧ jicuäcuiyötötä, tu̧ru̧hua̧ ujuturö pijä̧ rȩjȩ iyomenä rȩrö̧jö̧nä̧ topö ucuturö jȩtäcuä̧ päteji tamöcuadäcuotöjä̧ . ¹⁵ Ja̧hua̧nö̧ ja̧'a̧mä̧ isode isatenä isappänä jȩpö̧ ki̧mȩyȩdi̧nä̧ö̧ . Jajö kojusodemä utahuiyä ttoecuä'canä 'tö̧ti̧na̧'a̧ ji̧na̧'a̧. ¹⁶ Pä̧ji̧nä̧ö̧ ; "Möä'quiyöra̧'a ttö̧'ocui̧äcuö̧tö̧ja̧. Huäbodäcuä mo̧ro̧ jo̧mȩnä̧ Jajahuächätucui juhuenȩtä̧ , ucuturö rö'iätö ppa̧tä̧ cho̧mȩbu̧. ¹⁷ U̧mä̧tö̧mä̧ pättinäcua̧; "Ujutumä jȩti̧y ö̧cuo̧tö̧jä̧ jȩtäcuä̧ pätäjimä, pä̧'a̧nö jȩcu̧ttö̧mä. ¹⁸ Pi̧jä̧ rȩjȩra̧'a̧ tö̧rä̧mȩna̧mä̧ ucumä pö̧jä̧ta̧ tuhuäta̧ ticuä'da̧ja̧ pä'ö jä̧cua̧'a̧ isode i̧sätä̧ ti̧mȩyȩu̧nä jȩcuä̧menä ja̧hua̧ta̧no̧ cuä'orö'inä, cua̧ju̧ru̧'inä, cui̧jä̧cua̧tö̧ro̧'i̧nä̧ o'cato'inärö̧ ji̧nä̧ yo̧mȩtȩ ttöjä̧ pä'ö ja̧'a̧ cuä'o ojusodenä. ¹⁹ Isodetto u̧mi̧cu̧ rä'opächö jȩpö̧ chutä jähuänä to̧ȩäcua̧ , ujutu jähuänämä jo̧ca̧'u̧ jäcua̧'a̧. Ja̧hua̧na̧ ja̧'a̧nä̧ cua̧huä̧röhuä̧ttö̧ y a̧tȩttö u̧mi̧cu̧nä̧ cuä'opöttömä̧ ujutuinä cua'öticuäcuotöjä̧ jȩtä̧cuä pätäje jȩto̧ca̧'a̧ttö. ²⁰ Ujutu jȩtäcuä̧ jicuähuäjimä , ujutu jȩta̧ pä'ö jacue päjimä jȩti̧chäcuo̧tö̧jä̧ ²¹ Rahab ädätinäjö̧ ; "päcuäjima ja̧hua̧nötä jä̧cua̧ja̧ tejähuäji o'ca'a i̧ hui̧'i̧nätö. ja̧hua̧nö jȩji̧o'ca'amä pö̧jä̧ta tu̧huä̧ta̧ ti̧ädi̧na̧ju̧ isode isatenä. ²² Jahuätömä möä'quiyöra̧cu̧ chi̧nätö juhua'atä ki̧nä̧tö̧ huädodäcuä mo̧ro̧ ja̧mȩnä̧ , ruhuätö ppa̧ttä̧cho̧mȩ jubu. Ruhuätömä usinätö̧ mä̧nä̧ jä̧ttä̧yä̧mä̧ ja̧hua̧nö ja̧'a̧nä̧ po̧cui̧po̧co̧tö̧ pinätö̧ . ²³ U̧mä̧tö̧ ta̧ju̧mä̧ möä'ca̧tto mȩyȩu̧ ppa̧'a̧chi̧na̧tö̧ Josué Nun i̧tti̧cu̧ , ja̧hua̧nö ja̧'a̧ jitähuinä̧cu̧ o'cajuiyönä 'cuäopäji. ²⁴ Josuerö jiähuinätö̧ . "Tu̧ru̧hua̧mä isopä'inätä̧ iyäu̧jä̧ pi̧jä̧ rȩjȩmä̧ . O'catoinä̧tä̧ pijänä ka̧cuä̧tö̧mä̧ yȩ'ecuä'chätö ujutu jähuänä.