¹ Veintenö a̧'ȩ 'cuäopinö o'ca'a, Salomón TÄ̧Ö̧NÄ̧HUA̧ ojusode'inä ja̧'hua̧ta̧'a̧nö̧ chutä ojusode'inä aditinö o'ca'a, ² Salomónmä Hiram churutä iyinö ötahuiyä aditö icuinö, ja̧'hua̧nö̧ aditö icu Israél ttö̧ja̧ ja̧u̧ ötahuiyänä ttö̧jö̧nä̧ jȩpi̧nö̧. ³ Salomón u̧mu̧huäyotucu Hamat ötajuiyä rohuäu iso juo'epinö. ⁴ Ja̧u̧ aditinö Tadmor ötahuiyä de'a jui̧yä̧jä̧nä̧, o'cajuiyönä öäre hua'adö ku̧nä̧huo̧mȩ ötahuiyämä Hamatnä rȩjȩnä̧ aditinö. ⁵ Ja̧'hua̧ta̧'a̧nö̧ aditinö 'quiyönä kä'ca 'quiädö Bet Horón ötahuiyä huä̧mȩnä̧'i̧nä̧ dȩä̧'a̧nä̧'i̧nä̧, apateyä'inä ja̧'hua̧ta̧'a̧nö̧ ppetädö kö̧nä̧huä̧ o̧'quȩhui̧yä̧'i̧nä̧ ka̧cu̧nä̧. ⁶ Juo̧u̧mä̧ aditö iyinö Baalat_rö o'cajuiyönä ötahuiyä'inä äre caröquiyä'inä ja̧'hua̧ta̧'a̧nö̧ su̧ro̧da̧u̧ ttötahuiyä'inä ja̧'hua̧ta̧'a̧nö̧ koro'inä juo̧u̧mä öjö'cönä jö̧mä̧ aditäri̧nö̧ Jerusalén adihuiyarö pe'ö, Libano'inä ja̧'hua̧ta̧'a̧nö̧ o'cajuiyönä rȩji̧yä̧ hue'ö ö̧jö̧ o̧ji̧jä̧nä̧mä̧. ⁷ Ja̧'hua̧nö̧ ja̧'a̧ ka̧cui̧ pi̧nä̧tö̧ttö̧ o'cato'inä ttö̧ja̧ttö̧mä̧ hitita ttö̧ja̧tä, amorreo ttö̧ja̧tä, ferezeo ttö̧ja̧tä, heveo ttö̧ja̧tä ja̧'hua̧ta̧'a̧nö̧ jebuseo ttö̧ja̧tä, Israel ttö̧ja̧ huocotö pinätö̧, ⁸ juo̧nö̧ o'ca'amä ttähuaruhuä 'cotö tti̧ji̧no̧mȩtä̧ ka̧cui̧nä̧tö̧ jahuätömä tti̧rȩjȩnä̧tä̧, Israel ttö̧ja̧ 'chottipiye'imä - Salomónmä päi̧cu̧nä̧ ttäditönä hueötä huȩi̧nä̧u̧, ja̧'hua̧ta̧'a̧nö̧tä̧ kä̧tö̧ jitä moro̧bu päi'önä. ⁹ Israel ttö̧ja̧rö̧ Salomómä̧ pä̧i̧cu̧nä̧ ttadita pä'ömä hueocö pinö; jahuätörämä u̧mu̧huäyotö su̧ru̧da̧u̧ päi'önä̧tä̧ jȩi̧nä̧u̧ curä rohuähuätö tturuhuotö ttö̧ja̧ pä'öta hueinä̧u̧, ja̧'hua̧ta̧nö̧ carukiyä ca̧ba̧yu̧tu̧ dottö juruhuö juȩ'ȩpä̧rä̧tö̧ tturuhuotö jö̧nä̧tä̧ hueinä̧u̧. ¹⁰ Pitömä su̧ru̧da̧u̧ tturuhotö ja̧'a̧nä̧ to̧pä̧rä̧tö̧'i̧nä̧ huinä̧tö̧ ru̧hua̧ Salomón umuhuäyotörö jahuätömä huinä̧tö̧ 250nö̧ jahuätömä aditätörö to̧pä̧rttö̧ ji̧na̧'a̧. ¹¹ Salomómä ru̧hua̧ Faraón ittijuru koromȩcu̧ ȩpi̧nö̧ David idepiyu räepö icu chutä aditinomecu̧ jahuäju kö̧ja̧ pä'ö, ja̧u̧mä̧ päinö:'' Ttö chirehuamä kö̧jö̧ juiyö'anö ja̧'a̧ Israe'ru̧hua̧ David ojusodenä̧mä, juä̧nȩmä̧ ko̧mȩ ja̧'a̧ TÖ̧Ä̧NÄ̧HUA̧ ö̧jode ro̧mȩ pä'ö.'' ¹² Ja̧'hua̧nö̧ ja̧'a̧ttö̧ Salomón ku icu iyähuä iyinö apate ä'ca jo̧mȩttö̧ Ö̧Ä̧NÄ̧HUA̧RÖ̧ chutä ku icu iya pä'ö aditinä'canä. ¹³ Ku icu iyinö mo̧ro̧ jö̧ta̧'a̧nä̧ ttiya pä'ö pätecuächinö ta'anö, ja̧u̧ iyinö, Moisés ö̧ji̧nö̧ pä̧nä̧ hueähuä huȩnȩ pä'öta'anö, Sahuaru mo̧ro̧ jö̧ ta̧'a̧nö̧, kä̧hua̧ pä'ö ra'opörö ja̧'hui̧a̧ta̧'a̧nö̧ pä'carimä ya'ate a̧'ȩttö̧mä̧ huäbodäcuänä: Pan ppu̧ä̧mö̧ juiyönä'inä Pä'cari , ji̧mä̧tȩ Pä'cari jo̧mȩ'i̧nä̧ ja̧'hua̧ta̧'a̧nö̧ TÖ̧Ä̧NÄ̧HUA̧ ö̧jode Pä'cari. ¹⁴ Jä'ominä ru̧hua̧ David huȩyu̧tu̧ ötinö ji̧nä̧tä̧ jȩpö̧mä̧, Salomún-mä kä̧'ȩpö̧ ku̧ni̧nö̧ sacerdote huotörö ttaditähuä pö̧nä̧, ja̧'hua̧ta̧'a̧nö̧ Levi ttö̧ja̧rö̧'i̧nä̧ ttaditähuomecu̧, TTÖ̧Ä̧NÄ̧HUA̧RÖ̧ ucuo tettähua pä'ö ja̧'hua̧ta̧'a̧nö̧ sacerdote huotö pättöta'anä tti̧'cha̧ pä'ö. Ja̧'hua̧ta̧'a̧nö̧ 'cä̧ȩcuo̧mȩ apatiyänä'inä yatete pönä tta̧'a̧rä̧tö̧rö̧ ku̧ni̧nö̧, jua'amä David Dios u̧mu̧huä̧ya̧, ja̧'hua̧nä̧tä̧ jȩcu'a̧ päina'a̧ttö̧. ¹⁵ Pitö ttö̧ja̧mä̧ sacerdote huotörömä hueähuä huȩnȩttö̧mä̧ jäyä'inä päi'ö juiyönä jȩpi̧nä̧tö̧ ja̧'hua̧ta̧'a̧nö̧ Levi ttö̧ja̧ koro jȩttö̧'i̧nä̧, ttu̧cua̧ koro ttiäre huia'adö ku̧nä̧huä̧ttö̧mä̧. ¹⁶ Adicuä o'cajuiyönä Salomon hue'inömä jo̧mȩ ji̧na̧'a̧, ja̧'u̧nö̧ mo̧ro̧tä̧ i̧so̧dȩ ka̧da̧'ca̧ TTU̧RU̧HUA̧ ojuisode kättädomȩbu 'qui̧ä̧du̧ cu̧ni̧nä̧tö̧. TÖ̧Ä̧NÄ̧HUA̧ ojuisodemä jo̧mȩ ji̧na̧'a̧. ¹⁷ Juȩnȩ o'ca'amä Salomon 'chinö EZION Geber ja̧'hua̧ta̧'a̧nö̧ ELOt, aje jäyoto Edom rȩjȩra̧'a̧. ¹⁸ Hiram-mä hue'inö huoi'quiyö su̧ro̧da̧u̧ ttu̧ru̧huo̧ttö̧ ju̧ȩtȩpä̧ra̧'a̧nä̧ juä̧ttö̧mä̧ huo̧jui̧nä̧tö̧ huȩ'ä̧huä̧ huo̧i̧'qui̧yö̧. Juä̧'ttö̧mä̧ 'cha̧'a̧chi̧nä̧tö̧ Salomon umuhuäyotöcu Ofir-ra'a. Juättömä ȩpi̧nä̧tö̧ juo̧ru̧mä̧ 450 talentos-nö jo̧mȩ pä'ömä pähua'a(16,000 kilos jo̧mȩnä̧ ja̧'a̧) oronämä ja̧u̧mä̧ ru̧hua̧ Sa̧lo̧mo̧n-rö̧ i̧'kä̧chö̧ i̧yi̧nä̧tö̧.