¹ o'cato'inä ttöja Jordán aje ttöjähuäji o'ca'a, tu̧ru̧hua̧ Dios jiähuinö Josuerö ² Otahuiyättö u̧mä̧törö̧ tto̧mö̧tö̧ todärenö ttöja,rö pojopö emitötämuminätö ya̧tȩ ubö pönä ³ pi̧yȩ hue'ö jiähui : "tömötö todäre jo̧mȩnä̧ idoquiyu ȩmi̧ Jordán ka'cötö, ttö̧ja̧tö'inä Diosto'inä ka'co päteö adicuä ttö̧ja̧ re,jȩ jomȩ ttö̧ja̧cuo̧mȩtö,ȩpa̧tu̧cui̧ ucutu'inä, rutätucui yodo cuäcuopatucuacacuomȩ " ⁴ Ja̧u̧nö̧ o'ca'a, Josues huopinö̧ umä̧töru̧ to'mötö todäre jomena huotörö Israel Ttöjätö pojopö u̧ju̧nä̧ju̧ru̧, tö̧tä̧mö̧mi̧nä̧tto ya̧te pö̧nä̧ . ⁵ Josuemä pä'inö : "tö̧ä̧nä̧hua̧ Dios öjo̧ca̧ ȩpätö̧cui Jordán käco'cu. ucuta yäcuna idoqui cupi'kanä caepö huȩrä̧huä̧töcui̧ Israel Ttöja Ttö̧tä̧mi̧nä̧tö pa̧ja̧tö̧ topö. ⁶ Pi̧yemä jiyȩte töhuo̧ju'a̧ pä'ö ja̧'a̧ , cuitimö ttichäcuotömä jiyete mo̧ro̧ jä'epö ttäju̧cuo̧mȩnä. ¿Daje pä'ö jiähuatö poqui idoquimä ucurumä? ⁷ Juahuano ja̧'a̧ jicua̧hua̧ja̧ : "Tö̧ä̧nähuä̧ Dios öjo'ca̧ a'catö Jordan ajemä 'Caecuachina̧'a̧. Pi̧yȩ cuäopina'a Jordan'inä, Jordán aje ka̧'ecuachinä'a. pa̧'a̧nö jȩpö̧ ku̧nä̧hui̧nä̧'a̧ pi̧yȩ idoquiyumä ucuotu töja̧ pa'ö cuaopunä̧tä̧ Israel ttö̧ja̧mä̧ " . ⁸ Israel ttö̧ja̧mä Josues hueäjitä'anö̧ jȩpi̧nä̧tö̧,, tö̧mö̧tö̧ todäre jo̧mȩnä̧ ido'qui ca̧ca̧ti̧nä̧tö̧ Jordán aje 'ca'cotö, tö̧a̧na̧hu̧a̧ Dios Josuerö jiähuäjitä',anö. Israel ttö̧ja̧mä idoquiyu rutinä̧tö̧ tö̧ttä̧muminä̧tö̧ pä̧jä̧ttö̧ topö. idoquiyumä ȩpi̧nä̧tö̧ töja̧cua̧cuomȩcu̧ juhuenȩtä̧ rötipinä̧tö̧. ⁹ Ju̧a̧nö̧ o'ca'a Josuesma tö̧mu̧tö̧ todäre jo̧mȩnä̧ idoqui rötinö Jordán ka'cu pate'ö adicua ttö̧ja Dios öjo̧'ca ȩpa̧tö̧ töjä̧mä̧ do̧me. jitamo̧ro̧ päi'nä ka̧'a̧ Diosrö ucuotö jȩä̧cua̧hua̧'cama. ¹⁰ Diosto'inä tto̧ja̧tö'inä kä'co päteö adicuä ttö̧ja̧ Dios öjo̧'cä̧ ȩpä̧ttö̧mä̧ Jordan aje ka'co pateo ka'cuami̧nä̧tö̧ tu̧ru̧hua̧ Josuerö hue'ö jiä̧huomebö O'catoina ttö̧ja̧rö̧, Moisé Josuerö hue'ö jiähuinu̧anö . O'cato'inä ttö̧ja̧mä ju̧ru̧nänö kähuächinä̧tö. ¹¹ O'catö'inä ttö̧ja̧ töjähuäji'ca, Diostö'inä ttö̧ja̧to'in,ä kä'co päteö adicuä ttö̧ja̧ Dios öjo̧'ca̧ käinä̧tö̧ Ttö̧ja̧ Dios öjo̧'ca̧ käinä̧tö ttö̧jä tä'ca jo̧mȩnä̧ ¹² Ruben'inä Gad'inä ötä̧mi̧na̧tö jua̧hua̧tanö Manases ötämi̧nä̧tö̧ ju'töto'inä Israel ttö̧ja̧ ttä'ca jo̧mȩnä recuätöna cuaopinä̧tö̧, Moises jiä̧huinötaa̧nö. ¹³ Cuarenta mil jo̧mȩ tö̧'cöhuachi'inä umä̧tö̧ curä̧ rohuähuätö ji̧nä̧'a̧,Tu̧ru̧hua Dios a'ca jo̧mȩnä cuaopinä̧tö̧ jerico rȩjȩrä̧'a̧ rohuäu 'chä̧nö̧. ¹⁴ Ju̧a̧nö mo̧ro̧ tö̧ä̧nä̧hua̧ Dios Josuerö öjörö jȩpi̧nö̧ Israel ttöja ttä'ca jo̧mȩtö̧. Juahuänö ja̧'a̧to Öcuotinä̧to̧ Moiserö tucuotinä'änö̧ rji mo̧ro̧bö. ¹⁵ Ja̧u̧nö̧ O'ca'a tu̧ru̧hua̧ ocuocuinö Josuerö. ¹⁶ "Diostö'inä ttö̧ja̧tö'inä ka'co päteö adicua ttö̧ja̧rö̧ hue'i Dios ö̧jo̧'ca̧ Jordán i̧mi̧cu̧ rätepa" ¹⁷ Ja̧hua̧no ja'a Josues huei'nö Diosto'inä tto̧ja̧tö'inä kä'co päteö adicuä ttö̧ja̧ "Jordantö räopätucui" ¹⁸ Diosto'inä tto̧ja̧tö'inä kä'co päteö adicuä ttö̧ja̧ Dios öjö̧'ca̧ ȩpä̧tö̧mä̧ Jordan kä'cotö räopinä̧tö̧, tö̧jä̧pi̧ya̧ rȩjȩ jo̧ä̧jaä̧nä̧ kȩdi̧nä̧tö̧, Ja̧hua̧no ja'a Jordán ajema pä'ätä'ä̧nö̧ ajetä pä''i'na̧'a̧ pa̧ja̧cuä̧nö mo̧ro̧ a'canä ja̧ji̧yä̧'a̧nö̧tä̧. ¹⁹ Ttö̧ja̧mä Jordantömä raopinä̧tö̧ Fechamä tö̧mö̧ todare mo̧ro̧ Jo̧mȩnä̧ ä̧cuomȩnä̧ kä̧huä̧tö̧. Gigalnä kä̧'cui̧pi̧nä̧tö̧, Jericotömä kä'huä̧ rä̧opa'acu. ²⁰ Ttö̧mö̧tö̧ todare Jo̧mȩnä ido'qui Jordantö̧ tȩmä̧jimä̧, Josuemä Gigalnä kuninö̧. ²¹ Josuemä Israel Ttö̧a̧rö̧ jäepö tä̧ju̧cuo̧mȩnä̧ :¿Dajetö̧ pi̧yȩ ido'quimä? ²² Cui̧ti̧mö̧rö̧mä̧ jiähui " Israel Tto̧ja̧ Jordán Aje jo̧ä̧ja̧nä cuaopina̧tö̧". ²³ Tu̧ru̧hua̧ Dios Jordán aje joi'inä jepi̧nö̧ ucuru, ucuinä Jo̧ä̧ja̧nä cuijähuä pä'ö, tu̧ru̧huä̧ tö̧ä̧nä̧huä̧ Dios aje röoto tuhuoto jȩi̧na'anö, ujutu cuatöpa pa'ö jȩi̧na'anö ²⁴ Ja̧hua̧no O'cato'inä ttö̧'ja̧ töhuö̧ja̧cua̧'a̧nö tu̧ru̧hua̧mä̧ ju̧ru̧hua̧ pä'ö, ucutuinä tu̧ru̧hua̧ tö̧a̧na̧hua̧ Diosrö ucuotäcuähuä cu̧ju̧nä̧rätä̧cua̧ pa'ö cuaopönä̧tä̧.